Шестата форумска сесија во рамки на програмата „Форуми во заедницата” што беше закажана за утре во 18:00 часот, се одложува за вторник (16.3.2010 година) во 18:00 часот во просториите на основното училиште „Ѓорѓија Пулевски”.

Причина за одложувањето е трибината за граѓаните на Општина Аеродром која ќе се одржи утре, 12.3.2010 година (петок) во спортската сала „Јане Сандански“ (МЗТ) во 20:30 часот, на која ќе присуствуваат високи владини претставници: министри, пратеници, директори на јавни претпријатија и директори на други државни институции, како и градоначалниците на Град Скопје и Општина Аеродром, Коце Трајановски и Ивица Коневски,

11.3.2010

Општина Аеродром

Претставници од Општина Аеродром минатата недела се вклучија во Работилници за креативни градови коjа се одржаа во Културниот центар – Точка, со финансиска поддршка од Холандската амбасада во Република Македонија. Организацијата беше водена од страна на Калина Б. Исаковска, ангажиран културен скаут од страна на амбасадата.

Во работилниците учествуваа и претставници на Град Скопје, како и други скопски општини и општини од другите градови, институции и невладини организации, како и холандската амбасадорка Симоне Филипини, НВО од Холандија и од градот Хаг.

„Медиаматик“ претставува светски сајт за културата, каде што на едно место можат да се следат културни најави и да се видат светски настани од областа на културата, поточно претставува културен водич за секој град кој е приклучен.

Целта на работилницата е да се стимулира меѓународната соработка меѓу уметниците од целиот свет, како и да се има директен увид во културните случувања како кај нас, така и ширум светот. Преку информациите кои ќе ги поставуваат граѓаните и членовите на сајтот ќе се придонесе во истражувањето на локалната уметничка сцена и на тој начин, Општината и граѓаните ќе бидат во чекор со случувањата во меѓународната уметност и култура. Проектот ќе овозможи да се промовира културниот дух на општината и градот во кој живеат граѓаните.

Исто така, корисниците и членовите на сајтот ќе можат да комуницираат меѓусебно, да закажат состанок, да договараат настани, изложби, да ја истражуваат уметничката сцена на нивните градови и да бидат во тек со меѓународниот развој на уметноста и културата.

Општина Аеродром ги повикува уметниците на нејзина територија од сите области да се приклучат на сајтот, така што ќе испратат кратка информација за содржината на настанот и слики за активноста која сакаат да ја најават или која се случила.

Информациите можат да се испратат на е-mail адресата: jelena.pejanovik@aerodrom.gov.mk а потоа општината ќе ги објави на официјалната веб адреса: www.travel.mediamatic.net каде што ќе можат да се видат сите културни случувања и најави во светот.

9.3.2010

Општина Аеродром

СЕ ФРЛА СОЛ НА КОЛОВОЗИТЕ ВО ОПШТИНА АЕРОДРОМ

Кризниот штаб на Општина Аеродром експресно реагираше на снегот што непрекинато паѓа од утринските часови и презема континуирани акции за расчистување на снегот.

Екипите на кризниот штаб ги организираа сезонските работници да го чистат снегот од тротоарите на булеварите, а во меѓувреме во расчистувањето на снегот од улиците, што се во надлежност на Општина Аеродром, се приклучи и ангажираната фирма „Река”, задолжена да ги одржува локалните улици и патишта во зимски услови, која располага со потребната механизација и средства за одржување на улиците.

Акцијата за расчистување на снегот во Општина Аеродром е во тек, така што сол на улиците ќе се фрла и во текот на ноќните часови.

8.3.2010

Општина Аеродром

ВО ПЕТОК СРЕДБА НА ГРАДОНАЧАЛНИКОТ КОНЕВСКИ СО ГРАЃАНИТЕ

На 12.3.2010 година (петок) во спортската сала „Јане Сандански“ (МЗТ) во 20:30 часот високи владини претставници: министри, пратеници, директори на јавни претпријатија и директори на други државни институции ќе одржат трибина за граѓаните на Општина Аеродром.

На трибината ќе присуствуваат и градоначалниците на Град Скопје и Општина Аеродром, Коце Трајановски и Ивица Коневски.

Општина Аеродром ги поканува граѓаните да присуствуваат средбата и да ја искористат можноста да разговараaт со официјалните претставници.

Ги покануваме редакциите на пишаните и на електронските медиуми да испратат новинарска екипа (новинар и снимател или фоторепортер) да го проследат настанот.

08.03.2010

Општина Аеродром

ИЗЛЕЗЕ ОД ПЕЧАТ НОВИОТ БРОЈ НА ВЕСНИКОТ „АЕРОДРОМ”

Општина Аеродром го испечати второто издание за 2010 година, поточно триесет и третиот (33) број на весникот „АЕРОДРОМ“.

Во овој двоброј за март и април, издаден на 32 колорни страници, покрај содржините со актуелна тематика и проблеми што го засегаат локалниот живот во Општината, има и текстови од различни области интересни за секоја возраст и сечиј вкус, а како нов момент е рубриката „Ѕид на креативни фотографии“ каде што граѓаните можат да испраќаат интересни и креативни фотографии.

Новиот број на весникот „АЕРОДРОМ“ може да се прочита и на општинската веб-страница: www.aerodrom.gov.mk во рубриката „ВЕСНИК“.

Граѓаните можат да ги изнесуваат своите предлози, критики и совети на телефоните и на адресата од седиштето на Општината.

Весникот се печати во тираж од 30.000 примероци и бесплатно се доставува до секој дом на жителите во Општина Аеродром. Весникот, исто така, може да се добие и во седиштето на Општината, се разбира бесплатно.

Следниот број на весникот „Аеродром“ ќе излезе на 1-ви мај 2010 година.

08.03.2010

Општина Аеродром

ВО ПOНЕДЕЛНИК 26-ТА СЕДНИЦА НА СОВЕТОТ НА ОПШТИНА АЕРОДРОМ

На 08.03.2010 година (понеделник), со почеток во 16:30 часот во просториите на Општина Аеродром ќе се одржи дваесет и шестата седница на Советот на Општина Аеродром.

На дневниот ред на седницата се следните точки:

1. Завршна сметка на Буџетот на Општина Аеродром за 2009 година;
2. Предлог-Заклучок за усвојување Годишен извештај на Општина Аеродром за 2009 година;
3. Предлог-План за измена и дополнување на Планот за јавни набавки на Општина Аеродром за 2010 година;
4. Предлог-Одлука за утврдување на потреба за поставување на урбана опрема и за условите, начинот и постапката за издавање на одобрение за поставување на урбана опрема;
5. Предлог-Одлука за давање согласност на Меморандум за соработка помеѓу Општина Аеродром и карана корпорација, за спроведување на проект за конкурентност на УСАИД;
6. Предлог-Одлука за поништување на Одлука за исплата на парични средства за имплементација на проектот „Креирање на локални младински стратегии“, организиран од Агенција за спорт и млади на РМ и Коалиција на младински организации СЕГА;
7. Предлог-Решение за давање согласност на Одлуката за измена и дополна на статутот на ЈУДГ “Срничка” Скопје;
8. Предлог-Заклучок за давање согласност на одлука за измена и дополна на Правилник за систематизација на работни задачи на работниците во ЈУДГ “Срничка” Скопје;
9. Предлог-Одлука за исплата на парична помош по основ на пристигнати барања на отпремнина за пензионирање и смртен случај на член на потесното семејството;
10. Предлог-Заклучок за усвојување на Извештај за извршување на Одлуките донесени од страна на Советот на Општина Аеродром, за период 11.04.2009 година - 28.02.2010 година;

05.03.2010

Општина Аеродром

Во ОУ „Гоце Делчев“ во Општина Аеродром

Неодамна во ОУ „Гоце Делчев“ почна обука за одделенските наставници за користење лаптоп, како и оперативниот систем Едубунту -Опен Офис и други кориснички апликации за потребите на наставата.

Обуката ја одржуваат двајца одделенски наставници од училиштето кои претходно посетувале обука од ПЕП - Проектот за основно образование.

Целта на овој проект е да се подобри наставниот процес, да се зголеми мотивацијата кај учениците, како и професионален развој на наставниците. Овој проект исто така, ќе овозможи наставниците полесно да ги согледаат вештините кои учениците ќе ги стекнат при користењето на различните технологии.

По завршување на обуката, наставниците ќе можат да ја користат Едубунту околината и да користат Едубунту, да креираат и да одржуваат сопствено Е-портфолио, како и да ја користат Импрес програмата во наставата.

3.3.2010

Општина Аеродром

ПОЧНА ИЗГРАДБАТА НА ЧЕТИРИ ФУДБАЛСКИ ИГРАЛИШТА ПОКРАЈ КЕЈОТ НА ВАРДАР ВО ОПШТИНА АЕРОДРОМ

Градоначалникот на Општина Аеродром, Ивица Коневски, заедно со премиерот Никола Груевски, претседателот на Фудбалската федерација на Македонија, Харалампие Хаџи Ристевски и директорот на Агенцијата за млади и спорт, Диме Спасов, денеска, 2.3.2010 година (вторник), во присуство на македонските фудбалски репрезентативци, меѓу кои и славниот Горан Пандев, поставија кемен-темелник на четири нови фудбалски игралишта покрај кејот на реката Вардар во близина на последната автобуска станица на броевите 5 и 15.

Станува збор за изградба на 4 фудбалски игралишта со капацитет на публика до 500 гледачи. Во рамките на овој проект, планирана е изградба и на управна зграда на Фудбалската федерација на Македонија и дополнителен стадион за над 3000 гледачи со вештачка трева.

„Ми причинува чест и задоволство што денеска го официјализираме почетокот на изградба на фудбалски тренинг центар покрај кејот на реката Вардар, како што најавивме во август минатата година. Со изградбата на фудбалските игралишта, граѓаните не само што ќе имаат можност да ги следат големите спортски настани, туку и самите да спортуваат и да се рекреираат во нив во слободното време“, изјави градоначалникот Коневски.

Тој додаде дека за реализација на овој капитален проект Општина Аеродром интензивно работеше за да се донесат неопходните детални урбанистички планови и да се расчисти теренот.

Премиерот Груевски посака успешна реализација на проектот фудбалски центар и „во иднина да биде место каде почнале, се развивале, израснале и тренирале големи спортски имиња, кои со гордост ќе ги носат црвено жолтиот македонски дрес и ќе постигнуваат резултати, со кои ќе се промовира нашата земја, резултати на кои сите ние ќе бидеме горди, ќе се радуваме и заеднички ќе прославуваме“.

Претседателот на ФФМ, Хаџи Ристевски изрази надеж дека овој проект ќе биде поттик вакви фудбалски центри да се градат и во другите градови во Македонија.

„Со изградбата на четирите фудбалски игралишта, кои се дел од капиталниот проект национална куќа на фудбалот, ги поттикнуваме младите генерации активно да се занимаваат со спорт и придонесуваме за нивниот психофизички развој“, порача директорот на Агенцијата за млади и спорт, Диме Спасов.

2.3.2010

Општина Аеродром

Градоначалникот на Општина Аеродром, Ивица Коневски, заедно со претседателот на Фудбалската федерација на Македонија, Харалампие Хаџи Ристевски утре, 2.3.2010 година, во 11:30 часот покрај кејот на реката Вардар во близина на последната автобуска станица на броевите 5 и 15, ќе постават камен-темелник на нов фудбалски тренинг центар.

На поставувањето на камен-темелникот на фудбалските игралишта, кој ќе биде осветен од страна на свештени лица на Македонската православна црква, се очекува да присуствува и претседателот на Владата на Република Македонија, Никола Груевски, директорот на Агенцијата за млади и спорт, Диме Спасов, како и македонските фудбалски репрезентативци, меѓу кои и Горан Пандев.

Ги покануваме редакциите на пишаните и на електронските медиуми да испратат новинарска екипа (новинар и снимател или фоторепортер) да го проследат настанот.

1.3.2010

Општина Аеродром

Квиз во ОУ „Ѓорѓија Пулевски“

Изминатиот викенд (20.02.2010), во ОУ „Ѓорѓија Пулевски“ во Општина Аеродром се одржа квиз натпревар од областа на енергетската ефикасност, меѓу четвртоодделенците од повеќе општини од Град Скопје и од државата.

Покрај учениците од ОУ „Ѓорѓија Пулевски“, во квизот учествуваа и ученици од општините Гази Баба, Карпош, Ѓорче Петров и Чаир, како и од градовите Валандово, Штип, Струмица, Гостивар.

Најголемо знаење за „Разумно користење на електричната енергија“ покажаа учениците од ОУ “Стив Наумов“ Општина Гази Баба кои го освоија првото место. Второто и третото им припадна на учениците од ОУ „Јан Амос Коменски“ од Општина Карпош и од ОУ „Васил Главинов“ Општина Чаир. Победниците беа соодветно наградени и пофалени.

Квизот кој истовремено претставуваше и ликовна колонија, се спроведува во рамки на проектот „Училиштен сервис“, веќе трета година по ред.

Проектот „Училиштен сервис“ е наменет за учениците од четвртите одделенија, така што изминатото полугодие беа опфатени приближно 25.400 ученици, односно се одржаа околу 1.200 работилници во 200 училишта од сите општини во Република Македонија.

Во реализацијата на проектот, во неколку училишта се спроведоа и едукативни работилници во кои учествува повеќе здруженија на граѓани, меѓу кои „МАЦЕФ“ и „Конект“ од Скопје, „Младински совет“ од Охрид, „Жетва на знаење“ од Прилеп и „Планетум“ од Струмица.

26.2.2010

Општина Аеродром

Претставници на Општина Аеродром и директорите од основните училишта, вчера, 24.2.2010 година остварија работна средба со француското аташе за едукативна соработка во Република Македонија, Пол Сулигу.

На средбата, како резултат на добрата соработка меѓу Општина Аеродром и Амбасадата на Република Франција, се разгледуваа можностите за размена на искуства меѓу ученици од основните училишта во општината со ученици од Дижон.

Покрај размена на искуства, целта на овој проект е да им се овозможи на учениците усовршување на францускиот јазик, како и размена на двете култури.

Проектот, се предвидува да почне во текот на март откако ќе завршат подготовките околу обезбедување контакти меѓу учениците и прецизирање на деталите околу соработката.

25.2.2010

Општина Аеродром

Здружението за унапредување на условите за грижа и сместување стари и изнемоштени лица „Хуманост“, од јануари почна да со реализација на проектот „Големи и мали“, во кој се вклучени и пензионери од Општина Аеродром.

Проектот кој е финансиски поддржан од Холандска амбасада, се реализира во детските градинки, односно е наменет за децата од големите групи и лицата над 65 години.

Проектот „Големи и мали“ вклучува креативни и тематски работилници, кои се во согласност со планот и програмата за работа на градинките и ги покрива темите од секојдневниот живот на децата и возрасните.

Целта на проектот е негување на традиционалните и моралните вредности и зајакнување на социјалните врски меѓу децата и повозрасните лица.

24.2.2010

Општина Аеродром

Општина Аеродром деновиве распиша јавен оглас за доставување понуди и избор на фирма за подигнување и отстранување нерегистрирани и хаварисани возила, приколки, камп приколки и камионски приколки кои се наоѓаат на територија на Општина Аеродром.

Подигнувањето хаварисаните возила е дел од активностите што ги презема Општина Аеродром за расчистување и растоварување на паркинзите и да се обезбедат слободни местата за возилата кои се во функција, како и заради подобрување на урбаниот изглед на општината.

Заинтересираните фирми можат да ги достават понудите, односно да подигнат тендерска документација во просториите на Општина Аеродром, секој работен ден од 8:30 до 16:30 часот, најдоцна до 3.3.2010 година.

24.2.2010

Општина Аеродром

Темата на петтата форумска сесија што се одржа на 19.2.2010 година, во основното училиште „Ѓорѓија Пулевски” во рамки на програмата „Форуми во заедницата” во Општина Аеродром, на која присуствуваа околу 140 граѓани, беше „Подобрување на условите за образование и работа во училиштата и во градинките”.

Петте работни групи од граѓани кои изминатиот период изработија предлог-проекти за подобрување на условите за образование и работа во основните училишта и во градинките во Општина Аеродром, ќе имаат можност до крајот на проектот да се изборат во трката за најдобро идејно решение.

Работните групи ги претставија подетално своите предлог-проекти, така што првата работна група го претстави проектот за изградба на типизирано повеќенаменско спортско игралиште во подрачното основно училиште „Гоце Делчев” во Долно Лисиче, додека за втората група приоритет се училишните дворови, хортикултурното уредување, како и реконструкција на опремата во дворовите.

Според третата група, неопходно е збогатување на опремата за настава со разни инструменти и материјали во училиштата и едукативни играчки во градинките.

Четвртата група смета дека парите треба да се вложат во санација на оштетените подови во три училишта и една градинка, додека пак, петтата група предложи замена на старите прозорци со нови, кои ќе овозможат пред сè заштеда на топлинската енергија.

Проектот „Форуми во заедницата” изнесува шест милиони денари, од кои четири милиони обезбедува Швајцарската агенција за соработка и развој, а два милиони Општина Аеродром.

Следната форумска сесија, се очекува да се одржи на 12.3.2010 (петок), со почеток во 18:00 часот, исто така во просториите на основното училиште „Ѓорѓија Пулевски”.

Форумот е отворен за сите граѓани на Општината Аеродром со наполнети 16 години, кои имаат желба да се вклучат и да даваат идеи и предлози околу подобрување на условите во училиштата и во градинките.

22.2.2010

Општина Аеродром

Државниот секретар во Министерството за труд и социјална политика, Марјанчо Тодоровски и претседателот на Националното координативно тело во рамките на Националната стратегија за заштита од семејно насилство 2008-2011, Душко Миновски, заедно со претставници на Општина Аеродром, останатите скопски општини и општини од државата, како и УНДП Македонија, на 19.2.2010 година одржаа презентација на економските програми во рамките на зајакнување на националните капацитети за борба против семејното насилство.

На презентацијата претставниците на општините и на другите државни институции дискутираа за пречките и проблемите што би можело да се појават во текот на имплементирање на пилот-програмата.

Пилот-програмата „Економско јакнeње на жртвите од семејно насилство“ има три активни мерки: самовработување, обука за одделни дефицитарни занимања и вештини и субвенционирање на вработувања кај работодавачи.

Општина Аеродром, како дел од Градот Скопје, се предвидува да учествува во рамки на третата активна мерка - субвенционирање на вработувања кај работодавачи.

Целта на програмата е да им се помогне на жените жртви на семејно насилство да станат економски самостојни и способни да се грижат за себе и за своите деца.

Пилот-програмата која се одвива преку Министерството за труд и социјална политика е финансирана од УНДП.

22.2.2010

Општина Аеродром

ВО ВТОРНИК 25-ТА СЕДНИЦА НА СОВЕТОТ НА ОПШТИНА АЕРОДРОМ

На 23.2.2010 година (вторник), со почеток во 16:30 часот во просториите на Општина Аеродром ќе се одржи дваесет и петтата седница на Советот на Општина Аеродром.

На дневниот ред на седницата се следните точки:

1. Предлог-Одлука за формирање на Комисија за избор на членови на советите на урбаните односно месните заедници на подрачје на Општина Аеродром;

2. Предлог-Одлука за исплата на парична помош за надомест на патни трошоци на ученик со посебни образовни потреби;

3. Предлог-План за измена и дополнување на Планот за јавни набавки во Општина Аеродром во 2010 година;

4. Советнички прашања.

18.2.2010

Општина Аеродром

ПОКАНА ЗА ПЕТАТА ФОРУМСКА СЕСИЈА ВО ОПШТИНА АЕРОДРОМ

На, 19.2.2010 (петок), во холот на основното училиште „Ѓорѓија Пулевски“ во Општина Аеродром со почеток во 18:00 часот ќе се одржи петтата форумска сесија во рамки на програмата „Форуми во заедницата”.

Форумот е отворен за сите граѓани на Општината Аеродром со наполнети 16 години, кои имаат желба да се вклучат и да даваат идеи и предлози околу подобрување на условите во училиштата и во градинките.

Програмата „Форуми во заедницата“ во Општина Аеродром се спроведува од 28-ми октомври 2009 година во соработка со ЗЕЛС и финансиска помош од Швајцарската агенција за развој и соработка (SDC). Преку овој проект жителите на Општина Аеродром одлучуваат кои се приоритетите за социо-економски развој на општината и кои активности може да се спроведат за подобрување на состојбата на локалната заедница.

Проектите ќе се финансираат со буџет од 6.000.000 денари, од кои 2.000.000 денари ќе обезбеди Општината, а 4.000.000 денари се донација од Швајцарската агенција за развој и соработка.

Програмата, во оваа фаза, се спроведува и во општините Берово, Крушево, Радовиш, Дебар, Гостивар, Боговиње, Македонски Брод, Радовиш, Конче, Могила и Новаци.

Подетални информации за програмата можат да се добијат на адресата: www.forumivozaednicata.com.mk

Општина Аеродром ги поканува и електронските и печатените медиуми да испратат новинарска екипа (новинар и снимател, односно фоторепортер) да го проследи настанот.

17.2.2010

Општина Аеродром

ИВИЦА КОНЕВСКИ ИЗБРАН ЗА НАЈСПОРТСКИ ГРАДОНАЧАЛНИК ЗА 2009-ТА

Градоначалникот на Општина Аеродром, Ивица Коневски е прогласен за градоначалник, кој посебно придонел во развојот на спортот во 2009 година преку изградба на многу спортски објекти во општина Аеродром.

Наградата за најспортски градоначалник Коневски ја доби на вечерашното (11.2.2010 година) свечено доделување признанија за придонес во спортот во Македонија, кое беше во живо пренесувано во емисијата „Асовите бираат асови 2010“ на Телевизија Сител.

„Работиме на тоа да го отстраниме недостатокот од спортски објекти во Општина Аеродром. Минатата 2009 година беше одбележана со почеток на изградба на многу спортски објекти во општина Аеродром. Наградата претставува големо задоволство и признание за постигнатото, но и поттик и понатаму да продолжиме да работиме со истиот интензитет“, изјави градоначалникот Коневски.

11.2.2010

Општина Аеродром

Изминатите денови (9-ти, 10-ти и 11-ти февруари, 2010 година) во основните училишта „Димитар Македонски“, „Ѓорѓија Пулевски“ и „Гоце Делчев“ во Општина Аеродром, се одржаа тридневни предавања од областа на енергетската ефикасност.

Предавањата ги изведуваше професорот во пензија, Трпе Груевски, кој ги запозна учениците со видовите извори на енергија.

Учениците учеа за сонцето како извор на енергија и ја согледаа користа од ветерот како алтернативен извор на енергија.

По завршување на предавањата, од страна на Францускиот културен центар на учениците им се прикажуваше и филм на истата тема.

11.2.2010

Општина Аеродром

СТАВ НА ОПШТИНА АЕРОДРОМ ВО ВРСКА СО ПРОТЕСТОТ НА ПАЗАРЏИИТЕ

Ставот на Општина Аеродром во врска со денешниот протест (11.2.2010 година) на продавачите на земјоделски производи на импровизирани тезги на локацијата кај поликлиниката „Јане Сандански“ е непроменет.

Изградба на пазар на оваа локација не е возможна, бидејќи на истата нема технички услови, ниту пак, е во согласност со ДУП-от и ГУП-от на Град Скопје.

Продажбата на земјоделски производи овие лица може да ја вршат на двата легални пазари во Општина Аеродром, кај трговските центри „Бисер“ и „Скопјанка“, на кои има слободни тезги, бидејќи околу 30 отсто од капацитетот на овие два пазари не е искористен.

11.2.2010

Општина Аеродром

На 12.2.2010 година (петок), со почеток во 16:30 часот во просториите на Општина Аеродром ќе се одржи дваесет и четвртата седница на Советот на Општина Аеродром.

На дневниот ред на седницата се следните точки:

1. Предлог-Одлука за давање согласност за потпишување Анекс кон Договор за спонзорство, меѓу Општина Аеродром и Друштво за телекомуникациски инженеринг, софтвер, трговија и услуги КЕЈБЛТЕЛ ДООЕЛ Скопје

2. Предлог-Одлука за задолжување на Раководителот на Секторот за правни и општи работи и имот и имотно-правни работи на Општина Аеродром, за преземање активности со цел повлекување на тужба поднесена до Врховен суд на РМ

3. Правила за работа на урбаните и месните заедници

4. Предлог-Одлука за договорно регулирање на обврските со затекнатите корисници на просторот кој во иднина ќе се користи за работа на урбаните и месните заедници

5. Квартален извештај за извршување на Буџетот на Општина Аеродром за четвртиот квартал за 2009 година

6. Предлог-Заклучок за усвојување на информацијата за работа на Полициската станица ОН „Аеродром“ за 2009 година

7. Предлог-Заклучок за усвојување на Полугодишниот извештај за работа на ОУ “Ѓорѓија Пулевски” за учебната 2003/2010 година

8. Предлог-Заклучок за усвојување на Полугодишниот извештај за работа на ОУ “Лазо Ангеловски” за учебната 2009/2010 година

9. Предлог-Заклучок за усвојување на Полугодишниот извештај за работа на ОУ “Гоце Делчев” за учебната 2009/2010 година

10. Предлог-Заклучок за усвојување на Полугодишниот извештај за работа на ОУ “Браќа Миладиновци” за учебната 2009/2010 година

11. Предлог-Заклучок за усвојување на Полугодишниот извештај за работа на ОУ “Димитар Македонски ” за учебната 2009/2010 година

12. Предлог-Заклучок за усвојување на Годишниот извештај за работа на ОУ “Љубен Лапе” за учебната 2009/2010 година

13. Заклучок за усвојување на Годишниот извештај за работа на ОУ “Блаже Конески” за учебната 2009/2010 година.

10.2.2010

Општина Аеродром

Претставници на Општина Аеродром, изминатиот викенд (5 и 6.2.2010 година) присуствуваа на средбата на вмрежување во организација на програмата „Форуми во заедницата“ што се одржа во Охрид.

Целта на средбата беше да се согледаат искуствата, активностите и предизвиците во форумскиот процес што во оваа фаза се спроведува во 12 општини во Македонија, меѓу кои и Општина Аеродром.

За време на средбата се дискутираше за темите и квалитетот на Форумите, фазите на реализација, изборот и начинот на решавање на проблемите, транспарентност и вклученост на јавноста во форумските сесии односно искористување на капацитетите на граѓаните во изработка на проектите.

Покрај Аеродром, на средбата присуствуваа и претставници од девет општини во Македонија, меѓу кои Могила, Новаци, Радовиш, Конче, Гостивар, Крушево, Македонски Брод и Боговиње, а учествуваа и претставници на Швајцарската агенција за развој и соработка (SDC) и на ЗЕЛС, како и претставници на бизнис секторот, граѓански организации и медиуми.

8.2.2010

Општина Аеродром

ПОЧНА БЕСПЛАТНАТА ОБУКА ПО КОМПЈУТЕРИ И АНГЛИСКИ ЈАЗИК“

Од денеска во седумте основни училишта на територијата на Општина Аеродром наредните три месеци ќе се одржи бесплатна обука за компјутерска едукација и изучување на англискиот јазик. На крајот на обуката кандидатите ќе полагаат завршен испит, по што ќе добијат соодветни сертификати за стекнатите знаења, кои верувам дека ќе им биде дополнителен адут при вработувањето, се разбира на оние што бараат работа.

Ова го изјави градоначалникот на Општина Аеродром, Ивица Коневски на денешната презентација (8.2.2010 година) на проектот „Бесплатни обуки по компјутери и англиски јазик“.

Заблагодарувајќи им се на наставниците по информатика и по англиски јазик за нивниот несебичен ангажман и волонтерска настава, градоначалникот Коневски додаде дека интересот за следење на обуката е голем, така што со основни знаења по информатика и англиски јазик ќе се стекнат околу 700 жители на Општина Аеродром од 17 до 77-годишна возраст.

Министерот за образование и наука, Никола Тодоров, го поздрави проектот и изрази надеж дека и другите општини ќе го следат примерот на Аеродром, како многу интересна идеја што ќе им помогне на широка популација граѓани да се образува.

„Сигурен сум дека овие знаења што тука ќе ги стекнат ќе им помогнат подобро да функционираат во животот, евентуално да најдат подобра работа или пак, поефикасно да ги извршуваат своите обврски и задачи“, додаде министерот Тодоров.

На крајот од презентацијата на проектот кој ќе трае три месеци, градоначалникот Коневски им посака успешна работа на сите кандидати, по што заедно со министерот го разгледаа училиштето.

8.2.2010

Општина Аеродром

П О К А Н А

ЗА ПРЕЗЕНТАЦИЈА НА ПРОЕКТОТ „БЕСПЛАТНИ ОБУКИ ПО КОМПЈУТЕРИ И АНГЛИСКИ ЈАЗИК“

Градоначалникот на Општина Аеродром, Ивица Коневски и министерот за образование и наука, Никола Тодоров, на 8.2.2010 година (понеделник), во 10:30 часот во ОУ „Блаже Конески“, ќе го презентираат проектот „Бесплатни обуки по компјутери и англиски јазик“, што се спроведува во седумте основни училишта во Општина Аеродром.

Ги покануваме редакциите на пишаните и на електронските медиуми да испратат новинарска екипа (новинар и снимател или фоторепортер) да ја проследат презентацијата на проектот.

5.2.2010

Општина Аеродром

ПОКАНА ЗА СТРУЧНИ ПРЕДАВАЊА ВО ГРАДИНКАТА „СРНИЧКА“

Во вторник (9.2.2010 година) со почеток во 18:00 часот во објектот „Чекорче“ и во среда (10.2.2010 година) во објектот „Лале“ исто така во 18:00 часот, ќе се одржат предавања на тема „Поддршка на психичкиот развој и превенција од злоупотреба на децата од предучилишна возраст“.

Предавањата кои се вршат во рамки на задачите од годишната програма за работа на градинката „Срничка“ за 2009/2010 година, ќе ги одржи д-р Мери Бошкова.

Предавањата се отворени за присуство на родители и други заинтересирани граѓани.

Ги покануваме редакциите на пишаните и на електронските медиуми да испратат новинарска екипа (новинар и снимател или фоторепортер) да ја проследат предавањата.

5.2.2010

Општина Аеродром

Деновиве, во просториите на Општина Кисела Вода почна да работи Канцеларијата за поддршка на рурален развој и мали и средни претпријатија, која ги опфаќа општините Аеродром, Кисела Вода, Студеничани, Зелениково и Сопиште.

Покрај отворањето на канцеларијата, во тек е и изработка на веб страница за да можат заинтересираните лица подетално да се запознаат со работата, активностите и целите на канцеларијата.

Проектот за меѓуопштинска соработка во кој е вклучена Општина Аеродром е резултат на континуираната соработка со странски донатори и високи претставници од меѓународните организации.

За реализација на проектот ОБСЕ донираше средства во висина од 20.000 евра.

Подетални информации заинтересираните лица можат да добијат во просториите на Општина Кисела Вода, барака број 2 или на телефон 2785 453.

5.2.2010

Општина Аеродром

Во три училишта во Општина Аеродром

Наредната недела во три основни училишта во Општина Аеродром ќе се одржат предавања од областа на енергетската ефикасност.

Тридневните предавања на тема „Обновливи извори на енергијата“ ќе се одржат во 11:00 часот и тоа, на 9.2.2010 година (вторник) во ОУ „Димитар Македонски“, на 10.2.2010 година (среда) во ОУ „Ѓорѓија Пулевски“ и во четврток (11.2.2010 година) во ОУ „Гоце Делчев“.

Предавањата ќе ги изведува г. Трпе Груевски, професор во пензија, а во меѓувреме, од страна на Францускиот културен центар ќе се прикажува и филм на истата тема.

Ги покануваме редакциите на пишаните и на електронските медиуми да испратат новинарска екипа (новинар и снимател или фоторепортер) да ги проследат предавањата.

5.2.2010

Општина Аеродром

Денес пуштаме во употреба нова зграда со вкупно 56 стана, од кои 43 ќе бидат наменети за млади брачни парови.

Ова го изјави претседателот на Владата на Република Македонија, Никола Груевски, на денешното (5.2.2010 година) пуштање во употреба на новоизградената станбена зграда за млади брачни парови во Реонски центар „Аеродром, на кое присуствуваа градоначалникот на Општина Аеродром, Ивица Коневски, директорот на ЈПССДП, Владимир Бахчовановски, како и високи владини претставници, членови на Советот на Општина Аеродром и голем број граѓани.

„Изградбата на овој станбен објект наменет за домување на млади брачни парови претставува реализација на заложбите за подобар животен стандард и подобри услови за живеење“ изјави градоначалникот Коневски.

Тој додаде дека неодамна почна изградба на детска градинка, фудбалско игралиште, неколку модерни детски игралишта, како и хортикултурно уредување на оваа млада населба. Општината ќе продолжи интензивно да ја доградува и внатрешната инфраструктура, се прошируваат околните булевари, а се планира, наскоро да почне и изградба на ново основно училиште.

Изградбата на зградата за млади брачни парови која стартуваше во септември 2008 година, има капацитет за домување за околу 56 семејства.

5.2.2010

Општина Аеродром

Деновиве беа засадени десетината новогодишни елки што ја разубавуваа Општина Аеродром за време на новогодишните празници, кои беа донација од Т-мобиле.

Сезонските работници се потрудија акцијата да биде успешна, засадувајќи ги на различни локации низ општината. Елките од по 2.5 метри кои служеа за анимација на децата и за разубавување на општината за празниците, сега ќе ја збогатат природата.

2.2.2010

Општина Аеродром

На четвртата форумска сесија што се одржа на 29 јануари 2010 година, во основното училиште „Ѓорѓија Пулевски“ во рамки на програмата „Форуми во заедницата“ во Општина Аеродром присуствуваа околу 130 граѓани.

Темата на форумот беше „Подобрување на условите за образование и работа во училиштата и во градинките“. Беа составени пет работни групи од граѓани кои ги претставија своите концепти за решавање различни проблеми во образовно-воспитните установи, од кои подоцна ќе се развијат предлог проекти, за на крај да се избере еден чија реализација ќе се спроведе со буџетот на оваа програма.

Шест милиони денари изнесува проектот, од кои четири милиони обезбедува Швајцарската агенција за соработка и развој, а два милиони Општина Аеродром.

Првата работна група ќе изработи концепти за замена на прозорците во три установи, да се обезбедат подобри услови за работа и да се подобри енергетската ефикасност. Тие предвиделе дека за ова ќе биде потребен целиот буџет на програмата, но и други донации.

Втората група предлага да се поправат подовите во четири објекти, пред претходна проверка каде има оштетувања и колкави се тие.

Третата група ќе се залага за надминување на проблемот со недостиг на опрема за изведување на наставата.

Нејзините членови сметаат дека треба да се набави опрема за природните и технички науки за да се зголеми интересот кај децата. Во опремата влегуваат материјали за експерименти, алат за општо-техничко образование, макети и слично. Тие сметаат дека за набавка на опремата ќе треба да се издвојат околу 45 илјади евра.

Дворот е лицето на заедницата, според четвртата работна група граѓани, кои сметаат дека е најважно да се подобри изгледот на дворовите во училиштата и градинките. Ефектот ќе се постигне преку хортикултурното уредување и обнова на опремата, правење патеки, реновирање огради и поставување на рекреативни елементи, како лулашки, лавиринти и вештачки карпи.

Најскромниот предлог го дадоа од подрачното училиште „Гоце Делчев“ од Долно Лисиче. Во дворот немаат игралиште, па затоа наставата по физичко воспитание се одвива во училница. Реализацијата ќе се спроведе со само 40 илјади евра.

1.2.2010

Општина Аеродром

Агенцијата за катастар на недвижности во соработка со Општина Аеродром почна со спроведување на акцијата „Отворено со катастарот“ со цел да им помогне на граѓаните да ги надминат проблемите што ги имаат од областа на запишување недвижен имот.

Преку директни средби со стручни тимови од Агенцијата ќе се одржат три работни средби на 8, 9 и 10 февруари 2010 година во просториите на Центарот за катастар на недвижности - Скопје од 09:00 до 18:00 часот.

Жителите на Општина Аеродром, кои имаат слични проблеми, можат да закажат работна средба со тимовите на Агенцијата на телефонските броеви 3097 361 и 3097 362, секој работен ден од 09:00 до 16:00 часот.

Мотото на оваа акција гласи „со заедничка соработка за заеднички успех“.

1.2.2010

Општина Аеродром

ПОСТАВЕН КАМЕН-ТЕМЕЛНИК НА ЧЕТИРИ НОВИ ТЕНИСКИ ИГРАЛИШТА ВО ОПШТИНА АЕРОДРОМ

„Почетокот на изградбата на четирите нови тениски игралишта е доказ дека напорната работа и добрата соработка на Општина Аеродром со Владата на Република Македонија и со Агенцијата за млади и спорт дава резултати“, изјави денеска (31.1.2010 година) градоначалникот на Општина Аеродром, Ивица Коневски на поставувањето камен-темелник на четири нови тениски игралишта во населбата Јане Сандански покрај кејот на реката Вардар, на кое присуствуваа и премиерот Никола Груевски, директорот на Агенцијата за млади и спорт, Драган Ѓурчевски, претседателот на Советот на Општина Аеродром, Виктор Камилоски, повеќе пратеници и голем број граѓани.

Премиерот Груевски, објаснувајќи дека на ова место во Општина Аеродром ќе се градат две двојни, односно четири тениски терени, за чие градење е предвидена временска рамка од околу 5 месеци, рече дека тенисот има долга традиција во овој регион, но дека желбата и талентот не се доволни ако нема соодветни услови и ако не се инвестира во повеќе тениски терени.

Терените кои ќе бидат поставени во насока север – југ, ќе содржат тениска мрежа, клупи, маси за одмор и судиско столче, а ќе биде поставена акрилна подлога на асфалтната површина за заштита од лизгање. Тениските игралишта ќе бидат оградени со жичана мрежа во висина од 3,40 метри. Тие ќе можат да се користат и во вечерните часови, бидејќи ќе бидат осветлени со четири рефлектори поставени на височина од 12 метри.

Околу терените, пак, ќе се постави обиколна патека, која ќе биде изработена од бекатон плочки со ширина од 1,20 метри.

Вкупната површина на еден двоен терен изнесува околу 1.300 квадратни метри, додека вкупната површина на градежната парцела изнесува околу 7.200 квадратни метри.

„Со изградбата на тениските игралишта ќе им се овозможи на граѓаните не само да следат тениски натпревари, туку и да спортуваат и да се рекреираат во нив“, рече градоначалникот Коневски.

Директорот на Агенцијата за млади и спорт, Драган Ѓурчевски изјави дека „нашата посветеност во развојот има за цел да создадеме услови младите да спортуваат и да станат носители на нашата здрава иднина“.

Чинот на поставувањето и осветувањето на камен-темелникот беше проследен со света литургија од страна на свештени лица на Македонската православна црква.

31.1.2010

Општина Аеродром

ПОКАНА

ЗА ПОСТАВУВАЊЕ КАМЕН-ТЕМЕЛНИК НА ЧЕТИРИ НОВИ ТЕНИСКИ ИГРАЛИШТА

Градоначалникот на Општина Аеродром, Ивица Коневски и директорот на Агенцијата за млади и спорт, Драган Ѓурчевски в недела, 31.1.2010 година, во 14:00 часот кај спортската сала „Јане Сандански“, покрај кејот на реката Вардар ќе постават камен-темелник на четири нови тениски игралишта.

На поставувањето на камен-темелникот на тениските игралишта, кој ќе биде осветен од страна на свештени лица на Македонската православна црква, се очекува да присуствува и претседателот на Владата на Република Македонија, Никола Груевски.

Ги покануваме редакциите на пишаните и на електронските медиуми да испратат новинарска екипа (новинар и снимател или фоторепортер) да го проследат настанот.

29.1.2010

Општина Аеродром

Кризниот штаб на Општина Аеродром експресно реагираше на снегот што падна деновиве и презеде континуирани акции за расчистување на улиците.

На улиците кои се во надлежност на Општината се фрлија околу 30 тони сол.

Екипите на кризниот штаб ги организираа сезонските работници да го чистат снегот од тротоарите на булеварите, а во меѓувреме во расчистувањето на снегот од улиците им се приклучи и ангажираната фирма „Река”, задолжена да ги одржува локалните улици и патишта во зимски услови, која располага со потребната механизација и средства за одржување на улиците.

Во текот на наредните денови, кризниот штаб ќе ја следи состојбата на теренот и ќе интервенира според потребите.

Општина Аеродром апелира до граѓаните, куќните совети и сопствениците на деловните објекти да се придржуваат кон законската обврска да ги расчистат приодите кон нивните објекти.

29.1.2010

Општина Аеродром

Утре, 29.1.2010 (петок), во холот на основното училиште „Ѓорѓија Пулевски“ во Општина Аеродром со почеток во 18:00 часот ќе се одржи четвртата форумска сесија во рамки на програмата „Форуми во заедницата”.

Форумот е отворен за сите граѓани на Општината Аеродром со наполнети 16 години, кои имаат желба да се вклучат и да даваат идеи и предлози околу подобрување на условите во училиштата и во градинките.

Програмата „Форуми во заедницата“ во Општина Аеродром се спроведува од 28 октомври 2009 година во соработка со ЗЕЛС и финансиска помош од Швајцарската агенција за развој и соработка (SDC). Преку програмата жителите одлучуваат кои се приоритетите за социо-економски развој на општината и кои активности може да се спроведат за подобрување на состојбата на локалната заедница.

Проектите ќе се финансираат со буџет од 6.000.000 денари од кои 2.000.000 денари ќе обезбеди Општината, а 4.000.000 денари се донација од Швајцарската агенција за развој и соработка.

Општина Аеродром ги поканува и електронските и печатените медиуми да испратат новинарска екипа (новинар и снимател, односно фоторепортер) да го проследи настанот.

28.1.2010

Општина Аеродром

Заради безбедност на децата

Општина Аеродром неодамна распиша јавен оглас за избор на фирма која ќе ги одржува детските и спортските игралишта на нејзината територија.

Фирмата ќе има обврска да се грижи за реквизитите и за игралиштата во период од една година.

За таа цел, потребен е соодветен кадар, односно квалификувани работници за изведба на градежни и градежно-занаетчиски, браварски и електротехнички работи.

Исто така, потребна е соодветна механизација и опрема и тоа, еден камион-кипер, опрема за градежно-занаетчиски, браварски и електротехнички работи.

Јавните огласи кои ги објавува Општина Аеродром, заинтересираните фирми можат да ги преземат од интернет страница на општината: www.aerodrom.gov.mk, во менито јавни набавки или пак, на линкот: https://e-nabavki.gov.mk/eProcurementIntegration/.

28.1.2010

Општина Аеродром

Вчера, 26.1.2010 година, во ОУ „Ѓорѓија Пулевски“ во Општина Аеродром се одржа бесплатно предавање на тема „Стоп за остеопорозата“, на кое беа презентирани причините и ризите за појава на остеопорозата и нејзино навремено дијагностицирање, а како што беше укажано и дека за среќа медицината денес нуди лек против оваа болест.

Предавањата ги одржаа д-р Нада Настеска и д-р Маја Панајотовиќ-Радевска, по што граѓаните поставуваа прашања во врска со оваа современа и подмолна болест, а двајца од нив по пат на извлекување добија можност да направат бесплатен преглед за остеопороза во „ПРАМА МЕДИКА“.

Како што кажа д-р Настеска, лесната кршливост на коските е предизвикана најчесто од остеопорозата. Таа е метаболно заболување на коскениот систем, чија основна карактеристика е намалување на коскената маса по единица волумен и структурни нарушувања во самото коскено ткиво. Се намалува еластичноста на коските и при мал физички напор или повреда лесно се кршливи бутот и зглобовите, а во потешките форми доаѓа и до искривување на рбетот.

Коската во најголем дел е изградена од колген (протеин кој оформува мека мрежа) и калиум фосфат (минерал кој ја зацврстува и зајакнува структурата на коската).

Комбинацијата на колаген и калциум ја прави коската и еластична и цврста на тој начин овозможувајќи и да го издржи механичкиот стрес.

Коските на човекот претставуваат живо ткиво, кое се заменува со ново, во текот на целиот живот.

Остеокластите го отстрануваат остареното коскено ткиво, а остеобластите го градат новото коскено ткиво, но поради неправилниот начин на исхрана доаѓа до нивна нерамнотежа, а тоа е причината што жените во менопаузата губат 3 отсто од коскената маса за три години.

Појавата на остеопорозата може да ја забрза и неконтролираната употреба на лекови, како што се кортикостероиди или лекови што ја намалуваат зголемената желудечна киселина.

Од остеопорозата почесто заболуваат жените, но не е поштедена и машката популација.

Д-р Панајотовиќ-Радевска посочи дека правилната исхрана со доволно внесување калциум и витамин Д, како и редовните физички вежби многу придонесуваат за одржување на коскената густина и намалување на губитокот на коската.

„Внесувајте калциум преку млеко и млечни производи, морска риба, спанаќ, зелка, брокула, грав, лешници, чоколадо, леб“, порачаа лекарките, советувајќи ги присутните да не го осудуваат организмот на строги диети.

Тие предупредија дека е многу важно на време да се открие болеста, за да може да се интервенира на време, или како што вели една стара поговорка „Доброто здравје е круна на главата на здравиот човек, што ја гледа само оној кој е болен“.

27.1.2010

Општина Аеродром

Неодамна, во пензионерскиот огранок „Јане Сандански“, кој е дел од Здружението на пензионерите „Кисела Вода“ се отворени два нова клубови.

Така, заедно со претходно отворениот клуб во рамки на истиот огранок ќе делуваат 3 клуба – „Јане Сандански“ (во пензионерскиот дом „Аеродром“), „Аеродром“ (во зградата зад ресторанот „Златна вилушка“) и „Ново Лисиче“ (на булеварот „Видое Смилевски-Бато“ број 82).

Инаку, во општината постојат уште два ограноци и два клубови - „Вардар“ и „Лисиче“.

Во клубовите пензионерите се забавуваат и се рекреираат со шах, табла, домино и други игри, а читаат и весници и списанија.

Огранокот „Јане Сандански“ има повеќе програмирани активности преку секциите Актив на жени, Клуб на љубители на книгата, Секција на љубители на природата, и Секција на филателисти.

Огранокот соработува со емисијата трето доба на Македонската радио телевизија, Општина Аеродром, Црвениот крст, гимназијата „Нова“, детската амбасада „Меѓаши“ и со други органи и здруженија.

Пензионерите, исто така, се рекреираат преку учество на спортски игри, културно забавни приредби и патувања. Огранокот „Јане Сандански“ има околу 5.000 пензионери.

Подетални информации пензионерите можат да добијат во Здружението на пензионери на телефон 3224 452 кај претседателот на Одборот, Јаким Заовски.

27.1.2010

Општина Аеродром

Утре, 27.1.2010 година (среда), со почеток во 16:30 часот во просториите на Општина Аеродром ќе се одржи дваесет и третата седница на Советот на Општина Аеродром.

На дневниот ред на седницата се следните точки:

1. Предлог-Одлука за измена и дополнување на Одлуката за извршување на Буџетот на Општина Аеродром за 2010 година

2. Предлог-Одлука за исплата на парична помош по основ на пристигнати барања на отпремнина за пензионирање и смртен случај на член на потесното семејството

3. Предлог-План за измена и дополнување на Планот за јавни набавки на Општина Аеродром за 2010 година

4. Предлог-Правилник за спроведување попис на средствата, побарувањата и обврските кај буџетските корисници

5. Предлог-Програма за работа на Советот на Општина Аеродром за 2010 година

6. Предлог-Одлука за задолжување на Одделението за комунални работи на Општина Аеродром за преземање активности за тековно одржување на пристапен дел во подземни гаражи на подрачјето на Општина Аеродром

7. Предлог-Одлука за давање согласност на Договор за приклучок на електродистрибутивна мрежа за стандардни приклучоци, меѓу Општина Аеродром и ЕВН Македонија, за објект со адреса на булеварот „Јане Сандански“, меѓу зградите бр.70 и бр.78.

8. Предлог-Одлука за давање согласност на Договор за снабдување со електрична енергија, меѓу Општина Аеродром и ЕВН Македонија, за објект со адреса на булевар „Јане Сандански“, меѓу зградите број 70 и 78.

9. Предлог-Одлука за давање согласност на Договор за приклучок на електродистрибутивна мрежа за стандардни приклучоци, меѓу Општина Аеродром и ЕВН Македонија, за објект со адреса на булевар „Јане Сандански“, меѓу згради број 76 и 88.

10. Предлог-Одлука за давање согласност на Договор за снабдување со електрична енергија, меѓу Општина Аеродром и ЕВН Македонија, за објект со адреса на булевар „Јане Сандански“, помеѓу згради број 76 и 88.

11. Предлог-Заклучок за давање согласност на Одлука за измена и дополнување на Статутот на ЈУДГ„Буба Мара“

12. Предлог-Одлука за давање согласност на Решение за исплата на парични средства на семејството на починато лице, број 03-169/2 од 14.01.2010 година, за лицето Елизабета Томевска, поранешна вработена во Општина Аеродром;

26.01.2010

Општина Аеродром

Националната агенција за европски образовни програми и мобилност на 22.1.2010 година ја презентираше програмата за доживотно учење наменето за основните училишта во Општина Аеродром.

Националната агенција, која претставува јавна институција за промовирање и спроведување на европските образовни програми во Република Македонија, изврши презентација на можностите за аплицирање на програмите за доживотно учење, поточно за е-твининг програмата „Комениус“.

Програмата „Комениус“ се фокусира на првата фаза од процесот на едукација, а задачата на е-твинингот е да постави и да развие систем од мрежи меѓу училиштата.

Како резултат на презентациите е воспоставена можност за соработка меѓу професорите од Општината и од земјите членки на Европската унија, односно корисници на програмите можат да бидат ученици, студенти, наставници, професори обучувачи и друг персонал, кој е вклучен во кој било дел од образовниот процес, како и претпријатија и други правни лица, вклучувајќи ги и трговските друштва, стопанските комори и други здруженија на правни лица од областа на индустријата, истражувачки центри и тела како и здруженија на граѓани и фондации.

26.1.2010

Општина Аеродром

„Сертификатот за ИСО стандарди што денеска на свечен начин ни се доделува ќе значи строго почитување на законите и актите на локалната самоуправа, поголема одговорност и отчет пред граѓаните и активно вклучување на администрацијата во унапредување на општината“, изјави градоначалникот на Општина Аеродром, Ивица Коневски, на свеченото доделување сертификат за имплементација на ИСО стандардот 9001:2008, што се одржа денеска, 26.01.2010 година во Општина Аеродром.

Градоначалникот Коневски додаде дека со воведувањето на ИСО стандардот не само што ќе се зголеми квалитетот на работење на општинската администрација, туку и квалитетот на услуги што Општината им ги дава на граѓаните.

Сертификатот, кој на Општина Аеродром и го издаде реномираната британска институција за сертификации BSI (British Standards Institution) од Лондон, свечено му го додели претседателот на Стопанската комора на Република Македонија, Бранко Азески, која всушност го помогна имплементирањето.

Тој изјави дека овој значаен настан отвора нова патишта за Општина Аеродром, кои ја водат кон приклучување на европските интеграции.

„Општина Аеродром е единствена општина која од денес ќе работи по ИСО стандардот. Прва институција во Скопје, но и меѓу првите во Република Македонија, која ги имплементираше овие стандарди и на тој начин се вклучува во големото семејство на фирми кои работат по европските норми и директиви. За Стопанската комора и БСИ сето ова значи поттик за понатамошна успешна соработка“, изјави Азески.

Инаку, имплементацијата на Системот за управување со квалитет ISO 9001:2008 Општина Аеродром ја заврши уште кон крајот на 2009 година, а последниот месец британската институција вршеше мониторинг во Општината дали се спроведуваат зацртаните европски стандарди.

26.1.2010

Општина Аеродром

Во ОУ „Ѓорѓија Пулевски“

Утре, 26.1.2010 година (вторник) со почеток во 19:00 часот, во ОУ „Ѓорѓија Пулевски“ во Општина Аеродром ќе се одржи бесплатно предавање на тема „Стоп за остеопорозата“.

Предавањата ќе ги одржат д-р Нада Настеска и д-р Маја Панајотовиќ-Радевска.

На крајот од предавањето граѓаните ќе имаат можност да поставуваат прашања, а двајца од нив ќе можат да направат бесплатен преглед за остеопороза во „ПРАМА МЕДИКА“.

25.1.2010

Општина Аеродром

Утре, 26.1.2010 година (вторник), со почеток во 11:00 часот во Општина Аеродром, претседателот на стопанската комора на Република Македонија, Бранко Азески, ќе му го врачи на градоначалникот на Општина Аеродром, Ивица Коневски, сертификатот за имплементација на ИСО стандардот 9001:2008.

Ги покануваме редакциите на пишаните и на електронските медиуми да испратат новинарска екипа (новинар и снимател или фоторепортер) да го проследат настанот.

25.1.2010

Општина Аеродром

За време на зимскиот распуст во основното училиште „Ѓорѓија Пулевски“ од 12 до 16 јануари 2010 година се одржа семинар за унапредување на оценувањето на учениците.

На семинарот учествуваа предметните наставници во училиштето, кои своите знаења за реализација на семинарот ги стекнале од претходна обука со другите наставници од училиштата на ниво на Град Скопје.

Семинарот кој се одржа под мотото „Примена на стандардите за оценување на учениците“ се спроведе во организација УСАИД и „Македонскиот центар за граѓанско општество“.

21.1.2010

Општина Аеродром

Во ОУ „Лазо Ангеловски“

ЈАВНА ПРЕЗЕНТАЦИЈА И ЈАВНА АНКЕТА НА ДУП-ОТ ЗА ЛОКАЛИТЕТОТ ГОРНО ЛИСИЧЕ УРБАНА ЕДИНИЦА А

Денеска, 18.1.2010 година, со почеток во 17:30 часот, во просториите на основното училиште „Лазо Ангеловски“ Општина Аеродром, ќе се одржи јавна презентација за Нацртот на Деталниот урбанистички план за локалитетот „Горно Лисиче урбана единица А“.

За време на јавната презентација граѓаните ќе можат да поставуваат прашања во врска со ДУП-от на претставниците од Општина Аеродром и други стручни лица.

Инаку, нацртот на овој детален урбанистички план опфаќа простор со површина од 46,23 хектари и со него се предвидени површини со намена за семејно домување во станбени куќи и станбени згради, мали и големи комерцијални и деловни единици, објекти наменети за образование, бензиска пумпа, како и парковско и заштитно зеленило

Нацртот на урбанистичкиот план е веќе изложен во просториите на основното училиште „Лазо Ангеловски“, така што заинтересираните граѓани можат да го видат и да даваат евентуални забелешки секој работен ден од 12:00 до 19:00 часот до 27.1.2010 година, а во истиот период на располагање ќе бидат стручните екипи за објаснување во врска со ДУП-от.

Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да ја проследат јавната презентација.

18.1.2010

Општина Аеродром

ОПШТИНА АЕРОДРОМ ОБЈАВИ ТЕНДЕР ЗА ИЗГРАДБА НА ФОНТАНА СО ЛИКОТ НА ТОШЕ ПРОЕСКИ

Општина Аеродром објави отворен повик за избор на фирма што ќе изгради фонтана посветена на македонската музичка легенда Тоше Проески.

Станува збор за нова фонтана во централниот дел на детската улица „Тоше Проески“, која ќе биде изградена на три нивоа со внатрешен застаклен постамент со ликот на Тоше.

Според проектот, фонтаната ќе биде кружна со дијаметар од 7 метри и со височина на базенот од 1,2 метри, додека централниот дел ќе има квадратен облик со височина од 1,45 метри.

Фонтаната и околниот дел, кој ќе биде хортикултурно уреден со клупи, канти за отпадоци и зеленило, ќе бидат осветлени со канделабри и неонски светилки.

Според условите во тендерот, постапката ќе трае до 10-ти февруари, по што ќе биде потпишан договор со фирмата што ќе биде избрана како најдобар понудувач за изградба на фонтаната во чест на Тоше.

Средствата се обезбедени од Буџетот на Општина Аеродром за 2010 година.

16.1.2010

Општина Аеродром

На крајот на јануари 2010 година истекува рокот за пријавување новороденче во рамки на програмата за доделување еднократна парична помош за семејствата со новороденче родени во текот на 2009 година.

Барањето за парична помош во износ од 5.000 денари за секое новороденче во Општина Аеродром го поднесува еден од родителите под исти услови како и досега.

Покрај барањето на соодветен образец, треба да се приложи и извод од матичната книга на венчаните (за родителите на новороденчето), извод од матичната книга на родените (за новороденчето), фотокопија од важечки лични карти или други исправи од двајцата родители за идентификација од која се видни податоците за живеалиштето во Општина Аеродром и фотокопија од трансакциска сметка.

Инаку, Советот на Општина Аеродром на 22–та седница што се одржа на 12.1.2010 година донесе Одлука за доделување еднократна парична помош за семејствата со новороденче, со која и во тековната 2010 година семејствата со новороденче од Општина Аеродром ќе може да ја остварат оваа парична помош.

15.1.2010

Општина Аеродром

Во присуство на голем број граѓани вчера на платото во паркот во населбата Мичурин по четиринаесетти пат се одржа традиционалната Мичуринска средба, што ја организира истоименото здружение на граѓани „Мичуринска средба“ со поддршка на Општина Аеродром.

Во рамки на прославата на големиот православен празник „Свети Василиј“, меѓу народот познат како Стара нова година, се одржа богата музичка програма, а цело време на манифестацијата се послужуваше топол чај, сокови, греана ракија и сендвичи.

Свештените лица од црквата „Св. Богородица“ заедно со присутните гости одржаа молитва за мир, по што се кршеше традиционалната погача, а потоа новиот кум на „Мичуринската средба“, кому му падна златникот од лепчето го запали василичарскиот оган.

На средбата учествуваа и неколкумина пратеници, градоначалниците на Град Скопје и на Општина Аеродром, Коце Трајановски и Ивица Коневски, претседателот на Советот на Општина Аеродром, Викот Камиловски и други истакнати лица од политичкиот и стопанскиот живот во Република Македонија.

14.1.2010

Општина Аеродром

Општина Аеродром, во соработка со седумте основни училишта на нејзината територија, ќе организира бесплатна обука по информатика и англиски јазик. Обуките ќе се одржуваат во сите основни училишта кои се наоѓаат на нејзината територија, а ќе бидат спроведени од стана на стручни лица.

Сите заинтересирани жители, без оглед на нивната возраст, може да се пријавуваат во основните училишта секој работен ден од 08:00 до 14:00 часот:

· ОУ „Браќа Миладиновци“ со седиште на улица „Владимир Комаров“ број 5, на телефон 2 460 479

· ОУ „Блаже Коневски“ со седиште на улица „Венијамин Мачуковски“ бб, на телефон 2 469 746

· ОУ „Љубен Лапе“ со седиште на улица „Коста Новаковиќ“ бб, на телефон 2 450 220

· ОУ „Ѓорѓија Пулевски“ со седиште на булевар „АВНОЈ“ бб, на телефон 2 455 510

· ОУ „Лазо Ангеловски“ со седиште на улица „Видое Смилевски-Бато“, број 95, на телефон 2 430 324

· ОУ „Гоце Делчев“ со седиште на улица „Горно Лисиче“ бб, на телефон 2 438 882

· ОУ „Димитар Македонски“ со седиште на улица „Ѓуро Малешевац“ бб, на телефон 2 440 011

Обуката ќе им овозможи на граѓаните да се стекнат со основни знаења на англискиот јазик, како и од областа на информатиката, поточно со основните операции во Windows, Microsoft Office и Интернет.

На крајот на курсот кандидатите ќе полагаат, по што ќе добијат и соодветни сертификати.

Рокот на пријавување започнува денеска 14.1.2010 година, а ќе трае 15 дена, односно до 29.1.2010 година.

14.1.2010

Општина Аеродром

„Општина Аеродром во соработка со Град Скопје од денеска ќе преземе активности за ставање во функција на подземните гаражи во околината на трговскиот центар „Бисер“, како уште еден придонес во решавањето на проблемот со недостиг на паркиралишта, што долги години ги тишти не само граѓаните на Општина Аеродром, туку и на цело Скопје.

Ова на денешната прес-конференција го најави градоначалникот на Општина Аеродром, Ивица Коневски, на која присуствуваа и градоначалникот на Град Скопје, Коце Трајановски и претседателот на Советот на Општина Аеродром, Виктор Камиловски.

Како што рече градоначалникот Коневски, за реализација на акцијата за комплетно чистење и целосно осветлување на подземните гаражи ќе бидат вклучени сезонските работници што ги ангажира Општина Аеродром и службите задолжени за одржување на осветлувањето, со цел да се зголеми капацитетот на паркиралиштата и безбедноста во тој дел од општината.

На прес-конференцијата беше најавен уште еден проект за подобрување на условите за паркирање во Општина Аеродром.

Станува збор за изработка на современи монтажни паркиралишта, кои ќе бидат изработени од челична конструкција, со цел значително да се зголеми капацитетот на паркинг места во Општина Аеродром.

„Убедени сме дека изградбата на монтажните паркиралишта ќе биде дел од решението на проблемот со недостиг на паркинг места во Општина Аеродром, се разбира, покрај воведувањето на зонското паркирање и изградбата на катни гаражи“, изјави градоначалникот Коневски.

Тој додаде дека овие решенија се сметаат за најсоодветни, бидејќи на тој начин нема да се градат неопходните паркиралишта на нови површини на сметка на зеленилото, туку како надградба на веќе постојните паркиралишта.

„Со овој проект, како и со сите претходни активности што заеднички ги презедовме со Општина Аеродром, сериозно се зафативме со решавање на овој проблем, затоа што знаеме дека засега голем број граѓани, така што се надевам дека на крајот ќе дојдеме до решение прифатливо за сите“, рече градоначалникот Трајановски.

Претседателот на Советот, Камиловски„ пак, изјави дека “Советот на Општина Аеродром во декември минатата година го донесе Буџетот за 2010 година, со кој се предвидува 700 илјади евра за решавање на проблемот со паркирањето“.

Одговарајќи на новинарско прашање градоначалникот Коневски рече дека „во Општина Аеродром има 5 подземни гаражи со вкупен капацитет од 500 до 600 возила, но нема законска можност да се обврзат сопствениците да ги користат подземните гаражи, но со нивно расчистување и осветлување би сакале да ги подобриме условите за паркирање и да ги поттикнеме да ги користат за таа намена“.

13.1.2010

Општина Аеродром

ПОКАНА

ЗА ПРЕС-КОНФЕРЕНЦИЈА

Градоначалниците на Град Скопје и на Општина Аеродром, Коце Трајановски и Ивица Коневски утре, 13.1.2010 година (среда) во 12:00 часот во Општина Аеродром ќе одржат прес-конференција на тема ставање во функција на подземните гаражи и најава на нов проект за подобрување на условите за паркирање.

Ги покануваме редакциите на пишаните и на електронските медиуми да испратат новинарска екипа (новинар и снимател или фоторепортер) да го проследат настанот.

12.1.2010

Општина Аеродром

Општина Аеродром и годинава ќе ја поддржи традиционалната Мичуринска средба, што ја организира здружението на граѓани „Мичуринска средба“ и која годинава ќе се одржи по четиринаесетти пат.

Централната манифестација е закажана за среда, 13.1.2010 година, во 19:00 часот, на платото во паркот во населбата Мичурин.

Во рамки на прославата на големиот православен празник „Свети Василиј“, меѓу народот познат како Стара нова година, на која како почесен гостин ќе присуствува градоначалникот на Општина Аеродром, Ивица Коневски, ќе се одржи со богата музичка програма и неизбежното кршење на традиционалната погача со златна паричка и избор на нов кум на средбата.

За цело време на манифестацијата ќе се послужува топол чај, сокови, греана ракија и сендвичи.

12.1.2010

Општина Аеродром

На 12.01.2010 година (вторник), со почеток во 16:30 часот во просториите на Општина Аеродром ќе се одржи дваесет и втората седница на Советот на Општина Аеродром.

На дневниот ред на седницата се следните точки:

1. Предлог-Одлука за утврдување девизен благајнички максимум за 2010 година
2. Предлог-Одлука за утврдување денарски благајнички максимум за 2010 година
3. Предлог-Одлука за доделување еднократна парична помош на семејствата со новороденче кои се со живеалиште на подрачјето на Општина Аеродром во 2010 година
4. Предлог-Одлука за давање согласност на Анекс кон Протокол за делбен биланс со утврдување на последната имотна и финансиска состојба по донесување на Законот за територијална организација на локалната самоуправа во Република Македонија (Службен весник на РМ број 55/2004), а со датум на поделба на општина Кисела Вода и Општина Аеродром од 12.04.2005 година
5. Предлог-Одлука за задолжување на Раководителот на Одделението за комунални работи на Општина Аеродром, за преземање активности со цел регулирање на договорни обврски кон ангажирани сезонски работници во Општина Аеродром
6. Предлог-Одлука за задолжување на Раководителот на Сектор за правни и општи работи и имот и имотно-правни работи на Општина Аеродром, за преземање активности со цел регулирање на договорни обврски кон ангажирани лица во Општина Аеродром

11.01.2010

Општина Аеродром

ВО ОПШТИНА АЕРОДРОМ ГОРЕА ОКОЛУ 20 0 БАДНИКОВИ ОГНОВИ

На бадник, 5.1.2010 година и покрај студеното време на околу 200 локации на територијата на Општина Аеродром се палеше бадниковиот оган во чест на Христовото раѓање.

Општина Аеродром им подели околу двесте кубни метри дрва за бадниковиот оган на сите куќни совети што поднесоа барања.

Инаку, традицијата палење бадников оган ја поддржаа неколку стотици македонски православни верници жители на Општината. Општина Аеродром ќе продолжи да ја негува македонската православна традиција и во иднина.

Градоначалникот Ивица Коневски, заедно со градоначалникот на Град Скопје, Коце Трајановски, претседателот на Советот на Општина Аеродром, Виктор Камиловски и други претставници на Општина Аеродром посети неколку локации каде што се палеа бадникови огнови, честитајќи им го празникот и посакувајќи им бериќет на православните верници и на сите граѓани во претстојната година.

8.1.2010

Општина Аеродром

СЕ ЧИСТАТ КОЛОВОЗИТЕ ВО ОПШТИНА АЕРОДРОМ ОД СНЕГ

Кризниот штаб на Општина Аеродром експресно реагираше на снегот што падна утрово, 5.1.2010 година, и презеде континуирани акции за расчистување на снегот.

Екипите на кризниот штаб ги организираа сезонските работници да го чистат снегот од тротоарите на булеварите, а во меѓувреме во расчистувањето на снегот од улиците, што се во надлежност на Општина Аеродром, им се приклучи и ангажираната фирма „Река”, задолжена да ги одржува локалните улици и патишта во зимски услови, која располага со потребната механизација и средства за одржување на улиците.

Во текот на денешниов ден, кризниот штаб ќе ја следи состојбата на теренот и ќе интервенира според потребите.

Општина Аеродром апелира до граѓаните, куќните совети и сопствениците на деловните објекти да се придржуваат кон законската обврска да ги расчистат приодите кон нивните објекти.

5.1.2010

Општина Аеродром

ВО ОПШТИНА АЕРОДРОМ МАСОВНО СЕ СЛАВИ БАДНИК

Градоначалникот на Општина Аеродром, Ивица Коневски, претседателот на Советот, Виктор Камиловски и други претставници на Општина Аеродром денеска, 5.1.2010 година спроти ТЦ „Бисер“ присуствуваа на подготовките за вечерашнава прослава на големиот христијански празник Бадник.

„Ова е една од локациите каде што се палат поголеми бадникови огнови на територијата на општината, поради што дојдовме да им дадеме поддршка на организаторите и на другите верници што го слават Бадник“, изјави градоначалникот Коневски, додавајќи дека е горд што Општина Аеродром најмасовно го одбележува овој православен празник како општина со 98 отсто православни христијани од својата популација.

Претседателот на Советот, Камиловски, изјави дека Советот ја поддржува иницијативата за поддршка на празнувањето на Бадник и им го честита празникот на сите граѓани од православна вероиповед.

Инаку, за време на викендот, Општина Аеродром во знак на поддршка подели околу 200 кубни метри дрва за бадниковиот оган на сите куќни совети што поднесоа барања.

Вечерва се очекува на околу 200 локации на територијата на Општина Аеродром во чест на Христовото раѓање да гори бадниковиот оган и сите оние кои ја почитуваат оваа традиција можат да се приклучат кон обичаите поврзани со прославувањето на овој голем христијански празник.

Градоначалникот Коневски, кој порача дека и во иднина Општина Аеродром ќе продолжи да ја негува македонската православна традиција на палење бадников оган, заедно со претседателот на Советот, Камиловски, вечерва во 18:30 часот ќе ја посети истата локација, каде што се очекува присуство на свештени лица од Македонската православна црква. Потоа, во 20:00 часот градоначалникот Коневски ќе го посети и огнот во близина на поликлиниката „Јане Сандански“ во населбата Аеродром, а во 20:30 часот ќе им се придружи на бадникарите во населбата Реонски центар „Аеродром“ за да им го честита празникот и да им посака бериќет во претстојната година.

5.1.2010

Општина Аеродром

ПРОДАЖНА ИЗЛОЖБА ВО ОУ „ЃОРЃИЈА ПУЛЕВСКИ“

Деновиве во ОУ „Ѓорѓија Пулевски“ на Општина Аеродром се одржа продажна изложба на ракотворби со новогодишни мотиви.

Ракотворбите ги изработија учениците од ОУ „Ѓорѓија Пулевски“ од прво до осмо одделение на часовите по ликовно образование.

Собраните парични средства од продажната изложба Советот на родители одлучи да бидат искористени од страна на ликовната секција за потребите на учениците во секојдневното работење на часот по ликовно образование.

5.1.2010

Општина Аеродром

ПОКАНА

ЗА ИЗЈАВА ЗА МЕДИУМИ ПО ПОВОД БАДНИК

Градоначалникот Ивица Коневски со претставници на Општина Аеродром утре, 5.1.2010 година во 11:00 часот спроти ТЦ „Бисер“ ќе присуствува на подготовките за утрешната прослава на големиот христијански празник Бадник, по што е предвидена изјава за медиумите. Ова е една од локациите каде што се палат поголеми бадникови огнови на територијата на Општината.

Ги покануваме редакциите на пишаните и на електронските медиуми да испратат новинарска екипа (новинар и снимател или фоторепортер) да го проследат настанот.

4.1.2010

Општина Аеродром

АЕРОДРОМ ПОДАРИ 200 КУБИЦИ БАДНИКОВИ ДРВА

Општина Аеродром и годинава ги поддржа граѓаните во прославувањето на претстојниот верски празник Бадник, како и бадниковите огнови што се палат по тој повод.

За време на викендот, Општина Аеродром делеше дрва за бадниковите огнови, кои утревечер ќе горат во чест на Христовото раѓање.

Бадникови дрва ќе се делат и во текот на денешниот ден, додека не се опфатат сите пристигнати барања од куќните совети.

Општина Аеродром подели околу двесте кубни метри дрва за бадниковиот оган, така што негувачите на оваа традиција, кои преку своите куќни совети во изминатиот период се пријавија за доделување бадникови дрва, добија по околу еден и пол кубик дрва.

Општина Аеродром и во иднина ќе продолжи да ја негува македонската православна традиција, прославувањето на верскиот празник Бадник.

4.1.2010

Општина Аеродром

СРЕЌНА НОВА 2010 ГОДИНА

Општина Аеродром им посакува среќна Нова 2010 година, многу здравје, среќа и успех на граѓаните.

ДЕЦАТА ОД ГРАДИНКИТЕ И ДЕЦАТА НА БРАНИТЕЛИТЕ ДОБИЈА НОВОГОДИШНИ ПАКЕТЧИЊА

Денеска, 30.12.2008 година (среда), по повод претстојните новогодишни празници децата од градинките „Срничка“ и „Буба Мара“, како и децата на бранителите ја посетија Општина Аеродром.

Градоначалникот Ивица Коневски на младите гости им подари новогодишни пакетчиња и им ја честиташе Новата 2010 година.

30.12.2009

Општина Аеродром

ИЗЛЕЗЕ ОД ПЕЧАТ НОВИОТ БРОЈ НА ВЕСНИКОТ „АЕРОДРОМ”

Општина Аеродром го испечати првото издание за 2010 година, поточно триесет и вториот (32) број на весникот „АЕРОДРОМ“.

Во овој двоброј за јануари и февруари, издаден на 32 колорни страници, покрај содржините со актуелна тематика и проблеми што го засегаат локалниот живот во Општината, има и текстови од различни области интересни за секоја возраст и сечиј вкус.

Новиот број на весникот „АЕРОДРОМ“ може да се прочита и на општинската веб-страница: www.aerodrom.gov.mk во рубриката „ВЕСНИК“.

Граѓаните можат да ги изнесуваат своите предлози, критики и совети на телефоните и на адресата од седиштето на Општината.

Весникот се печати во тираж од 30.000 примероци и бесплатно се доставува до секој дом на жителите во Општина Аеродром. Весникот, исто така, може да се добие и во седиштето на Општината, се разбира бесплатно.

Следниот број на весникот „Аеродром“ ќе излезе на 1-ви март 2010 година.

30.12.2009

Општина Аеродром

ОКОЛУ 200 НОВОРОДЕНЧИЊА ДОБИЈА ПО 5.000 ДЕНАРИ

Градоначалникот на Општина Аеродром, Ивица Коневски денеска, 29.12.2009 година, во дворот на општината свечено врачи околу 200 решенија за еднократна парична помош на семејствата со новороденчиња.

„Општина Аеродром ќе продолжи со ваквата акција на секое семејство со новороденче да им доделува еднократна парична помош во висина од 5.000 денари и во иднина, а ќе продолжиме да инвестираме и во проекти значајни за најмладата популација“, изјави градоначалникот Коневски, додавајќи дека фактот што во општината се раѓаат по околу 70-тина бебиња месечно е причина за задоволство и гордост.

На доделувањето на решенијата, покрај родителите на новороденчињата, присуствуваа и заменик-министерот за труд и социјална политика, Спиро Ристовски, и претседателот на Советот на Општина Аеродром, кои им упатија искрени честитки на новороденчињата и на нивните семејства.

„Со задоволство можам да истакнам дека Аеродром на овој начин придонесува во кампањата на Владата за зголемување на наталитетот и неа треба да ја следат и другите општини, бидејќи тоа значи развој на општините и на локалната самоуправа“, изјави заменик-министерот Ристовски.

29.12.2009

Општина Аеродром

ПОКАНА ЗА СВЕЧЕНО ДОДЕЛУВАЊЕ ЕДНОКРАТНА ПАРИЧНА ПОМОШ ЗА НОВОРОДЕНЧИЊА

Градоначалникот на Општина Аеродром, Ивица Коневски утре, 29.12.2009 година (вторник), во 11:00 часот во Општина Аеродром свечено ќе врачи решенија за доделување еднократна парична помош на семејствата со новороденчиња.

На доделувањето на решенијата, покрај родителите на 187 новороденчиња, на кои ќе им бидат врачени решенијата, ќе присуствува и заменик-министерот за труд и социјална политика, Спиро Ристовски.

Ја покануваме Вашата Редакција да испрати новинарска екипа (новинар и камерман или фоторепортер) да го проследат настанот.

28.12.2009

Општина Аеродром

ВО СРЕДА 21-ВА СЕДНИЦА НА СОВЕТОТ НА ОПШТИНА АЕРОДРОМ

На 30.12.2009 година (среда), со почеток во 16:30 часот во просториите на Општина Аеродром ќе се одржи дваесет и првата седница на Советот на Општина Аеродром.

На дневниот ред на седницата се следните точки:

1. Предлог-план за јавни набавки во Општина Аеродром за 2010 година
2. Предлог-програма Ф – Урбанистичко планирање и уредување на подрачјето на Општина Аеродром за 2010 година
3. Предлог-програма Г- Локален економски развој на подрачјето на Општина Аеродром за 2010 година
4. Предлог-програма Ј - Комунални дејности на подрачјето на Општина Аеродром за 2010 година
5. Предлог-програма Р – Заштита на животната средина и природа подрачјето на Општина Аеродром за 2010 година

28.12.2009

Општина Аеродром

Општина Аеродром спроведува кампања против употреба на пиротехнички средства

СТОП ЗА ПЕТАРДИТЕ

Вчера, 24.12.2009 година, под мотото „Стоп за петардите“ во седумте училишта, Општина Аеродром ја спроведе кампања против петардите.

На учениците им се делеа летоци во кои се предупредуваат на опасноста од користењето на петардите и другите пиротехнички материјали во периодот пред и за време на новогодишните празници.

Општина Аеродром очекува дека со оваа кампања ќе се придонесе учениците помалку ги користат петардите и пиротехничките средства, а со тоа ќе се намали и можноста од несакани последици по нивното здравје и околината.

25.12.2009

Општина Аеродром

ЗА ПРВПАТ АЕРОДРОМЦИ ЈА КИТЕА ОПШТИНАТА

Под мотото „Украси го своето маало“ во соработка со Т-мобиле, вчера, 24.12.2009 година на локацијата спроти ТЦ „Бисер“, градоначалникот на Општина Аеродром, Ивица Коневски, дел од општинската администрација и голем број деца и граѓани заеднички китеа новогодишни елки, а меѓу присутните имаше и пејачи, амбасадори, членови на Советот на Општината и други личности од јавниот живот.

„Вечерва нашата општина блесна и изгледа многу поубаво“, изјави градоначалникот Коневски, кој најави дека од сега општината ќе се украсува секоја година.

Беа украсени десетина елки од по 2,5 метри, а најмладите добија топол чај и новогодишни слатки.

Инаку, покрај заедничкото украсување на оваа локација, беа насадени 130 новогодишни елки по должината на главните булевари и беа украсени со лампиони и новогодишни светилки, со што општината за првпат доби новогодишен амбиент.

25.12.2009

Општина Аеродром

На третата форумска сесија „Форуми во заедницата“

АЕРОДРОМЦИ ГИ ДЕФИНИРАА ПРИОРИТЕТНИТЕ НЕДОСТАТОЦИ ВО УЧИЛИШТАТА

На третата форумска сесија што се одржа вчера, 23.12.2009 година, во основното училиште „Ѓорѓија Пулевски“ во рамки на програмата „Форуми во заедницата“, граѓаните ги дефинираа приоритетните недостатоци со кои се соочуваат седумте основни училишта и двете детски градинки во Општина Аеродром.

За време на форумот, четири работни групи составени од жители на Општина Аеродром ги претставија своите наоди од претходно извршените обиколки во воспитните – образовни објекти. Секоја група презентираше одделни проблеми по што се гласаше кои од наведените недостатоци се приоритетни да се отстранат.

Првата работна група под наслов „Дотраеност на училиштата и на градинките”, како главни проблеми ги истакнаа азбестните покриви, тоалетите, вратите и прозорците. Приоритет се даде на подобрување на условите во тоалетите.

Втората работна група која презентираше „Нагледни средства за работа во образованието”, утврдила дека постои недостиг од средства за хигиена, оштетени столови, недоволно осветлување, како и застарени помагала за наставниците. И по оваа презентација најголем интерес имаше за подобрување на хигиената, односно за тоалетите во училиштата.

Третата група, пак, ги опфати дворовите на училиштата. Таа утврди дека во нив нема жардиниери, недостиг од дрвца, голем број уништени огради, недостиг на чешмички за пиење вода, како и голем број оштетени спортски реквизити и руинирани пешачки патеки. Форумот сметаше дека пред се, треба да се подобри состојбата околу оградите и спортските реквизити.

Четвртата група, која беше задолжена околу условите за спортување, презентираше во какви услови децата ја одржуваат наставата по физичко воспитување.

Во наредните четири сесии на форумот, ќе се разработуваат конкретни проекти за да се реши некој од овие проблеми. На последната сесија ќе се избере победничкиот проект, чија реализација потоа ќе се финансира со буџетот на програмата, кој изнесува 6,6 милиони денари.

Следната форумска сесија ќе се одржи на 28 јануари 2010 година (четврток) со почеток во 18.30 часот во ОУ „Ѓорѓија Пулевски“, а право на учество имаат лицата со наполнети 16 години. Сите оние кои присуствувале барем на четири од седумте сесии на крајот ќе имаат право на глас во изборот на проект кој ќе се реализира.

24.12.2009

Општина Аеродром

Заедничка прес-конференција на Ивица Коневски и Виктор Камиловски

ВО 2009 ПОЧНАТИ ОКОЛУ СТОТИНА ПРОЕКТИ ВО ОПШТИНА АЕРОДРОМ

Градоначалникот на Општина Аеродром, Ивица Коневски, денеска на 24.12.2009 година одржа заедничка прес-конференција со претседателот на Советот на Општина Аеродром, Виктор Камиловски, на тема реализација на остварените резултати изминатата 2009 година.

Од 111 предвидени позначајни проекти од предизборната програма, како што рече градоначалникот Коневски, со реализација се почнати 94 проекти или вкупно 84,68 отсто, како и 14 проекти што не биле зацртани во програмата, а наскоро се очекува да почнат уште 7 проекти.

Претседаелот на Советот, Виктор Камиловски, изјави дека „Советот на Општина Аеродром 2009-та година ја завршува со 21 одржана седница и заедно со градоначалникот Коневски, ќе продолжи да донесува одлуки со исто темпо со единствена цел да им се излезе во пресрет на граѓаните“.

Тој додаде дека „никогаш досега, во Советот на Општината немало клима на толкава еуфорија да се завршуваат навреме планираните проекти, да се гради итн. За овие осум месеци донесени се 8 ДУП-ови од вкупно 32 ДУП-ови“.

Во прилог се сите почнати и предвидени проекти:

ПРОЕКТИ ПРЕДВИДЕНИ ВО ПРЕДИЗБОРНАТА ПРОГРАМА

НА ГРАДОНАЧАЛНИКОТ НА ОПШТИНА АЕРОДРОМ, ИВИЦА КОНЕВСКИ

КОИ ПОЧНАА СО РЕАЛИЗАЦИЈА ВО 2009 ГОДИНА

1. Донесување детални урбанистички планови – во тек
2. Проект ИСО 9001:2000 - во тек
3. Изградба на детска градинка во Реонски центар „Аеродром“ (во соработка со Министерството за труд и социјална политика) - во тек
4. Изградба на фудбалско игралиште во Реонски центар „Аеродром“ (во соработка со Агенцијата за млади и спорт и Владата на Република Македонија) - во тек
5. Изградба на 4 фудбалски игралишта покрај кејот на Вардар (во соработка со Фудбалскиот сојуз на Македонија и Агенцијата за млади и спорт) - во тек
6. Изградба на тениски терени покрај кејот на Вардар (во соработка со Владата на Република Македонија и Агенцијата за млади и спорт) - во тек
7. Изградба на локалниот пат Горно – Долно Лисиче (во соработка со Фондот за магистрални и регионални патишта) - во тек
8. Изградба на колекторска мрежа за фекална канализација во Горно Лисиче (во соработка со Град Скопје) - во тек
9. Изградба на препумпна станица во Горно Лисиче (во соработка со Министерството за транспорт и врски) - во тек
10. Овозможување услови за изградба на индустриска зона покрај булеварот „Трета македонска бригада“- во тек
11. Создавање предуслови за изградба на станбени објекти - во тек
12. Создавање предуслови за изградба на трговски центри - во тек
13. Создавање предуслови за изградба на катни гаражи - во тек
14. Создавање предуслови за изградба на хотели - во тек
15. Создавање предуслови за изградба на бензински пумпи - во тек
16. Создавање предуслови за изградба на болници - во тек
17. Станбена изградба: 14 станбени објекти со 770 станови наменети за продажба, изградба на 4 станбени објекти со вкупно 193 станови наменети за млади брачни парови (во соработка со ЈПССДП) - во тек
18. Овозможување услови за изградба на подземни или надземни гаражи - во тек
19. Изградба на тротоари - во тек
20. Решавање на проблемот со паркирање (во соработка со ЈП Градски паркинг) - во тек
21. Проширување на булеварот „Србија“ (во соработка со Град Скопје) - во тек
22. Проширување на булеварот „Видое Смилевски-Бато (во соработка со Град Скопје) - завршено
23. Воведување еднонасочен сообраќај на „Владимир Комаров (во соработка со Град Скопје) - завршено
24. Доизградба на секундарна фекална мрежа во Горно Лисиче - во тек
25. Доизградба на фекална и атмосферска мрежа и приклучоците во Реонски центар „Аеродром“- во тек
26. Доизградба на фекална и атмосферска мрежа и приклучоците во Мичурин - во тек
27. Доизградба на сервисни улици во Реонски центар „Аеродром“- во тек
28. Реконструкција на улицата „Горноврановска“- во тек
29. Реконструкција на улицата „Тодор Чангов“ - завршено
30. Реконструкција на улицата „Ѓорѓи Капчев“- во тек
31. Одржување на сервисни улици и паркинзи - во тек
32. Изградба на водоводна мрежа во Горно и Долно Лисиче (во соработка со ЈП Водовод и канализација) - во тек
33. Тековно одржување на водоводниот систем - тековно
34. Изградба на бунарски системи за наводнување на зеленилото - во тек
35. Изградба на нови линии за јавно осветлување - во тек
36. Доизградба на постојни линии - во тек
37. Замена на сијалиците со т.н. штедливи светилки - тековно
38. Тековно одржување на јавното осветлување - тековно
39. Меѓуопштинска соработка и јавно приватно партнерство (делбен биланс со Општина Кисела Вода) - завршено
40. Проект одговорни и урбани месни заедници - во тек
41. Јакнење на капацитетите на единиците на локалната самоуправа (обуки, техничка подготовка, пристапни фондови) - тековно
42. Подобрување на хигиената во општината - тековно
43. Одржување на јавни зелени површини - тековно
44. Подигнување на еколошката свест на граѓаните преку организирање еко-акции - тековно
45. Садење нови садници - тековно
46. Организирање едукативни предавања на теми за заштита на животната средина - тековно
47. Отстранување на исушени стари дрва и нивно заменување со млади садници - тековно
48. Реконструкција на ОУ „Димитар Македонски“ со изградба на нова училишна зграда и реконструкција на спортска сала во рамки на училиштето - во тек
49. Реконструкција на ОУ „Гоце Делчев“ и изградба на спортска сала во рамки на училиштето (Реновирање на покривот на ОУ „Гоце Делчев“ во соработка со USAID) - во тек
50. Реконструкција на ОУ „Ѓорѓија Пулевски“- во тек
51. Реконструкција на ОУ „Љубен Лапе“- во тек
52. Реконструкција на ОУ „Лазо Ангеловски“ (Изграден кабинет по роботика во ОУ „Лазо Ангеловски“ во соработка со USAID) - во тек
53. Опремување на училиштата со училиштен мебел, наставни реквизити и опрема (компјутери, маси, столчиња, спортска опрема) - во тек
54. Реновирање и тековно одржување на постојните детски градинки и збогатување на воспитно-образовниот процес со нови содржини - тековно
55. Поефикасен и непосреден контакт меѓу граѓаните и бизнисмените со општинската комуникација (Проект: „Одиме локално“ за информирање на бизнис заедницата и НВО во Општина Аеродром во врска со можноста за користење на IPA инструментот на ЕУ) - тековно
56. Промоција на Општината и можности за инвестирање во неа пред потенцијалните странски инвеститори - тековно
57. Надградба на веб страницата - тековно
58. Проект современа општинска администрација - тековно
59. Проект општина достапна 24 часа на интернет (ГСЦ) - тековно
60. Организирање бесплатни лекарски прегледи во соработка со Црвениот Крст - тековно
61. Организирање крводарителски акции - тековно
62. Организирање часови по прва помош - тековно
63. Посети на домот за стари лица - тековно
64. Соработка и финансиска поддршка на Противпожарниот сојуз „Аеродром“ - тековно
65. Едукација на населението и превенција од евентуални пожари - тековно
66. Организирање натпревари во ППЗ - тековно
67. Изградба на пристапни рампи за инвалидизирани лица - во тек
68. Изработка на ЛЕАП и подготовка на проект за енергетска ефикасност - во тек
69. Набавка на канти и контејнери за отпад со поддршка на Владата - во тек
70. Овозможување услови за изградба на споменици на истакнати личности од македонската историја - во тек
71. Организирање и поддршка на голем број културни и верски манифестации - во тек
72. Стимулирање на талентирани спортисти и спортски клубови преку разни спонзорства - во тек
73. Учество на меѓународни конференции и семинари и размена на искуства со други општини - тековно
74. Збратимување со општини од други држави - во тек
75. Изградба на нови спортски и детски игралишта - во тек
76. Изградба на ролерска и велосипедска патека покрај кејот на Вардар - завршено
77. Реконструкција на постојните игралишта за мал фудбал и кошарка - завршено
78. Организирање на разни општински лиги и турнири - во тек
79. Компјутер за секое дете во основните училишта - во тек
80. Хортикултурно и партерно уредување на јавни зелени површини - во тек
81. Овозможување услови за изградба на мост на реката Вардар во близина на спортската сала „Јане Сандански“ меѓу Аеродром и Гази Баба - завршено
82. Пуштање во функција на фекалната канализација во Долно Лисиче - во тек
83. Доизградба на атмосферска мрежа во Лисиче и Горно Лисиче - во тек
84. Овозможување услови за изградба на аква парк покрај кејот на Вардар – завршено (донесен ДУП)
85. Овозможување услови за изградба на олимписки базен покрај кејот на Вардар – завршено (донесен ДУП)
86. Овозможување услови за изградба на сала за зимски спортови покрај кејот на Вардар – завршено (донесен ДУП)
87. Овозможување услови за изградба на фудбалско игралиште во Горно Лисиче – завршено (донесен ДУП)
88. Овозможување услови за изградба на игралиште за хокеј покрај кејот на Вардар – завршено (донесен ДУП)
89. Овозможување услови за изградба на спортски сали – завршено (донесен ДУП)
90. Овозможување услови за изградба на пешачки премин (подземен или надземен кај ТЦ Бисер) – завршено (донесен ДУП)
91. Овозможување услови за изградба на верски објекти – завршено (донесен ДУП)
92. Формирање на ГИС (географско информативен систем) – во тек
93. Ефикасно користење на водата без непотребни загуби преку изградба на фонтани и еколошки чешми – во тек
94. Ставање во функција на противпожарните скали во зградите – во тек

ПРОЕКТИ ШТО ТРЕБА НАСКОРО ДА ПОЧНАТ СО РЕАЛИЗАЦИЈА

• Создавање предуслови за изградба на современа општинска административна зграда
• Изградба на ново основно училиште во Реонски центар „Аеродром“
• Реконструкција на улицата „Лисец“
• Компјутерска едукација за невработени лица
• Изготвување проект за селектирање и рециклирање на отпад
• Организирање и поддршка на разни детски фестивали и дефилиња
• Изградба на фонтана на детската улица „Тоше Проески“

ДОПОЛНИТЕЛНИ ПРОЕКТИ НАДВОР ОД ПРЕДИЗБОРНАТА ПРОГРАМА НА ГРАДОНАЧАЛНИКОТ НА ОПШТИНА АЕРОДРОМ, ИВИЦА КОНЕВСКИ, ПОЧНАТИ ВО 2009 ГОДИНА

1. Отстранување на погоните, поточно времените објекти во базата на АДГ „Маврово“ со цел уредување на просторот и овозможување услови за реализација на ДУП-от, односно за изградба на нови модерни содржини

2. Изградба на нови пешачки патеки

3. Поставување нови клупи

4. Поставуваат заштитни П-огради

5. Дислокација на новиот терминал за последна и почетна автобуска станица за линиите 5 и 15 во населбата Ново Лисиче, во соработка со Град Скопје

6. Намалување на комуналната такса за летни тераси од 15 на 8 денари

7. Доделување парична помош на новороденчињата

8. Изградба на велосипедска патека покрај булеварот „Јане Сандански“ во соработка со Холандската амбасада

9. Проект: „Форуми во заедницата“ во соработка со Швајцарската амбасада – форумски сесии за заедничка одлука на граѓаните и општината за инвестирање на донација

10. Изградба на чешми за пиење вода

11. Обележување паркинг места за лица со хендикеп

12. Изградба на 2 игралишта комбинирани за мал фудбал и за кошарка во Ново Лисиче

13. Реконструкција на кошевите на спортските терени во парковите

14. Изградба на споменик на Јане Сандански

24.12.2009

Општина Аеродром

Во соработка со АМС и НВО „СЕГА“

ПРЕЗЕНТИРАНА НАЦИОНАЛНАТА СТРАТЕГИЈА ЗА МЛАДИ ПРЕД АЕРОДРОМЦИТЕ

Претставници од Агенцијата за млади и спорт (АМС) и од Коалицијата на младински организации „СЕГА“, вчера, 22.12.2009 година во ОУ „Блаже Конески“ во Општина Аеродром ја промовираа Националната стратегија за млади на Република Македонија.

Во рамки на стратегијата опфатени се осум приоритетни области образование, младинско самовработување, квалитет на живеење, здравство и превенција, култура, младинско информирање, локална младинска работа и младинска партиципација.

Целта на презентацијата е да се подобри квалитетот на живеење на младите луѓе во Македонија преку зголемување на интересот кон спортот и спортските активности, нивно активно учество во заштитата на животната средина, грижа и заштита на семејството, учество во уметнички активности, запознавање на културните вредности на другите етнички заедници во Македонија и слично.

На панел дискусијата што потоа се разви, учесниците дојдоа до заклучок дека потребите на младите во Општина Аеродром се многу слични со потребите на младите од Европската унија.

23.12.2009

Општина Аеродром

Во соработка со Град Скопје

СЕ АСФАЛТИРА ДЕЛ ОД ТРАСАТА НА БУЛЕВАРОТ СРБИЈА

Деновиве, во Општина Аеродром почна да се асфалтира проширениот дел од булеварот „Србија“ на потегот од крстосницата со булеварот „Видое Смилевски Бато“ кон крстосницата со булеварот „Трета македонска бригада“.

На новиот коловоз нанесени се два слоја асфалт на површина од 5.500 квадратни метри.

Градежните активности ги изведуваат екипи на фирмата „Маврово инженеринг“, а средствата во износ од 120 милиони денари се обезбедени од Град Скопје.

По завршување на асфалтирањето, булеварот ќе се уреди и ќе се постави ново осветлување.

23.12.2009

Општина Аеродром

ЗА ЗАЕДНИЧКО УКРАСУВАЊЕ НА ОПШТИНА АЕРОДРОМ

На 24.12.2009 година (четврток) со почеток во 18:00 часот спроти ТЦ „Бисер“, градоначалникот на Општина Аеродром, Ивица Коневски, дел од општинската администрација и претставници од Т-Мобиле, заеднички ќе украсуваат новогодишни елки.

За време на украсувањето се очекува присуство на голем број деца и граѓани кои заеднички ќе китат новогодишни елки.

Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да го проследат настанот.

23.12.2009

Општина Аеродром

ПОКАНА ЗА ПРЕС-КОНФЕРЕНЦИЈА

Градоначалникот на Општина Аеродром, Ивица Коневски, на 24.12.2009 година (четврток) со почеток во 11:00 часот во ресторанот „Три Бисери“ ќе одржи прес-конференција, на која ќе присуствува и претседателот на Советот на Општина Аеродром, Виктор Камиловски.

Тема на прес-конференцијата е реализација на остварените резултати изминатата 2009 година.

Ги покануваме редакциите на пишаните и на електронските медиуми да испратат новинарска екипа (новинар и снимател или фоторепортер) да присуствуваат на прес-конференцијата.

23.12.2009

Општина Аеродром

ПОКАНА ЗА ТРЕТАТА ФОРУМСКА СЕСИЈА ВО ОПШТИНА АЕРОДРОМ

Утре, на 23 декември 2009 (среда), во холот на основното училиште „Ѓорѓија Пулевски“ во Општина Аеродром со почеток во 18:30 часот ќе се одржи третата форумска сесија во рамките на програмата „Форуми во заедницата”.

Тема на форумот ќе биде „Подобрување на инфраструктурните услови во основните училишта и во градинките во Општина Аеродром”, која беше избрана од граѓаните на првата форумска сесија што се одржа во октомври.

Форумот е отворен за сите граѓани на Општината Аеродром со наполнети 16 години, кои имаат желба да се вклучат и да даваат идеи и предлози околу подобрување на условите во училиштата и во градинките.

Програмата „Форуми во заедницата“ во Општина Аеродром се спроведува од 28 октомври 2009 година во соработка со ЗЕЛС и финансиска помош од Швајцарската агенција за развој и соработка (SDC).

Проектите ќе се финансираат со буџет од 6.000.000 денари од кои 2.000.000 денари ќе обезбеди Општината, а 4.000.000 денари се донација од Швајцарската агенција за развој и соработка.

Општина Аеродром ги поканува и електронските и печатените медиуми да испратат новинарска екипа (новинар и снимател, односно фоторепортер) да го проследи настанот.

22.12.2009

Општина Аеродром

ОСНОВНИТЕ УЧИЛИШТА „ГОЦЕ ДЕЛЧЕВ“ И „ЉУБЕН ЛАПЕ“ ЌЕ ДОБИЈАТ ПО 5 ЧЕШМИ СО ФИЛТЕР

Минатата недела двете основни училишта „Гоце Делчев“ и „Љубен Лапе“ свечено потпишаа договор за спонзорство со словенечкиот Армалов фонд од Ливарна, Марибор.

Во Армаловиот Фонд за првпат се вклучени училишта од Република Македонија. Од вкупно 36 училишта од Македонија кои аплицираa, избрани се само 8 училишта, меѓу кои двете училиштата од Општина Аеродром.

Избраните училишта ќе добијат по 5 армалови чешми со филтри.

Училиштата аплицираа со свои активности по различни предмети за развивање на еколошката свест кај учениците и за зачувување на чистата и здрава вода за пиење.

21.12.2009

Општина Аеродром

ФРЛЕНИ 20 ТОНИ СОЛ НА КОЛОВОЗИТЕ ВО ОПШТИНА АЕРОДРОМ

Кризниот штаб на Општина Аеродром експресно реагираше на првиот снег кој падна вчера, 19.12.2009 година, и презеде континуирани акции за расчистување на снегот.

Екипите на кризниот штаб ги организираа сезонските работници да го чистат снегот од тротоарите на булеварите, а во меѓувреме во расчистувањето на снегот од улиците, што се во надлежност на Општина Аеродром, им се приклучи и ангажираната фирма „Река”, задолжена да ги одржува локалните улици и патишта во зимски услови, која располага со потребната механизација и средства за одржување на улиците.

Акцијата за расчистување на снегот во Општина Аеродром траеше од 14:00 до 05:00 часот по полноќ, при што беа фрлени околу 20 тони сол.

Општина Аеродром апелира до граѓаните, куќните совети и сопствениците на деловните објекти да се придржуваат кон законската обврска да ги расчистат приодите кон нивните објекти.

20.12.2009

Општина Аеродром

ОПШТИНА АЕРОДРОМ ГИ ПОВИКУВА КУЌНИТЕ СОВЕТИ ДА СЕ ПРИЈАВУВААТ ЗА БАДНИКОВИ ДРВА

Општина Аеродром ги повикува жителите на нејзината територија, кои ја негуваат традицијата на палење бадников оган во чест на Христовото раѓање, преку претседателите на куќните совети да достават барање за дрва во просториите на Општината, во соба број 5, секој работен ден од 09:00 до 16:00 часот најдоцна до 25.12.2009 година (петок).

Барањето за доделување огревни дрва по повод христијанскиот празник се наоѓа на веб страницата www.aerodrom.gov.mk во менито Формулари, а заинтересираните граѓани можат да го симнат директно од линкот http://www.aerodrom.gov.mk/R8-Formulari.aspx – Барање за доделување огревни дрва по повод христијанскиот празник Бадник.

Со цел да се задржи македонската православна традиција палење бадников оган, Општина Аеродром, во рамките на своите можности, годинава повторно обезбеди дрва за поддршка на оваа манифестација на нејзината територија.

18.12.2009

Општина Аеродром

ЈАВНА БЛАГОДАРНИЦА ЗА ГРАДОНАЧАЛНИКОТ НА АЕРОДРОМ ОД ЗДРУЖЕНИЕТО НА СЕТИНЦИ И ПОПАДИЦИ ОД ЛЕРИН ВО СКОПЈЕ

Претставници од Здружението на Сетинци и Попадици од Лерин во Македонија вчера, 16.12.2009 година, се сретнаа со градоначалникот на Општина Аеродром, Ивица Коневски и свечено му врачија благодарница за успешната соработка.

Претседателот на здружението Ташко Јованов упати голема благодарност до градоначалникот Коневски за неговиот придонес во активностите на здружението и за афирмација на македонските традиции, ора и песни.

17.12.2009

Општина Аеродром

Утре, 17.12.2009 година (четврток), со почеток во 16:30 часот во просториите на Општина Аеродром ќе се одржи дваесеттата седница на Советот на Општина Аеродром.

На дневниот ред на седницата се следните точки:

1. Предлог - Буџет на Општина Аеродром за 2010 година
2. Амандмани на Предлог - Буџет на Општина Аеродром за 2010 година
3. Предлог - Одлука за извршување на Буџетот на Општина Аеродром за 2010 година
4. Предлог - Буџетски календар на Општина Аеродром за подготовка на Буџетот на општината за 2011 година
5. Предлог - Акциски план за родова рамноправност на Општина Аеродром за 2010 и 2011 година
6. Предлог - Заклучок за усвојување на Годишен извештај за работа на ЈУДГ „Буба Мара“ за 2008/09 година
7. Предлог - Заклучок за усвојување на Програма за работа на ЈУДГ „Буба Мара“ за 2009/10 година

16.12.2009

Општина Аеродром

Минатата недела (10.12.2009 година), основното училиште „Ѓорѓија Пулевски“ од Општина Аеродром ја доби втората награда за проекти во категоријата „Креативност и иновативност при употреба на технологијата во наставата“.

Проектот на USAID за основно образование и Microsоft Partners in learning, за прв пат во Република Македонија го организираше Микрософт иновативниот форум за наставници.

Во проектот учествуваа повеќе основни и средни училишта од цела Македонија.

15.12.2009

Општина Аеродром

НАСТАВНИЦИТЕ ОД ОУ „ДИМИТАР МАКЕДОНСКИ“ СЕ ОБУЧУВААТ ЗА РАБОТА СО КОМПЈУТЕР

На 11.12.2009 година (петок), во ОУ „Димитар Македонски“ почна тридневна обука за одделенските наставници од областа на информатичката технологија.

По завршување на обуката, наставниците ќе се стекнат со знаења за реализација на образовната програма ТООЛКИД, којa ќе можат да ja применат по изборниот предмет Работа со компјутер со учениците од прво до трето одделение.

14.12.2009

Општина Аеродром

Неодамна на територијата на Општина Аеродром покрај пензионерскиот дом „Јане Сандански“, како и веќе постојните „Вардар“ и „Лисиче“, се формираа два нови ограноци на Здружението на пензионери „Кисела Вода“.

Огранокот „Аеродром“ кој минатата недела свечено беше пуштен во употреба, се наоѓа во населбата Јане Сандански кај ресторанот „Златна виљушка“, додека вториот огранок се наоѓа во Ново Лисиче.

Со тоа вкупниот број на пензионерски ограноци на територијата на Општината се искачи на пет клубови, каде што пензионерите можат да се дружат и да се забавуваат. Вкупниот број пак, на пензионери кои членуваат во овие ограноци изнесува околу 10.000 членови.

Пензионерските клубови на своите членови им нудат дружење, разонода, играње карти, шах, домино, гледање телевизија, како и разни други културни активности.

Во рамки на пензионерските ограноци, функционираат и неколку клубови и здруженија, меѓу кои Клубот на читатели на книгата, Актив на жени кои спроведуваат поучни предавања на разни теми, Здружението на филателисти и други.

Пензионерските ограноци се отворени за своите членови по четири часа за време на работните денови, освен пензионерскиот дом „Јане Сандански“ кој работи и во сабота.

Подетални информации околу активностите и функционирањето на пензионерските ограноци на територијата на Општина Аеродром, можат да се добијат кај претставникот од Домот за пензионери „Јане Сандански“ Јаким Заовски, на телефоните 2460 583 и 071/400 300.

10.12.2009

Општина Аеродром

Утре, 10.12.2009 година (четврток), со почеток во 16:30 часот во просториите на Општина Аеродром ќе се одржи деветнаесеттата седница на Советот на Општина Аеродром.

На дневниот ред на седницата се следните точки:

1. Предлог - Одлука за давање согласност за склучување Договор за доделување средства меѓу Општина Аеродром и Министерството за животна средина и просторно планирање на РМ;

2. Предлог - Одлука за давање согласност за склучување Договор за регулирање надоместок за уредување градежно земјиште помеѓу Општина Аеродром и Град Скопје;

3. Предлог - Одлука за исплата на парични средства на вработените во општинската администрација на Општина Аеродром по основ надоместок за годишен одмор;

4. Предлог - Одлука за исплата на парична помош по основ на пристигнати барања на отпремнина за пензионирање и смртен случај на член на потесното семејството;

5. Предлог - Одлука за исплата на парична помош за надомест на патни трошоци на ученик со посебни образовни потреби;

6. Предлог - Одлука за исплата на парични средства по основ на членарина на Општина Аеродром кон ЗЕЛС.

9.12.2009

Општина Аеродром

По повод стогодишнината од раѓањето на великанот на балканската и светската поезија, Никола Јонков Вапцаров, на 5.12.2009 година во салата на Македонската опера и балет се одржа јубилејната културна манифестација „Вапцарови денови“ што ја организира КУД „Никола Вапцаров“ од Горно Лисиче.

На манифестацијата учествуваа познати изведувачи на народни песни и фолклорни ансамбли, меѓу кои Виданка Ѓорѓиева, Мишко Талевски, КУД „Никола Вапцаров“ и КУД „Керамичар“, а се говореше за животот и делото на македонскиот поет.

7.12.2009

Општина Аеродром

ЕКОЛОШКА АКЦИЈА ПО ПОВОД ПРАЗНИКОТ „СВЕТИ КЛИМЕНТ“

По повод утрешниот празник „Свети Климент“ сто и педесетина млади аеродромци на 5.12.2009 година во паркот зад ТЦ „Три Бисери“ и на кејот на реката Вардар насадија по една садница и тоа од видот бор, смрча и јасен.

Иницијатори на еколошката акција беа двајца членови на Советот на Општина Аеродром од советничката група на ВМРО-ДПМНЕ, Перица Голомеиќ и Александар Стојчевски, инаку претседател на Унијата на млади сили на ВМРО-ДПМНЕ при општинскиот комитет Аеродром.

„Целта на еколошката акција беше не само симболично да се одбележи претстојниот македонски празник, туку и да покажеме дека младите од Аеродром имаат висока еколошка свест и се грижат за средината во која живеат“, изјави Стојчевски.

Инаку, младите екологисти и патриоти од оваа Унија, кои во саботата насадија околу 150 садници во Општина Аеродром, се познати и по својата хуманост и честите крводарителски акции.

7.12.2009

Општина Аеродром

Вчера, 3.12.2009 година (четврток), во подрачното основно училиште „Гоце Делчев“ во Долно Лисиче се одржаа предавања за искористување на ИПАРД фондовите.

За време на предавањата стручни лица од фондацијата „Евро центар“ им делеа совети на присутните во врска со петата компонента од ИПА програмата наменета за земјоделците – ИПАРД програма.

Учесниците на предавањата се интересираа околу развојот на руралните средини, се обучуваа како да се управува со средствата од ИПАРД и што ќе се финансира, кои се приоритетните сектори, кои се најпогодни инвестиции, како до подобрување на ефикасноста на пазарот и имплементација на стандардите на Европската унија.

На предавањата учествуваа околу петнаесетина лица, а присуствуваа и претставници на општинската администрација.

Предавањата ги имплементираше фондацијата „Евро центар“.

4.12.2009

Општина Аеродром

Општина Аеродром ги информира сите правни субјекти, компании и фирми кои се со седиште на нејзина територија, а кои се заинтересирани да соработуваат со Општината, да го пополнат Анкетниот лист што се наоѓа на веб страницата www.aerodrom.gov.mk во менито Формулари или да го симнат директно од линкот http://www.aerodrom.gov.mk/R8-Formulari.aspx – Анкетен лист за фирми.

Исто така, Општина Аеродром е подготвена и сака да посредува во формирањето здружение на правни субјекти, бидејќи на тој начин ќе се стимулира и ќе се поттикне развојот на бизнис секторот во Општината, но ќе се овозможи и поголема меѓународна соработка меѓу фирмите кои ќе се зачленат во здружението.

За навремено информирање на членовите, Општината предвидува организирање разни семинари, работилници и презентации, кои ќе бидат корисни за бизнис секторот и ќе нудат најнови информации за интересни настани во странство.

4.12.2009

Општина Аеродром

Во рамки на програмата за предучилишно воспитание и образование децата од градинката „Буба Мара“ клон на „Пчелка 2“ во Ново Лисиче на 1.12.2009 година со свечена приредба ја испратија есента со цел да можат да се подготват за пречекот на зимата и новогодишните празници.

На приредбата присуствуваа голем број родители, како и претставници од Општина Аеродром.

3.12.2009

Општина Аеродром

Денеска, 3.12.2009 година (четврток), со почеток во 17:00 часот во подрачното основно училиште „Гоце Делчев“ во Долно Лисиче ќе се одржат предавања за искористување на ИПАРД фондовите.

Предавањата кои се наменети за земјоделците, ќе ги спроведат стручни лица, а ќе има и претставници на општинската администрација.

3.12.2009

Општина Аеродром

По повод стогодишнината од раѓањето на Никола Јонков Вапцаров, в сабота, 5.12.2009 година во салата на МОБ, со почеток во 19:30 часот КУД „Никола Вапцаров“ од Горно Лисиче, традиционално ќе ја организира Јубилејната културна манифестација „Вапцарови денови“.

На манифестацијата ќе учествуваат познати изведувачи на народни песни и фолклорни ансамбли, меѓу кои Виданка Ѓорѓиева, Мишко Талевски, Соња Тарчуловска, Благица Павловска, КУД „Никола Вапцаров“, КУД „Керамичар“, а ќе се говори за животот и делото на македонскиот поет.

Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да ја проследат манифестација.

2.12.2009

Општина Аеродром

Утре, 3.12.2009 година (четврток) со почеток во 17:30 часот во просториите на основното училиште „Гоце Делчев“ Општина Аеродром, ќе се одржи јавна анкета за Нацртот на Деталниот урбанистички план за локалитетот „Горно-Долно Лисиче – Аеродром“.

За време на јавната презентација граѓаните ќе можат да поставуваат прашања во врска со ДУП-от на претставниците од Општина Аеродром и други стручни лица.

Инаку, нацртот на Деталниот урбанистички план за локалитетот Горно-Долно Лисиче - Аеродром опфаќа простор со површина од 14 хектари и со него се предвидени површини со намена за:

- Коловозна лента со широчина од 2 х 2,75м = 5,50м

- Рабни ленти со широчина од 2 х 0,20м = 0,40м

- Банкини со широчина 2 х 1,0м = 2,0м

- Плонум на патот со широчина 7,90м

- Заштитен појас со широчина 2 х 10,0м = 20,0м

Нацрт-урбанистичкиот план вон населено место за проширување и реконструкција на локалниот патен правец Горно – Долно Лисиче ќе биде изложен во просториите на основното училиште „Гоце Делчев“ во рок од 10 работни дена, до 15.12.2009 година, секој работен ден од 12:00 до 19:00 часот.

Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да ја проследат јавната презентација.

2.12.2009

Општина Аеродром

Градоначалникот на Град Скопје, Коце Трајановски и градоначалникот на Општина Аеродром, Ивица Коневски, вчера, 30.11.2009 година, во ОУ „Димитар Македонски“ во населбата Лисиче, одржаа средба со граѓани и претставници на месните и на урбаните заедници.

На состанокот присуствуваа и директорите на јавните градски претпријатија, раководителите на секторите во администрацијата на Град Скопје, како и раководители од општинската администрација и претставници на Советот на Општина Аеродром.

За време на средбата граѓаните имаа можност да ги изложат своите проблеми, сугестии и предлози пред двајцата градоначалници.

Граѓаните поставуваа прашања и барања главно од комунален карактер, како што е поредовно расчистување на депониите, собирање на шутот покрај контејнерите и нивно нередовно подигање, зголемување на бројот на контејнери, како и прашања во врска со безбедноста во сообраќајот на булеварите, крпење ударни дупки и други урбани проблеми.

Дел од граѓаните, исто така, се интересираа за поврзување на населбата Лисиче со Реонски центар „Аеродром“, како и воведување нова автобуска линија во оваа населба, или барем промена на трасата на линијата „13“ што ги поврзува општините Кисела Вода и Гази Баба преку Аеродром, при што локалните власти ветија дека ќе го разгледаат ова прашање како опција за решавање на сообраќајните проблеми.

Посетата на Општина Аеродром од страна на градоначалникот Трајановски е дел од серијата посети на скопските општини, со цел одблиску да се запознае со проблемите на граѓаните.

1.12.2009

Скопје

ПОСТАВЕН КАМЕН-ТЕМЕЛНИК НА НОВО ФУДБАЛСКО ИГРАЛИШТЕ ПОКРАЈ КЕЈОТ НА ВАРДАР

По само четири дена од поставувањето на камен-темелникот на нова детска градинка и по само две недели од почнувањето на изградбата на ново фудбалско игралиште во населбата Реонски центар, денес сум повторно во Општина Аеродром, повторно за проект посветен на децата, на младите и на спортистите.

Ова го изјави претседателот на Владата на Република Македонија, Никола Груевски, на денешното (29.11.2009 година) поставување камен-темелник на новото фудбалско игралиште покрај кејот на реката Вардар во близина на спортската сала „Јане Сандански“, на кое присуствуваа и високи владини претставници и голем број граѓани.

Тука во срцето на Општина Аеродром, како што рече премерот Груевски, наскоро ќе почнат да се градат четири тениски игралишта, голема сала за зимски спортови, поточно за хокеј и уметничко лизгање, како и големиот проект „Куќа на фудбалот“ со четири фудбалски игралишта.

„Со изградба на спортските терени нашите млади ќе оттргнеме од пороците на современото живеење и ќе им ги овозможиме сите услови за реализација на нивниот спрстски дух“, рече премиерот Груевски.

Градоначалникот на Општина Аеродром, Ивица Коневски, заблагодарувајќи и се на Владата на Република Македонија за несебичната поддршка што ја дава за развој на Општина Аеродром, како и на Агенцијата за млади и спорт, која учествува во изградбата на голем број содржини за спорт и рекреација во Општина Аеродром, рече дека „почетокот на изградбата на второто фудбалско игралиште е резултат на напорната работа и на добрата соработка меѓу Општина Аеродром, Владата на Република Македонија и Агенцијата за млади и спорт“.

Станува збор за изградба на второ фудбалско игралиште во Општина Аеродром, во рамки на владиниот проект „50 фудбалски игралишта“. Игралиштето со димензии 117 метри должина и 81 метар широчина и со монтажна трибина за околу 500 гледачи, ќе биде наменето за организирање спортски натпревари, за тренинзи на фудбалски екипи, но и за спорт и рекреација на граѓаните.

Фудбалското игралиште ќе се гради според сите стандарди на УЕФА, така што на овој терен ќе може да се организираат и меѓународни натпревари. Под теренот ќе биде поставен целосен дренажен систем што ќе го одржува игралиштето суво, а објектот ќе биде комплетно осветлен со канделабри со по 4 рефлектори.

Исто така, ќе бидат изградени и неопходните придружни објекти, како комплет кабини и соблекувални за резервните играчи, за делегатите.

Изведувачи на работите се фирмите „Конструктор сплит“ и „Македонија инвест“.

Пред чинот на осветување на камен-теменикот од страна на свештени лица на Македонската православна црква, директорот на Агенцијата за млади и спорт, Драган Ѓурчевски изрази надеж дека ова фудбалско игралиште ќе биде место на кое ќе се раѓаат идните врвни спортисти и идните македонски репрезентативци, со кои ќе се гордее Република Македонија, а најмногу Општина Аеродром.

29.11.2009

Општина Аеродром

Жири-комисијата за избор на најдобро идејно решение за подигнување спомен обележје на македонскиот револуционер Јане Сандански ги избра петте најдобри трудови од вкупно шеснаесет кои се пријавија на конкурсот.

Првата награда, која изнесува 300.000 денари, ја освои авторот Гоце Давидов, втората награда во висина од 150.000 денари му припадна на авторот Богоја Анѓелоски, а авторот Слободан Милошески, пак, ја освои третата награда која изнесува 100.000 денари.

Покрај наградените, жири-комисијата избра и два откупи од по 50.000 денари. Едниот му припадна на авторот Зоран Тошевски, додека вториот откуп припадна на групата автори Деспина Милановска, Драган Ристоски и Иле Јовановски.

Средствата за најуспешните трудови ги обезбеди Општина Аеродром, а изградбата на споменикот ќе се реализира во соработка со Владата на Република Македонија. Изградбата на овој споменик е дел од предлог-програмата за одбележување значајни настани и истакнати личности на подрачјето на Аеродром.

Коњаничката скулптура на Јане Сандански ќе се постави на локација што ќе ја утврди тим од стручни и компетентни лица. Споменикот ќе достигне максимална височина до 8,5 метри, поточно до 3,5 метри ќе изнесува постаментот, додека скулптурата на Јане Сандански качен на коњ ќе изнесува до 5 метри. Споменикот ќе биде уметничко - архитектонско дело кое ќе го отсликува ликот и делото на револуционерот.

Конкурсот за изработка на идејно решение за подигање на спомен обележје на Јане Сандански и партерно уредување на околината беше јавен и анонимен, а право на учество имаа сите заинтересирани домашни и странски, физички и правни лица. Учесниците на конкурсот кои се пријавуваа под шифра, имаа право да учествуваат со по еден труд.

Иницијатор за поставување споменик на македонскиот револуционер Јане Сандански е на градоначалникот Ивица Коневски, а поддршка дадоа и мнозинството од членовите на Советот на Општина Аеродром.

27.11.2009

Општина Аеродром

Градоначалникот на Општина Аеродром, Ивица Коневски и директорот на Агенцијата за млади и спорт, Драган Ѓурчевски в недела, 29.11.2009 година, во 13:30 часот кај спортската сала „Јане Сандански“ покрај кејот на реката Вардар, ќе постават камен-темелник на ново фудбалско игралиште.

На поставувањето на камен-темелникот, кој ќе биде осветен од страна на свештени лица на Македонската православна црква, се очекува да присуствува и премиерот Никола Груевски.

Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да го проследат настанот.

27.11.2009

Општина Аеродром

На втора форумска сесија што се одржа вчера, 25.11.2009 година, во основното училиште „Ѓорѓија Пулевски“ во рамки на програмата „Форуми во заедницата“, граѓаните ги дефинираа проблемите со кои се соочуваат седумте основни училишта и двете детски градинки во Општина Аеродром.

За време на форумот, претставници на Општината од Секторот за образование ги презентираа состојбите со покривите, фасадите, прозорците, вратите и санитарните јазли во детските градинки и во училиштата на територијата на општината.

По презентацијата учесниците во форумската сесија утврдија седумдесетина проблеми со кои се соочуваат околу 5.700-те ученици во основните училишта. Проблемите беа категоризирани во седум групи меѓу кои обнова на подовите, реновирање на санитарните јазли, поправки или замени на покривите, обезбедување наставни помагала и реквизити, уредување на училишните дворови, решавање на проблемите со енергетската ефикасност и со осветлувањето, како и градење и уредување на спортските терени во рамки на училиштата.

Во наредните сесии ќе се изработуваат проекти за решавање на овие групи проблеми, а по одржување на седмата сесија, ќе се избере победнички проект за чија реализација ќе биде наменет буџетот на програмата „Форуми во заедницата“.

Буџетот изнесува 6,6 милиони денари, од кои 4 милиони се донација од Швајцарската агенција за соработка и развој (СДЦ), 2 милиони се обезбедени од Општина Аеродром, а 600 илјади денари се придонес на носителите на проектот.

Програмата „Форуми во заедницата“ во Општина Аеродром ја спроведуваат Македонскиот центар за меѓународна соработка (МЦМС) и општинската администрација.

Следната форумска сесија ќе се одржи на 23 декември (среда) со почеток во 18.30 часот во ОУ „Ѓорѓија Пулевски“, а право на учество имаат лицата со наполнети 16 години. Сите оние кои присуствувале барем на четири од седумте сесии на крајот ќе имаат право на глас во изборот на проект кој ќе се реализира.

Инаку, темата на форумот „Подобрување на инфраструктурните услови во училиштата и во градинките“ беше избрана на првата форумска сесија што се одржа минатиот месец.

26.11.2009

Општина Аеродром

Ми причинува посебно задоволство што денеска присуствувам на почетокот на изградба на детска градинка со буџетски средства од Владата, нешто што многу недостасуваше во Општина Аеродром и не се случило последните 20 години во Република Македонија.

Ова го изјави премиерот Никола Груевски на денешното свечено поставување камен-темелник на новата детска градинка во Реонски центар „Аеродром“ во непосредна близина на фудбалското игралиште што почна да се гради пред десетина дена.

„Станува збор за заеднички проект на Општина Аеродром и на Министерството за труд и социјална политика со цел да се задоволи потребата за згрижување на децата од оваа релативно нова населба, каде што е повеќе од потребно ваков објект“, изјави министерот за труд и социјална политика, Џељаљ Бајрами.

Детската градинка ќе се гради на парцела од 7.500 квадратни метри, од кои 1.400 квадратни метри вкупна градежна површина на приземје (1.100 м²) и кат (300 м²) со капацитет за згрижување на околу 200 деца од предучилишна возраст од 6 месеци до 7 години.

Градоначалникот на Општина Аеродром, Ивица Коневски, изјави дека „изградбата на новата детска градинка е резултат на напорното посветено и континуирано работење на Општина Аеродром за подобрување на условите за живот на своите граѓани, особено на најмладата популација“.

Инаку, проектот за градинката, чиј камен-темелник, денеска беше осветен од свештени лица на Македонската православна црква, го изработи фирмата „Ин-пума“, а изградбата ќе ја врши „НЃ-инженеринг“.

Општина Аеродром

25.11.2009

В четврток, 26.11.2009 година, со почеток во 16:30 часот во просториите на Општина Аеродром ќе се одржи осумнаесеттата седница на Советот на Општина Аеродром.

На дневниот ред на седницата се следните точки:

1. Предлог-Одлука за измена и дополнување – проширување на Буџетот на Општина Аеродром за 2009 година;

2. Предлог-Измена и дополнување на Годишен план за јавни набавки на Општина Аеродром за 2009 година;

3. Предлог-Заклучок за усвојување Извештај од Одборот за подигнување спомен-обележје на македонскиот револуционер Јане Сандански;

4. Предлог-Одлука за поврат на финансиски средства од Буџетот на Општина Аеродром;

5. Предлог-Одлука за измена и дополнување на Одлуката за извршување на Буџетот на Општина Аеродром за 2009 година;

6. Предлог-Одлука за потврдување на статусот и својството на Општина Аеродром како член на ЗЕЛС;

7. Предлог-Одлука за доделување спонзорство на кошаркарскиот клуб „МЗТ Скопје Аеродром“;

8. Предлог-Одлука за формирање Комисија за изработка на програма за работа на Советот на Општина Аеродром за 2009 година;

9. Предлог-Одлука за распределба на блок дотација наменета за основните училишта на територија на Општина Аеродром за 2010 година;

10. Предлог-Одлука за доделување финансиска помош-донација на Бигорскиот манастир „Св. Јован Крстител“;

11. Предлог-Одлука за давање согласност за потпишување Анекс на договор за регулирање дополнителни непредвидени работи помеѓу Општина Аеродром и ангажиран изведувач;

12. Предлог-Одлука за давање согласност на Договор за закуп на деловен простор, помеѓу Општина Аеродром и Друштво за телекомуникациски инженеринг, софтвер, трговија и услуги КЕЈБЛТЕЛ ДООЕЛ Скопје;

13. Предлог-Одлука за давање согласност на Договор за спонзорство, помеѓу Општина Аеродром и Друштво за телекомуникациски инженеринг, софтвер, трговија и услуги КЕЈБЛТЕЛ ДООЕЛ Скопје;

14. Предлог-Одлука за давање согласност за склучување Спогодба за напуштање на деловен објект, помеѓу Општина Аеродром и Друштво за сметководствени и агенциски услуги УКИНОТ ДОО;

15. Предлог-Одлука за давање согласност за склучување Спогодба за напуштање на деловен објект, помеѓу Општина Аеродром и приватна здравствена организација Стоматолошка организација д-р Трпески.

24.11.2009

Општина Аеродром

Градоначалникот на Општина Аеродром, Ивица Коневски и заменик -министерот за труд и социјална политика, Спиро Ристовски утре, 25.11.2009 година (среда), во 12:30 часот во населбата Реонски центар „Аеродром“ ќе постават камен-темелник на нова детска градинка.

На поставувањето на камен-темелникот, кој ќе биде осветен од страна на свештени лица на Македонската православна црква, се очекува да присуствува и претседателот на Владата на Република Македонија, Никола Груевски.

Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да го проследат настанот.

24.11.2009

Општина Аеродром

ПОКАНА ЗА ВТОРАТА ФОРУМСКА СЕСИЈА ВО ОПШТИНА АЕРОДРОМ

На 25-ти ноември 2009 година (среда), во холот на основното училиште „Ѓорѓија Пулевски“ во Општина Аеродром со почеток во 18:30 часот ќе се одржи втората форумска сесија во рамките на програмата „Форуми во заедницата”.

Тема на форумот ќе биде „Подобрување на инфраструктурните услови во основните училишта и во градинките во Општина Аеродром”, која беше избрана од граѓаните на првата форумска сесија што се одржа минатиот месец.

Форумот е отворен за сите граѓани на Општина Аеродром со наполнети 16 години, кои имаат желба да се вклучат и да даваат идеи и предлози околу подобрување на условите во училиштата и во градинките.

Според предложените идеи од страна на граѓаните, во наредните сесии ќе се изработуваат конкретни проекти од кои дел, подоцна ќе се спроведат и ќе се финансираат со средства од Општината Аеродром и од Швајцарската агенција за соработка и развој.

Општина Аеродром ги поканува и електронските и печатените медиуми да испратат новинарска екипа (новинар и снимател, односно фоторепортер) да го проследи настанот, во кој им се овозможува на самите граѓани делумно да раководат со својата општина и да придонесат да се реши некој проблем во неа.

23.11.2009

Општина Аеродром

„Од денес со заедничка инвестиција на Општина Аеродром, Град Скопје и Министерството за транспорт и врски почнува изградбата на препумпна станица за прифаќање фекални води од населбите Горно Лисиче, населба Лисиче, Ново Лисиче, Аеродром, како и населбата 11 Октомври од Општина Кисела Вода“, изјави градоначалникот на Општина Аеродром, Ивица Коневски на свеченото поставување камен-темелник на новата препумпна станица во Горно Лисиче.

На поставувањето на камен-темелникот, кој беше осветен од страна на свештени лица на Македонската православна црква, присуствуваа и министерот за транспорт и врски, Миле Јанакиески и градоначалникот на Град Скопје, Коце Трајановски.

Градоначалникот Коневски додаде дека со изградбата на препумпната станица ќе им се стави крај на проблемите на над 10.000 семејства што гравитираат во овие населби и конечно ќе можат да ги пратат септичките јами во историјата.

Градоначалникот Трајановски, пак, рече дека овој проект е од исклучително значење за Градот Скопје и за Општина Аеродром од еколошки аспект, бидејќи ќе придонесе да се отстранат септичките јами, но исто така и од економски аспект, зашто граѓаните секој месец се изложени на големи трошоци за чистење на септичките јами.

„Ова е голем ден за нас, бидејќи по 40-50 години конечно почна да се гради канализација и да се фрлаат од употреба септичките јами што ги имаме во дворовите. Живеам на два километри од тука и секои два месеци морам да ја чистам јамата што не доликува на 21 век„, изјави Марјан Јаковчевски, жител на Горно Лисиче.

Капацитетот на препумпната станица е 1.450 литри во секунда, со длабочина на испумпување од 7 метри. Таа ги исполнува сите еколошки услови и ќе служи за подигнување на фекалните отпадни води од нискиот колектор на десниот брег на реката Вардар, чија изградба е при крај, во транзитниот основен колектор. На тој начин ќе се овозможи постојано препумпување без да се задржуваат отпадните води, кои предизвикуваат распаѓање на органските материи во водата.

Инаку, изведувач на работите е фирмата „Декатам“, технички надзор во текот на целата изведба ќе вршат стручните служби на ЈП Водовод и канализација, а стручен надзор фирмата „Балкан консалтинг“ што ја ангажираше Општина Аеродром. Откако ќе заврши изградбата на препумпната станица ќе се изврши примопредавање на ЈП Водовод и канализација, кои ќе бидат задолжени за нејзино одржување.

Доколку дозволат временските услови, се очекува изградбата на препумпната станица да заврши до крајот на годинава.

19.11.2009

Општина Аеродром

Градоначалникот на Општина Аеродром, Ивица Коневски, заедно со министерот за транспорт и врски, Миле Јанакиески и градоначалникот на Град Скопје, Коце Трајановски утре, 19.11.2009 година (четврток) во 12:00 часот покрај Усјанскиот канал во близина на реката Вардар, ќе го постават камен-темелникот на новата препумпна станица во Горно Лисиче.

Камен-темелникот ќе биде осветен од страна на свештени лица на Македонската православна црква.

Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да го проследат настанот.

18.11.2009

Општина Аеродром

Денеска во ОУ „Ѓорѓија Пулевски“

Денеска со почеток во 17:30 часот во просториите на основното училиште „Ѓорѓија Пулевски“ во Општина Аеродром, ќе се одржи јавна анкета за Нацртот на Деталниот урбанистички план за локалитетот ЈАНЕ САНДАНСКИ Урбана единица В.

За време на јавната презентација граѓаните ќе можат на претставниците од Општина Аеродром и на другите стручни лица да им поставуваат прашања во врска со ДУП-от.

Инаку, нацртот на Деталниот урбанистички план за локалитетот ЈАНЕ САНДАНСКИ Урбана единица В опфаќа простор со површина од 15,5 хектари и со него се предвидени површини за градба на станбени згради, за образование и наука, комерцијални и деловни објекти, гаражна куќа, како и зеленило и рекреација.

Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да ја проследат јавната презентација.

18.11.2009

Општина Аеродром

Општина Аеродром ја поддржа традиционалната еколошка манифестација за денот на дрвото „Засади ја својата иднина“ што се одржа на 13.11.2009 година на тој начин што и самата масовно и активно се вклучи во акцијата.

За што поуспешна реализација на акцијата учествуваше дел од општинската администрација заедно со градоначалникот Ивица Коневски, учениците и наставниот кадар од основните училишта во Општина Аеродром, кои садеа дрвца во дворот на училиштето и околината, како и децата од градинките, потоа сезонските работници, а своја поддршка дадоа и повеќе фирми што гравитираат на нејзината територија, меѓу кои „Лукоил„ и „Уан“.

За бројните жители на Општина Аеродром имаше обезбедено организиран бесплатен превоз на два главни пункта, од каде што граѓаните беа пренесувани за да се вклучат во пошумувањето на Ајватовски рид и Мршевци.

Околу 1.000 дрвја што беа насадени во парковите, во основните училишта и во детските градинки во Општина Аеродром ги донираше подружницата „Караџица“ на јавното претпријатие Македонски шуми.

Целта на акцијата беше да се крене еколошката свест на граѓаните на повисоко ниво и сите заедно да создадеме подобар и поздрав амбиент за живеење.

Инаку, Општина Аеродром се грижи за животната средина не само еден ден во годината, туку преку целата година организирајќи разни активности поврзани со екологијата и заштитата на животната средина.

16.11.2009

Општина Аеродром

Почетокот на изградбата на фудбалското игралиште е резултат на напорната работа и на добрата соработка меѓу Општина Аеродром, Владата на Република Македонија и Агенцијата за млади и спорт.

Ова го изјави градоначалникот на Општина Аеродром, Ивица Коневски, на денешното (12.11.2009 година) поставување камен-темелник на ново фудбалско игралиште во населбата Реонски центар „Аеродром“, заблагодарувајќи се на Владата на Република Македонија за несебичната поддршка што ја дава за развој на Општина Аеродром, како и на Агенцијата за млади и спорт, која учествува во изградбата на голем број содржини за спорт и рекреација во Општина Аеродром.

Станува збор за изградба на фудбалско игралиште во Реонски центар „Аеродром“, во рамки на владиниот проект „50 фудбалски игралишта“. Игралиштето со димензии 120 метри должина и 85 метри широчина и со монтажна трибина за околу 700 гледачи, ќе биде наменето за организирање спортски натпревари, за тренинзи на фудбалски екипи, но и за спорт и рекреација за граѓаните.

Директорот на Агенцијата за млади и спорт, Драган Ѓурчевски изрази надеж дека фудбалското игралиште во Реонскиот центар ќе биде место на кое ќе се раѓаат идните врвни спортисти и идните македонски репрезентативци, со кои ќе се гордее Република Македонија, а најмногу Општина Аеродром.

На поставувањето на камен-темелникот, кој беше осветен од страна на свештени лица на Македонската православна црква, присуствуваше и претседателот на Владата на Република Македонија, Никола Груевски.

Премиерот Груевски порача дека „ако сакаме да градиме здрави поколенија, млади кои ќе растат со спортот и ќе се развиваат според принципите на спортот, млади кои ќе бидат оттргнати од пороците на современото живеење, ние мораме да градиме вакви спортски објекти“.

12.11.2009

Општина Аеродром

Градоначалникот на Општина Аеродром, Ивица Коневски и директорот на Агенцијата за млади и спорт, Драган Ѓурчевски утре, 12.11.2009 година (четврток), во 11:00 часот во населбата Реонски центар „Аеродром“ ќе постават камен-темелник на ново фудбалско игралиште.

На поставувањето на камен-темелникот, кој ќе биде осветен од страна на свештени лица на Македонската православна црква, се очекува да присуствува и премиерот Никола Груевски.

Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да го проследат настанот.

11.11.2009

Општина Аеродром

За Денот на дрвото

По повод „Ден на дрвото“ на 13.11.2009 година (петок), за граѓаните на Општина Аеродром, кои сакаат да се вклучат во акцијата „Засади ја својата иднина“, јавното сообраќајно претпријатие „Скопје“ обезбеди организиран превоз.

Автобусите ќе тргнуваат од два пункта и тоа кај ортопедската клиника, позната како „Мајчин дом“ и кај поштата во населбата Ново Лисиче. Организираниот превоз на граѓаните од двата пункта ќе стартува во 08:00 часот и ќе ротира на секои 2 часа. Во секоја тура ќе тргнуваат по три автобуси.

Во акцијата на садење дрвца, која ќе се одвива на локациите Мршевци и Ајватовски рид покрај граѓаните, ќе се приклучат и градоначалникот на Општина Аеродром, Ивица Коневски, вработените во општинската администрација, како и ученици од основните и од средните училишта на територијата на општината.

Учениците од основните училишта ќе поаѓаат во 12:00 часот, додека учениците од средните училишта кои одат во прва смена ќе тргнуваат во 08:00 часот, а пак, втората смена ќе тргнува во 10:00 часот.

Како што порачуваат организаторите, за правилно садење на шумските дрвца граѓаните треба да знаат дека садницата треба правилно да се стави и да се зацврсти во почвата. Притоа, коренот треба да ја задржи својата природна форма, да не се тутка или кине. Коренот не треба да се засади предлабоко или многу плитко, поточно гранките и игличките да не се затрупуваат, ниту пак корените да излегуваат над земјата. На крај, земјата околу садницата треба да се нагази темелно.

Единствената цел на оваа акција е сите заедно да создадеме подобар и поздрав амбиент за живеење на сите граѓани во Република Македонија!

Општина Аеродром ги повикува граѓаните активно да се вклучат во акцијата „Ден на дрвото“, со цел да се добие масовност и да се насадат што повеќе дрвца.

11.11.2009

Општина Аеродром

По повод „13 Ноември“

По повод „13 Ноември“ - Денот на ослободувањето на Град Скопје, на 13.11.2009 година (петок), Општина Аеродром ќе се вклучи во активностите што ги организира Град Скопје за одбележување на празникот.

Делегација од Општина Аеродром ќе положи свежо цвеќе на споменикот на ослободителите на Скопје пред Владата на Република Македонија.

11.11.2009

Општина Аеродром

Утре, 11.11.2009 година (среда), со почеток во 16:30 часот во просториите на Општина Аеродром ќе се одржи седумнаесеттата седница на Советот на Општина Аеродром.

На дневниот ред на седницата се следните точки:

1. Предлог-Одлука за давање согласност на Договор за инвестирање во изградба на фубалско игралиште во Општина Аеродром, помеѓу Општина Аеродром и Агенцијата за млади и спорт на РМ;

2. Предлог-Одлука за формирање Комисија за спроведување постапка за утврдување реони на основните училишта на подрачјето на Општина Аеродром;

3. Предлог-Одлука за исплата на парична помош по основ на пристигнати барања на отпремнина за пензионирање и смртен случај на член на потесното семејство;

4. Предлог-Одлука за вршење градежни зафати на тераси, балкони и лоѓии, заради пофункционално искористување на просторот;

5. Предлог-Заклучок за усвојување Информација за имплементација на Националната платформа за намалување на ризици од несреќи и катастрофи на РМ на локално и регионално ниво;

6. Предлог-Програма за соработка со здруженија на граѓани и други невладини организации со седиште во Општина Аеродром;

7. Предлог-Заклучок за усвојување Квартален извештај за извршување на Буџетот на Општина Аеродром за третиот квартал од 2009 година.

10.11.2009

Општина Аеродром

Во рок од 10 работни дена, поточно од 12-ти до 26-ти ноември 2009 година секој работен ден од 12:00 до 19:00 часот во ОУ „Ѓорѓија Пулевски“ ќе се одржи јавна анкета за Нацртот на Деталниот урбанистички план за локалитетот ЈАНЕ САНДАНСКИ Урбана единица В.

За сето време, овој ДУП ќе биде изложен во просториите на основното училиште и за време на јавната анкета граѓаните ќе можат да ги изнесуваат своите забелешки преку анкетни листови.

Анкетните листови за учество во јавната анкета може да се добијат во просториите на училиштето, кај надлежното лице. Во определениот рок заинтересираните правни и физички лица од конкретното подрачје можат да достават писмени забелешки, предлози и мислења на анкетните листови. Пополнувањето на анкетните листови се врши лично, при што граѓаните треба да покажат документ за идентификација.

Во текот на јавната анкета во училиштето ќе има претставници од Општина Аеродром и други стручни лица, од кои граѓаните ќе можат да добијат подетални информации во врска со ДУП-от. Јавната презентација ќе се одржи на 18.11.2009 година (среда) со почеток во 17:30 часот во просториите на основното училиште „Ѓорѓија Пулевски“ во Општина Аеродром.

Инаку, Нацртот на Деталниот урбанистички план за локалитетот ЈАНЕ САНДАНСКИ Урбана единица В опфаќа простор со површина од 15,5 хектари и со него се предвидени површини за градба на станбени згради, за образование и наука, комерцијални и деловни објекти, гаражна куќа, како и зеленило и рекреација.

9.11.2009

Општина Аеродром

ЕКИПИТЕ НА ОУ „ЃОРЃИЈА ПУЛЕВСКИ“ ПОБЕДНИЦИ НА КВИЗОТ ЗА ПРОТИВПОЖАРНА ЗАШТИТА

Деновиве во просториите на ОУ „Љубен Лапе“, во организација на Противпожарниот сојуз на Општина Аеродром, се одржа квиз натпревар за противпожарна заштита за учениците од основните училишта на нејзината територија.

На натпреварот најмногу знаење покажа екипата на ОУ „Ѓорѓија Пулевски“, која го освои првото место. Втора беше екипата на училиштето домаќин ОУ „Љубен Лапе“, а екипата на ОУ „Гоце Делчев“ се пласираше на третото место.

Првонаграденото училиште ќе продолжи да се натпреварува на градско ниво со победниците од другите општини.

Противпожарните квиз натпревари се организираат со цел да се подигне противпожарната култура и знаење кај учениците и младината, а преку нив непосредно да се влијае и врз родителите.

Противпожарниот сојуз „Аеродром” поркај квиз-натпреварите, подготвува противпожарни предавања и практи­чни часови што опфаќаат употреба на противпожарна опрема и локализа­ција на почетни пожари, како и ли­ко­вни и литера­тур­ни творби од оваа област.

06.11.2009

Општина Аеродром

„Општина Аеродром има учествувано на повеќе повици за испраќање проекти и како резултат на таа активност досега има реализирано над 20 проекти во соработка со домашни и странски донатори. Меѓу нив позначајни се проектите кои ги реализиравме во соработка со Холандската амбасада, УСАИД, ГТЗ, УНДП, ОБСЕ и други“.

Ова го изјави градоначалникот на Општина Аеродром, Ивица Коневски, на денешната трибина (6.11.2009 година) „Одиме локално“ што се одржа во ОУ „Лазо Ангеловски“, на која учествуваа и министерот за локална самоуправа, Муса Џафери, холандската амбасадорка, Симоне Филипини, како и директорите на основните училишта и градинките во општината, невладини организации и граѓани.

Тој додаде дека ваквите проекти се убаво искуство и добра подготовка за понатамошно искористување на структурните фондови на Европската унија, во кои ќе учествува Општина Аеродром заедно со други општини.

„Европската унија е пред сè унија на граѓаните, со тоа и унија на општините. Неопходно е да се воспостави отворена соработка и партнерство меѓу централната, локалната власт и граѓаните, како и градење заеднички став околу процесот на интеграција на Република Македонија во Европската унија, бидејќи влезот во европското семејство значи целосна поддршка и посигурен живот за граѓаните“, изјави амбасадорката Филипини.

Министерот за локална самоуправа, Муса Џафери пак, истакна дека Општина Аеродром досега се покажа како успешна општина преку реализација на голем број проекти во интерес на граѓаните, поради што заслужува целосна поддршка. Тој потенцираше дека оваа трибина е од големо значење не само за Општината, туку и за Република Македонија како иден член на Европската унија.

На трибината, меѓу другото, се дебатираше околу прашања од интерес на граѓаните, перспективата на младите и соработката со невладиниот сектор, можноста за користење средства од ИПА фондовите, визниот режим, придобивките од членството во ЕУ и слично. На овие и други прашања одговори даде претставничката на владиниот сектор за евроинтеграции, Љупка Сиљаноска.

Проектот „Одиме локално“ е една од активностите во рамки на Стратегијата за информирање и комуникација со јавноста во процесот на пристапување на Република Македонија во Европската унија, што ја спроведува Министерството за локална самоуправа.

6.11.2009

Општина Аеродром

Во рамки на проектот „Одиме локално“

Утре, 6.11.2009 година, со почеток во 11:00 часот во ОУ „Лазо Ангеловски“ ќе се одржи трибина за најновите трендови и активности на Општина Аеродром во рамки на процесот на европската интеграција.

На трибината, покрај градоначалникот на Општина Аеродром, Ивица Коневски, ќе учествуваат и министерот за локална самоуправа, Муса Џафери, амбасадорката на Кралството Холандија, Симоне Филипини, заменик-претседателот на Владата за европски прашања, Васко Наумовски, како и директорите на основните училишта и градинките во општината, невладини организации и граѓани.

На трибината ќе се дебатира околу прашања од интетрес на граѓаните, перспективата на младите и соработката со невладиниот сектор, можноста за користење средства од ИПА фондовите, визниот режим, придобивките од членството во ЕУ и слично.

Проектот „Одиме локално“ е една од активностите во рамки на Стратегијата за информирање и комуникација со јавноста во процесот на пристапување на Република Македонија во Европската унија, што ја спроведува Министерството за локална самоуправа.

Активностите на проектот се насочени кон градење отворена соработка и партнерство меѓу централната и локалната власт, како и градење заеднички став околу приоритетите и целите на севкупното работење, меѓу кои клучен национален приоритет е процесот на интеграција на Република Македонија во ЕУ.

Ги покануваме редакциите на пишаните и на електронските медиуми да испратат новинарска екипа (новинар и снимател или фоторепортер) да ја проследат трибината.

5.11.2009

Општина Аеродром

Изминатиот викенд (31.10.2009 година) во спортската сала на ОУ „Наум Наумовски - Борче“ во Општина Гази Баба, се одржа меѓуопштински турнир во мал фудбал.

На турнирот Општина Аеродром го освои третото место, додека Општина Гази Баба се пласираше на второто место. Најмногу голови пак, постигна екипата на Град Скопје, која го освои првото место.

Организатор на турнирот во мал фудбал беше Општина Гази Баба, а учествуваа шест екипи составени од вработени во администрацијата и  од членовите на Советите на дел од скопските општини.

Пехарите за освоените места ги додели градоначалникот на Општина Гази Баба, Тони Трајковски, а натпреварите ги следеше и градоначалникот на Град Скопје, Коце Трајановски.

5.11.2009

Општина Аеродром

ОУ „ЛАЗО АНГЕЛОВСКИ“ ГО ПРОСЛАВИ 21-ОТ РОДЕНДЕН

Со богата програма од музички и литературни точки, изведени од учениците од прво до осмо одделение, ОУ „Лазо Ангеловски“ го прослави својот дваесет и први роденден.

На свеченоста учениците, подготвени од своите наставници, одржаа богата приредба со различни музички точки, модерен балет, рецитирање и уметничко читање.

Холот на училиштето беше претесен да ги собере сите посетители, кои дојдоа да ги видат настапите на своите најмили.

4.11.2009

Општина Аеродром

УТРЕ 16-ТА СЕДНИЦА НА СОВЕТОТ НА ОПШТИНА АЕРОДРОМ

Утре, 4.11.2009 година (среда), со почеток во 16:30 часот во просториите на Општина Аеродром ќе се одржи шестнаесеттата седница на Советот на Општина Аеродром.

На дневниот ред на седницата се следните точки:

1. Советнички прашања;

2. Предлог-Одлука за користење службени мобилни телефони од страна на членовите на Советот на Општина Аеродром;

3. Предлог-Правилник за користење службени мобилни телефони од страна на вработените во општинската администрација на Општина Аеродром;

4. Предлог-Одлука за давање согласност за продолжување Договор за одржување интегриран систем за финансиски менаџмент во Општина Аеродром;

5. Предлог-Одлука за давање согласност на Меморандум за соработка помеѓу Општина Аеродром и Град Скопје за изградба на градежен дел-колектори за изведба на препумпна станица во Горно Лисиче;

6. Предлог-Одлука за давање согласност на Договор за заедничка изградба на препумпна станица во населба Горно Лисиче, помеѓу Општина Аеродром и Град Скопје;

7. Предлог-Одлука за давање согласност на Договор за заедничка изградба и реконструкција на улици и тротоари во населба Мичурин, помеѓу Општина Аеродром и Град Скопје;

8. Предлог-Програма за измена и дополнување на Програма Ф – Урбанистичко планирање и уредување на подрачјето на Општина Аеродром за 2009 година;

9. Предлог-Програма за измена и дополнување на Програма Ј – Комунални дејности на подрачјето на Општина Аеродром за 2009 година;

10. Предлог-Одлука за одржување јавна чистота на подрачјето на Општина Аеродром;

11. Предлог-Заклучок за усвојување Годишен извештај за работа на ЈДГОА „Срничка“ за 2008/2009 година

12. Предлог-Заклучок за усвојување Годишна програма за работа на ЈДГОА „Срничка“ за 2009/2010 година.

3.11.2009

Општина Аеродром

Општина Аеродром го испечати последното издание за оваа година, поточно триесет и првиот (31) број на весникот „АЕРОДРОМ“.

Во овој двоброј за ноември и декември, издаден на 32 колорни страници, покрај содржините со актуелна тематика и проблеми што го засегаат локалниот живот во Општината, има и текстови од различни области интересни за секоја возраст и сечиј вкус.

Новиот број на весникот „АЕРОДРОМ“ може да се прочита и на општинската веб-страница: www.aerodrom.gov.mk во рубриката „ВЕСНИК“.

Граѓаните можат да ги изнесуваат своите предлози, критики и совети на телефоните и на адресата од седиштето на Општината.

Весникот се печати во тираж од 30.000 примероци и бесплатно се доставува до секој дом на жителите во Општина Аеродром. Весникот, исто така, може да се добие и во седиштето на Општината, се разбира бесплатно.

Следниот број на весникот „Аеродром“ ќе излезе на 1-ви јануари 2010 година.

Општина Аеродром

2.11.2009

Во рок од 10 работни дена, поточно од 2 до 13 ноември 2009 година секој работен ден од 12:00 до 19:00 часот во ОУ „Блаже Конески“ ќе се одржи јавна анкета за Нацртот на Деталниот урбанистички план за локалитетот ИНДУСТРИСКА ЗОНА урбана единица А.

За сето тоа време овој ДУП ќе биде изложен во просториите на основното училиште и за време на јавната анкета граѓаните ќе можат да ги изнесуваат своите забелешки преку анкетни листови.

Анкетните листови за учество во јавната анкета може да се добијат во просториите на училиштето, кај надлежното лице. Во определениот рок заинтересираните правни и физички лица од конкретното подрачје можат да достават писмени забелешки, предлози и мислења на анкетните листови. Пополнувањето на анкетните листови се врши лично, при што граѓаните треба да покажат документ за идентификација.

Во текот на јавната анкета во училиштето ќе има претставници од Општина Аеродром и други стручни лица, од кои граѓаните ќе можат да добијат подетални информации во врска со ДУП-от. Јавната презентација ќе се одржи на 4.11.2009 година (среда) со почеток во 17:30 часот во просториите на основното училиште „Блаже Конески“ во Општина Аеродром.

Инаку, Нацртот на Деталниот урбанистички план за локалитетот ИНДУСТРИСКА ЗОНА урбана единица А опфаќа простор со површина од 19,53 хектари и со него се предвидени површини, меѓу другото, за семејно домување во станбени куќи, за образование и наука, комерцијални и деловни објекти, производство, дистрибуција и сервиси, како и зеленило и рекреација.

30.10.2009

Општина Аеродром

29.10.2009

Општина Аеродром

ПОКАНА ЗА ПРВАТА ФОРУМСКА СЕСИЈА ОД ПРОГРАМАТА „ФОРУМИ ВО ЗАЕДНИЦАТА“

Утре, 28.10.2009 година во холот на основното училиште „Ѓорѓија Пулевски“ во Општина Аеродром со почеток во 18:30 часот ќе се одржи првата форумска сесија во рамки на програмата „Форуми во заедницата”.

За време на форумската сесија ќе присуствува и градоначалникот на Општина Аеродром, Ивица Коневски.

Стручни лица од Општината ќе образложат повеќе теми пред жителите за потоа тие со непосредно гласање да изберат еден предлог. Откако ќе се дефинира темата во наредните сесии ќе се разработуваат проекти, од кои пак, ќе се избере најдобриот според жителите-учесници на форумот.

Форумот е отворен за сите граѓани со наполнети 16 години. Затоа, ги покануваме жителите на Општина Аеродром да ја искористат оваа можност и самите да одлучат каде и како ќе се користат нивните пари.

Општина Аеродром ги поканува и електронските и печатените медиуми да испратат новинарска екипа (новинар и снимател, односно фоторепортер) да го проследи настанот, во кој им се овозможува на самите граѓани делумно да раководат со својата општина и да придонесат да се реши некој проблем во неа.

27.10.2009

Општина Аеродром

ЛИЦАТА ШТО НЕЛЕГАЛНО ПРОДАВААТ ПРОИЗВОДИ БЕА НА РАЗГОВОР КАЈ ГРАДОНАЧАЛНИКОТ

Општина Аеродром е подготвена да го реши проблемот со пазарџиите, но во овој момент нема законски можности за изградба на пазар меѓу поликлиниката Јане Сандански и црквата „Свети Пророк Илија“, бидејќи во ДУП-от на таа локација нема предвидено пазар.

Ова го изјави градоначалникот на Општина Аеродром, Ивица Коневски, на денешната средба со лицата што нелегално продаваат производи, на нивно барање.

На средбата тој на пазарџиите им објасни дека има разбирање за нивниот проблем и дека Општина Аеродром досега не реагираше на нелегалната продажба на отворено и таа се толерираше од хумани причини, бидејќи е свесна дека тоа за нив претставува егзистенција.

Но, доколку санитарната и пазарната инспекција преземат мерки против оваа појава, Општина Аеродром нема ингеренции да ги спречи и нема право да им се меша во надлежностите.

Сепак, за оние продавачи кои пред две години платиле за тезги што тогаш се планирало да се градат без донесен ДУП, Општина Аеродром почна да ги враќа уплатените средства.

Доколку има уште некој што не ги подигнал уплатените средства, градоначалникот Коневски ги повикува да дојдат во Општината да си ги подигнат.

Инаку, како долгорочно решение градоначалникот Коневски најави дека Општината ќе преземе мерки да се испланира зелен пазар во деталните урбанистички планови на локации каде што тоа го дозволуваат техничките услови.

Засега во општината постојат и функционираат два зелени пазари – зад ТЦ „Бисер“ и во ТЦ „Скопјанка“.

26.10.2009

Општина Аеродром

Општина Аеродром ги поканува сите заинтересирани лица да ја проследат првата форумска сесија во рамките на програмата „Форуми во заедницата”, која ќе се одржи на 28 октомври 2009 година во холот на основното училиште „Ѓорѓија Пулевски”, со почеток во 18.30 часот.

Програмата „Форуми во заедницата” годинава се одржува во вкупно 12 општини во Македонија, ја финансира Швајцарската агенција за соработка и развој (СДЦ), а нејзин спроведувач во Општината Аеродром е Македонскиот центар за меѓународна соработка (МЦМС). Нејзиниот вкупен буџет е 6.600.000 денари, од кои 4.000.000 се обезбедени од СДЦ, 2.000.000 од Општина Аеродром и 600.000 се придонес на носителите на проектот.

Со програмата „Форуми во заедницата” им се дава можност на самите граѓани да донесат одлуки за да се решат некои комунални прашања во нивната непосредна околина, несоодветни услови за образование, слаба инфраструктура, загадување на животната средина и слични проблеми. Низ седум форумски сесии, по една секој месец, тие ќе треба да изработат конкретни проекти и на крајот да изберат еден што ќе се реализира и ќе се финансира со парите предвидени во буџетот на програмата „Форуми во заедницата”.

На првата сесија жителите на Општина Аеродром ќе треба да изберат една од трите предложени теми на форумот, односно:

- Урбан развој на Општина Аеродром,

- Инфраструктурно подобрување на условите за работа во основните училишта и во градинките на Општина Аеродром и

- Покривање на територијата на општината Аеродром со водоводна и со канализациска мрежа.

Стручни лица од локалната самоуправа претходно ќе им ги образложат темите на жителите, за тие да можат полесно да го направат својот избор и со непосредно гласање да одберат еден предлог. Откако ќе се дефинира темата, во наредните сесии ќе се разработуваат проекти во нејзините рамки, за на крајот да се избере еден од нив.

Форумот е отворен за сите граѓани со наполнети 16 години. Затоа, ги покануваме жителите на Општина Аеродром да ја искористат оваа можност и самите да одлучат каде и како ќе се користат нивните пари.

Општина Аеродром ги поканува и електрониските и печатените медиуми да го проследат настанот, во кој им се овозможува на самите граѓани делумно да раководат со својата општина и да придонесат да се реши некој проблем во неа.

21.10.2009

Општина Аеродром

Општина Аеродром, Град Скопје и ЈП „Улици и патишта“ неодамна потпишаа Протокол за соработка, со кој се договорија да се санираат сите ударни дупки на територијата на општината и да се реконструираат дел од улиците.

Во тек е санирање на ударните дупки на повеке локации и тоа на улиците и паркинзите на „Владимир Комаров“, „Бојмија“, „Пандил Шишков“, „Ангел Димовски“, „Васил Карангелески“, сервисните улици на булеварите „Јане Сандански“,„Видое Смилевски-Бато“ и „АВНОЈ“, како и паркинг улиците во населбата 13 Ноември.

Со поплнувањето на овие дупки ќе бидат опфатени околу 2.000 квадратни метри.

Што се однесува до асфалтирањето, станува збор за улиците „Горноврановска“ (4.250 квадратни метри), „Божин Николов“ (2.000 квадратни метри), „Божидар Рајковиќ“ (1.500 квадратни метри) и „Ѓорѓи Капчев“ (1.500 квадратни метри).

На овие четири улици, на кои во моментов се изведуваат градежни активности за реконструкција на водоводната мрежа, ќе бидат асфалтирани вкупно 9.250 квадратни метри површина.

Според протоколот, трошоците за санирање на дупките и асфалтирање на улиците ќе ги делат по половина Општината и јавното претпријаие.

21.10.2009

Општина Аеродром

По повод недела на гладните (од 16 до 23 октомври) и светскиот ден за борба против гладта, децата од градинката „Чекорче“ во Општина Аеродром, денеска, 21.10.2009 година, во просториите на Црвениот крст донираа стара облека, обувки, постелнина и играчки.

За време на посетата, децата се запознаа со работата на Црвениот крст и учеа како да бидат хумани и да помагаат.

Екипите на Црвениот крст се заблагодарија на хуманоста на децата и ги наградија со по едно ранче, четка за заби, беџ и ленирче.

21.10.2009

Општина Аеродром

Претставници од Општина Аеродром заедно со претставници од Проектот за основно образование на УСАИД, како и од американската амбасада денеска, 20.10.2009 година, свечено го пуштија во употреба новиот кабинет по роботика во основното училиште „Лазо Ангеловски“.

Во новиот кабинет учениците од осмите одделениија, кои беа поделени во четри групи – роботичари, таканаречени Alice програмери, конструктори и компјутерска автоматика, ги презентираа своите знаења и способности од областа на најновите технологии и роботиката.

По завршувањето на презентациите следуваше панел дискусија меѓу присутните претставници, учениците, наставниците и родителите.

Реновирањето и опремувањето на новата училница по техничко образование се спроведе со средства на Општина Аеродром и со донација од УСАИД.

20.10.2009

Општина Аеродром

Под мотото „Оставете го автомобилот дома и движете се!“ утре, 21.10.2009 година, во 11:30 часот пред супермаркетот „Веро“ во Општина Аеродром стартува промотивното возење велосипеди на новата велосипедска патека покрај булеварот „Јане Сандански“ до железничката станица и назад до ТЦ „Бисер“.

Според агендата за свечено пуштање во употреба на велосипедската патека, промотивната маршрута ќе ја извозат министерот за животна средина, и просторно планирање, Неџати Јакупи, холандската амбасадорка Симоне Филипини и градоначалниците на Град Скопје и на Општина Аеродром, Коце Трајановски и Ивица Коневски, на кои ќе им се прдидружат и ученици од основните училишта во Општина Аеродром.

На крајот од манифестацијата на бината ќе се одржи мала свеченост со настап на училишни хорови, по што во публиката симболично ќе бидат фрлени осум (8) топки.

Најсреќните осуммина граѓани што ќе ги фатат топките ќе добијат на подарок по еден велосипед.

Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да го проследат настанот.

20.10.2009

Општина Аеродром

Градоначалникот на Општина Аеродром, Ивица Коневски и претставници од Проектот за основно образование на УСАИД денеска, 20.10.2009 година, со свечено сечење лента официјално го означија крајот на реконструкцијата на покривот на зградата на ОУ „Гоце Делчев“ во Горно Лисиче.

„На заемно задоволство и со заедничка инвестиција на Општина Аеродром и на американската организација УСАИД е изграден новиот покрив на училиштето, кој ги замени старите штетни азбестни плочи“, изјави градоначалникот Коневски.

Тој додаде дека реконструкцијата на училишниот покрив претставува дел од напорите за подобрување на условите за учење, а на тој начин и за поквалитетно образование на децата, кои се секогаш на прво место на програмата на активности и вложувања на Општина Аеродром, „бидејќи тие се нашата иднина“.

Во знак на благодарност за несебичната помош што УСАИД им ја дава на основните училишта во Општина Аеродром, како и за одличната соработка, градоначалникот Коневски му врачи благодарница на директорот на УСАИД, Кит Прентон.

„Со овој значаен проект за училиштето „Гоце Делчев“, не само што се подобруваат условите за учење, достојни за 21-от век, туку создаваме и безбедна, пријателска и атрактивна средина“, изјави директорот Прентон.

20.10.2009

Општина Аеродром

Во соработка со ПС „Аеродром“

Општина Аеродром во соработка со полициската станица „Аеродром“ деновиве почна со лепење налепници за отстранување на хаварисани и нерегистрирани моторни возила, како и на сите приколки и чамци паркирани на целата урбана територија.

Досега се залепени околу педесетина налепници во населбата Јане Сандански, односно на паркинзите зад и спроти ТЦ „Бисер“.

Сопствениците на возилата имаат рок од 15 дена од истакнувањето на известувањето сами да ги отстранат своите возила. Доколку тие не ги отстранат возилата во пропишаниот рок, тоа ќе го стори Општината.

Трошоците за возилата што ќе ги отстрани Општина Аеродром ќе бидат на сметка на сопствениците, на кои притоа ќе им биде изречена и глоба во износ од 50 евра.

Според Законот за јавна чистота (член 14) се забранува оставање нерегистрирани, хаварисани возила, приколки и камп-приколки на јавна површина.

\

20.10.2009

Општина Аеродром

Градоначалникот на Општина Аеродром, Ивица Коневски и претставници од Проектот за основно образование на УСАИД, утре, 20.10.2009 година, во 13:00 часот со свечено сечење лента официјално ќе го означат крајот на реконструкцијата на покривот на зградата на ОУ „Гоце Делчев“ во Горно Лисиче, по што ќе следува мал коктел.

Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да го проследат настанот.

Доколу има заинтересирани новинари, обезбеден е превоз од Општината до училиштето. Тргнувањето е во 12:30 часот, а заинтересираните може да се пријават на телефонот 2401 516.

19.10.2009

Општина Аеродром

Утре, 20.10.2009 година (вторник), со почеток во 16:30 часот во просториите на Општина Аеродром ќе се одржи петнаесеттата седница на Советот на Општина Аеродром.

На дневниот ред на седницата се следните точки:

1. Предлог-Одлука за измена и дополнување на Буџетот на Општина Аеродром за 2009 година;

2. Предлог-Одлука за давање согласност на Договор за засновање право на долготраен закуп на градежно земјиште со непосредна спогодба, помеѓу Општина Аеродром и Министерството за транспорт и врски на РМ, со намена за изградба на спортска сала;

3. Предлог-Одлука за давање согласност на Договори за засновање право на долготраен закуп на градежно земјиште со непосредна спогодба, помеѓу Општина Аеродром и Министерството за транспорт и врски на РМ со намена за изградба на тениски игралишта;

4. Предлог-Одлука за давање согласност на Договори за засновање право на долготраен закуп на градежно земјиште со непосредна спогодба, помеѓу Општина Аеродром и Министерството за транспорт и врски на РМ со намена за изградба на фудбалски игралишта;

5. Предлог-Одлука за давање согласност на Договор за засновање право на долготраен закуп на градежно земјиште со непосредна спогодба, помеѓу Општина Аеродром и Министерството за транспорт и врски на РМ со намена за изградба на препумпна станица;

6. План за имена и дополна на Планот за јавни набавки на Општина Аеродром во 2009 година;

7. Предлог-Одлука за задолжување на раководителот на Одделение за комунални работи на Општина Аеродром за потпишување на Договор за цесија помеѓу Општина Аеродром, Министерството за транспорт и врски на РМ и „Промонтинг“ Скопје;

8. Предлог-Правилник за готовинско благајничко работење во Општина Аеродром;

9. Предлог - Упатство за проток на финансиска документација во Општина Аеродром;

10. Предлог-Правилник за издатоците за службени патувања во странство во Општина Аеродром;

11. Предлог-Одлука за преземање на активности за исплата на направени трошоци за набавки на авионски билети;

12. Предлог-Одлука за измена и дополнување на Одлуката за избор на претседатели и членови на Комисиите на Советот на Општина Аеродром;

13. Предлог-Одлука за измена и дополнување на Одлуката за подигање спомен обележје на македонскиот револуционер, Јане Сандански;

14. Предлог-Одлука за измена и дополнување на Одлуката за формирање на Комисија за спроведување на постапките за експропријација на подрачјето на Општина Аеродром;

19.10.2009

Општина Аеродром

Општина Аеродром го освои второто место за енергетска ефикасност во Град Скопје на конкурсот во организација на Центарот за енергетска ефикасност на Македонија – МАЦЕФ во рамките на саемот ТЕХНОМА.

Наградата, која финансиски и технички ја покриваат Скопскиот саем и МАЦЕФ, на претставниците на Општина Аеродром им ја врачи евроамбасадорот Ерван Фуере.

Општина Аеродром второто место по енергетска ефикасност го доби за изградбата на две велосипедски патеки и поставување еколошки чешми за пиење вода, како и поради низата обуки и квизови во основните училишта, кои се спроведоа во соработка со невлдаините организации ОХО и МАЦЕФ.

Инаку, посебен дел од стратегијата на ЛЕАП, што ја изготви Општина Аеродром, е посветен токму на енергетската ефикасност.

Општина Аеродром ќе продолжи да го следи трендот за зголемување на енергетската ефикасност и заштита на животната средина.

14.10.2009

Општина Аеродром

СЕ РЕКОНСТРУИРААТ УЛИЦИТЕ „ГОРНОВРАНОВСКА“ И „БОЖИН НИКОЛОВ“ ВО ГОРНО ЛИСИЧЕ

Градоначалниците на Град Скопје и на Општина Аердором, Коце Трајановски и Ивица Коневски, денеска, 15.10.2009 година, одржаа прес-конференција по повод реконструкција на улиците „Горноврановска“ и „Божин Николов“ во Горно Лисиче.

„ Како резултат на добрата соработка меѓу Градот Скопје и Општина Аеродром деновиве интензивно се работи на реконструкција на водоводната мрежа на улиците „Горноврановска“ и „Божин Николов“ во вкупна должина од околу 4 километри“, изјави градоначалникот Трајановски.

Тој објасни дека реконструкцијата опфаќа замена на постојните цевки со поголеми профили, бидејќи постојната мрежа не ги задоволува потребите за вода на населението.

Градоначалникот Коневски најави дека по завршувањето на реконструкцијата на водоводната мрежа, ќе се пристапи кон асфалтирање на овие улици.

„Досега на улиците „Горноврановска“ и „Божин Николов“ е поставена и комплетна фекална канализација во должина од околу 750 метри со цевки со пресек фи 300 и фи 250. Откако ќе заврши реконструкцијата на овие улици, значително ќе се подобрат условите за секојдневниот живот на жителите на овој дел на општината, а самата населба конечно ќе заличи на урбана средина“, изјави градоначалникот Коневски.

15.10.2009

Општина Аеродром

ПОКАНА ЗА ПРЕС-КОНФЕРЕНЦИЈА

Градоначалниците на Град Скопје и на Општина Аердором, Коце Трајановски и Ивица Коневски, утре, 15.10.2009 година во 09:30 часот на улицата „Горноврановска“ во Горно Лисиче, ќе одржат прес-конференција по повод реконструкција на оваа сообраќајница, како и на улицата „Божин Николов“.

Ги покануваме редакциите на електронските и на печатените медиуми да испратат новинарска екипа (новинар и снимател или фоторепортер) да го последи настанот.

14.10.2009

Општина Аеродром

ОКОЛУ 50 МЛАДИ АЕРОДРОМЦИ ДАРУВАА КРВ

На иницијатива на членот на Советот на Општина Аеродром, инаку претседател на Унијата на млади сили на ВМРО-ДПМНЕ при општинскиот комитет Аеродром, Александар Стојчевски, педесетина млади аеродромци доброволно даруваа крв на 12 октомври.

Хуманитарната крводарителска акција, која траеше неколку часови во седиштето на општинскиот комитет Аеродром, ја помогнаа и екипите на Црвениот крст Кисела Вода.

Задоволството од големиот одѕив на младите беше дотолку поголемо што меѓу крводарителите имаше голем број хумани девојки.

14.10.2009

Општина Аеродром

Реакција по изјавата на Софија Куновска за зонското паркирање

ЦЕЛТА Е ДА СЕ ВОВЕДЕ РЕД НА ПАРКИНЗИТЕ

Општина Аеродром категорично ги отфрла денешните обвинувања на Софија Куновска, координатор на СДСМ во Советот на Град Скопје, дека зонско паркирање наводно се воведува со цел да се национализира земјиштето и да се соберат дополнителни средства во општинската каса.

Одлуката да се воведе зонско паркирање на места што претставуваат тесно грло во сообраќајот, напротив е донесена со единствена цел да се намали метежот и тоа на барање на дел од жителите на овие локации.

Категорично тврдиме дека единствениот интерес и цел на Општина Аеродром е да се подобрат условите за живеење, а не да се профитира од воведувањето зонско паркирање.

Во моментов зонското паркирање во Општина Аеодром е во пробна фаза и станарите во околните згради во пробниот период нема да плаќаат за паркирање на овие локации, така што не станува збор никаков профит.

За разлика од другите светски метрополи, вклучувајќи ги и оние од соседството, особено на места каде што има трговски центри, каде што паркирањето се наплаќа дури и по 5 евра од час, цената утврдена за зонско паркирање во Општина Аеродром, се разбира доколку тоа се спроведе, ќе биде најниска во светот и нема да се одрази врз буџетот на граѓаните. Таа ќе изнесува само 6,6 денари дневно за станарите и 25 денари на час за посетителите.

Оттаму, сметаме дека изјавата на госпоѓата Куновска е тенденциозна и претставува обид да се минира проектот и неговото успешно спроведување.

Затоа, јавно ја прашуваме дали таа познава светска метропола каде што паркирањето не се наплаќа и дали целта на ваквите изјави е да се задржи сообраќајниот хаос.

Во крајна линија, зонското паркирање во Општина Аеродром се уште е во фаза на адаптација, така што доколу граѓаните не бидат задоволни, како што кажаа градоначалникот на Град Скопје, Коце Трајановски и градоначалникот на Општина Аеродром, Ивица Коневски на промоцијата на пилот-проектот за зонско паркирање, проектот ќе биде повлечен.

9.10.2009

Општина Аеродром

По повод претстојниот празник 11 Октомври, денеска (петок) од 09:30 до 11:30 часот покрај кејот на реката Вардар во Општина Аеродром ќе се одржи ученички крос, на кој ќе учествуваат учениците од петто до осмо одделение од седумте основни училишта во Општината во машка и во женска конкуренција.

Целта на манифестацијата е да се анимираат учениците за нивна што поголема ангажираност во физички активности и здрав живот и да се поттикнат спортот да им стане навика.

За победниците Општина Аеродром обезбеди слатки, а за сите учесници доволно количество вода и сендвичи.

Кросот стартува од мостот „Близнак“, а целта е кај спортската сала „Јане Сандански“.

Ги покануваме редакциите на печатените и на електронските медиуми, да испратат новинарска екипа (новинар и снимател или фоторепортер) да го проследи настанот.

9.10.2009

Општина Аеродром

Градоначалникот на Општина Аеродром, Ивица Коневски, од вчера, 5.10.2009 година, престојува во Минхен, каде учествува на најпознатиот саем за инвестирање во недвижнини во светот „Експо реал 2009“.

Аеродром на саемот настапува со неколку проекти од областа на урбанизмот, откако беше избрана како најпогодна општина за инвестирање од Република Македонија од независни експерти ангажирани од ГТЗ (германска Канцеларија за техничка поддршка во Скопје), која финансиски и логистички ја помогна реализацијата на посетата.

Саемот „Експо реал 2009“, на кој и покрај економската криза се присутни околу 20.000 излагачи од 34 земји и над 45.000 посетители од целиот свет, делегацијата од Општина Аеродром го искористи покрај презетацијата на атрактивните проекти, да лобира кај потенцијални инвеститори во изгадба на позначајните објекти предвидени со деталните урбанистчки планови.

На првиот ден од посетата, градоначалникот Коневски веќе оствари повеќе средби со потенцијални инвеститори од Германија, Холандија, Турција и Фанција, а до крајот на саемот, кој завршува на 7-ми октомври 2009 година, се очекува да разговара и со високи претставници на познати брендови од областа на урбанизмот.

Градоначалникот Коневски, исто така, ја искористи можноста на маргините на саемот да се сретне и со некои од присутните градоначалници од поголемите европски метрополи, со цел Општина Аеродром да воспостави соработка со нив.

Во таа насока беше средбата на градоначалникот Коневски со градоначалничката на Франкфурт, Петра Рот, која ужива голема популарност во Германија.

5.10.009

Општина Аеродром

На учениците во вторите одделенија во основните училишта „Ѓорѓија Пулевски“ и „Блаже Конески“ во Општина Аеродром, деновиве стручни и обучени лица од сообраќајната полиција им држеа предавања за зголемување на безбедноста во сообраќајот.

Полицајците им објаснуваа на учениците како треба да ги поминуваат улиците, што е зебра, на која боја на семафорот да ја преминат улицата, на која страна да гледаат кога доаѓаат возила и како да се заштитат во сообраќајот.

Целта на овие предавања е да се зголеми безбедноста во сообраќајот, а пред се, едукативно да се влијае не само врз децата, туку и врз возачите, како и на сите учесници во сообраќајот.

2.10.2009

Општина Аеродром

Градоначалниците на Град Скопје и на Општина Аеродром, Коце Трајановски и Ивица Коневски денеска, 1.10.2009 година, одржаа прес-конференција, на која го промовираа проектот за зонско паркирање во дел од Општина Аеродром.

Станува збор за пилот-проект со кој се воведува зонско паркирање на локацијата зад ТЦ „Бисер“ како најтесно грло во сообраќајот.

„Ја одбравме токму оваа локација, затоа што токму тука имаме најмногу поплаки од граѓаните што живеат во непосредна близина дека не можат да најдат слободно место за паркирање. Со цел да се да се ослободат што повеќе паркинг места за граѓаните што живеат тука воведуваме зонско паркирање. На тој начин ќе се подобрат условите за паркирање во овој дел од Општина Аеродром каде што се создава сообраќаен метеж“, изјави градоначалникот Коневски.

Тој изрази надеж дека позитивниот ефект од оваа активност ќе се покаже уште првиот месец, но во случај да не го даде очекуваниот резултат и граѓаните не бидат задоволни, овој проект ќе биде повлечен.

Наредните неколку денови ќе се врши информирање и запознавање на граѓаните околу деталите за начинот на зонското паркирање и нема да се наплаќа. Откако ќе стартува проектот станарите кои живеат во непосредна близина на јавното паркиралиште во околината на ТЦ „Три бисери“, ќе имаат можност да користат привилегирани услови за паркирање.

Привилегираното паркирање се состои во тоа што секој станар ќе има можност да добие паркинг билет што ќе чини 200 денари месечно, односно 6,6 денари дневно, а за возврат ќе имаат растоварен паркинг и повеќе слободно место за паркирање.

Посетителите, пак, ќе ги користат паркинзите согласно цените за зонско паркирање и во зависност од времетраењето на паркирањето, се разбира, доколку има слободни места на посочените паркиралишта.

„Со зонското паркирање ќе им се овозможи на граѓаните да имаат во секое време каде да паркираат. На овој начин ќе се зголемат паркинг местата и ќе се воведе ред и во овој дел од Градот Скопје“, изјави скопскиот градоначалник Трајановски.

Реализацијата на проектот за воведување зонско паркирање на територијата на Општина Аеродром ќе ја врши јавното претпријатие „Градски паркинг“.

Инаку, паркинзите претставуваат државно земјиште, а станарите од околните згради се корисници, на кои им соодветствува определен број паркинг места.

Правото на користење привилегиран паркинг билет го утврдува ЈП „Градски паркинг“ - Скопје, врз основа на поднесено барање и лична карта, со која се докажува дека се станари во тој реон.

Седиштето на ЈП „Градски паркинг“ се наоѓа на улицата „Ѓуро Салај“ број 15 а Скопје. Документацијата може да се доставува секој работен ден во термините од 09:00 часот до 12:00 часот и од 15:00 часот до 17:00 часот или на факс 02/3112-040 или, пак, на е-mail адресата: infogradski@gradskiparking.com.mk.

1.10.2009

Општина Аеродром

Градоначалниците на Град Скопје и на Општина Аеродром, Коце Трајановски и Ивица Коневски утре, 1.10.2009 година, во 11:00 часот зад ТЦ „Бисер“ кај пазарчето ќе одржат прес-конференција.

Тема на прес-конференцијата е презентација и почеток на проектот за зонско паркирање во дел од Општина Аеродром.

На прес-конференцијата ќе се обратат и директорите на ЈП „Градски паркинг“, Љупчо Јованов и Панче Стојановски.

Ги покануваме редакциите да испратат новинарска екипа (новинар и снимател или фоторепортер) да ја проследат прес-конференцијата.

30.9.2009

Општина Аеродром

ОРО БЕЗ ГРАНИЦИ ВО ОПШТИНА АЕРОДРОМ

В сабота, 3.10.2009 година, со почеток во 19:00 часот на платото пред ТЦ „Бисер” ќе се одржи традиционалниот Меѓународен детски фолклорен фестивал „Оро без граници”.

На манифестацијата ќе настапат повеќе млади игроорци претставници на фолклорните ансамбли од Србија, Хрватска, Турција, Полска, Бугарија и Унгарија. Од Општина Аеродром ќе настапи КУД „Никола Јонков Вапцаров“.

Организатор на фестивалот е детскиот културен центар „Карпош“, кој секоја година традиционално го организира овој настан.

Општина Аеродром ги повикува сите љубители на фолклорот да ја проследат манифестацијата.

29.9.2009

Општина Аеродром

В ПЕТОК 14-ТА СЕДНИЦА НА СОВЕТОТ НА ОПШТИНА АЕРОДРОМ

         В петок, 2.10.2009 година, со почеток во 16:30 часот во просториите на Општина Аеродром ќе се одржи четиринаесеттата седница на Советот на Општина Аеродром.

         На дневниот ред на седницата се следните точки:

1. Предлог-Одлука за донесување Детален урбанистички план за локалитетот Ново Лисиче УЕ Г.

2. Предлог-Одлука за давање согласност на Договор за цесија помеѓу Општина Аеродром, Министерството за транспорт и врски на РМ и „Промонтинг“ Скопје.

3.Предлог-Одлука за давање согласност на Договор за цесија помеѓу Општина Аеродром, Министерството за животна средина и просторно планирање на РМ и „ГЕИНГ Кребс унд Кифер Интернешнл и др ДОО“ Скопје.

         4. Предлог-Одлука за овластување на секретарот на Општина Аеродром за користење на Visa бизнис сметка на правно лице.

         5. Предлог-Одлука за формирање Партиципативно тело на Општина Аеродром од областа на урбанизмот.

         6. Предлог- Одлука за измена и дополна на Одлуката за доделување еднократна парична помош на семејствата со новороденче на подрачјето на Општина Аеродром.

         7. Предлог-Одлука за исплата на парична помош по основ на пристигнати барања на отпремнина за пензионирање, боледување и смртен случај на потесен член од семејството.

         8. Предлог-Одлука за утврдување одговорности за квалитет согласно инплементација на ИСО 9001:2008 стандард.

         9. Предлог-Заклучок за усвојување на Информација од Секторот за урбанизам, комунални работи и заштита на животната средина.

28.9.2009

Општина Аеродром

Општина Аеродром реагира на написот „Фонтаните во Аеродром станаа жабурници и депонии“ објавен на 25.9.2009 година во дневниот весник „Нова Македонија“.

Во текстот се вели дека фонтаната која се наоѓа во близина на маркетот „Тедико“ на булевар „Јане Сандански“ број 64, нема поставено изолација поради што во подземните гаражи тече вода.

Ваквото тврдење е апсолутно неточно бидејќи не само оваа, туку сите фонтани на територијата на Општина Аеродром, уште пред почетокот на летната сезона, беа санирани и исчистени од смет.

Исто така, на оваа фонтана, која во моментов не функционира поради нејзино конзервирање кое се презема како заштитна мерка во зимскиот период, се изврши и реконструкција, поточно се поставија нови плочки така што во моментов изолацијата е во сосема исправна состојба.

Оваа фонтана, која работеше до почетокот на септември, по реконструкцијата доби многу поубав излгед, беше осветлена и редовно се одржуваше од страна на сезонските работници.

Насобраната вода, пак, што е последица на честите врнежи изминатите денови, ќе се исчисти од страна на Општина Аеродром.

Инкау, Општина Аеродром има сознанија дека сопствениците на овие гаражи имале проблеми со протекување вода уште пред да се изгради фонтаната.

25.9.2009

Општина Аеродром

Изминатиот период во населбата Мичурин во Општина Аеродром почнаа да се поставуваат нови линии за јавно осветлување.

Линиите на старите столбови на улиците „Анастас Митрев“, „Петар Ацев“ и „Венијамин Мачуковски“ се заменуваат со нови линии за јавно осветлување, а истовремено, екипите на ЕВН вршат преместување на надземните кабли, кои ги поставуваат под земја.

Поставувањето нови линии, првенствено се врши покрај улиците, паркинзите и пешачките патеки во Мичурин, каде што има постоечко јавно осветлување. Изведувач на градежните активности е фирмата „М-Златомир“.

Новите линии за јавно осветлување се очекува наскоро да бидат ставени во функција.

Инаку ЕВН, исто така, ги приклучува на електрична мрежа и претходно поставените линии за јавно осветлување.

24.9.2009

Општина Аеродром

Општина Аеродром им се заблагодарува на сите што учествуваа на хуманитарниот концерт што се одржа на 20.09.2009 година спроти ТЦ „Бисер“ и на тој начин несебично ја поддржаа оваа хумана акција.

Позитивните реакции што доаѓаат од повеќе страни, телефонските јавувања од граѓаните, бројните донации и средствата што беа собрани во текот на концертот се потврда дека сите заедно го оправдавме мотото на хуманитарниот концерт „Биди човек, помогни!“.

Општина Аеродром

23.9.2009

„БИДИ ЧОВЕК, ПОМОГНИ!” беше мотото под кое неколку стотици граѓани присуствуваа на големиот хуманитарен концерт за лицата со хендикеп, што се одржа изминатиот викенд (20.9.2009 година) во Општина Аеродром.

За време на концертот, телефоните на мобилните оператори КОСМОФОН, Т-МОБИЛЕ и ВИП непрекинато ѕвонеа и на тој начин, граѓаните ја покажаа својата несебичност донирајќи по 100 денари. Имаше хумани лица кои донираа и многу повеќе средства на сметката на НВО „Полио Плус“.

Покрај добрата забава, граѓаните ја искористија можноста да разговараат по телефон со некој од присутните гости во бекстејџот.

На телефонските повици покрај градоначалникот на Општина Аеродром, Ивица Коневски и евроамбасадорот Ерван Фуере, одговараше и премиерот на Република Македонија, Никола Груевски, министерката за внатрешни работи Гордана Јанкуловска, министерот за транспорт и врски, Миле Јанакиески, министерот за информатичко општество Иво Ивановски, заменик-министертот за труд и социјална политика, Спире Ристевски, директорот на Агенцијата за млади и спорт, Драган Ѓурчевски, како и голем број лица од јавниот живот, амбасадори, градоначалници, бизнисмени, пејачи, актери, спортисти, како и соработници на општината.

На концертот настапија познати музички уметници од македонската естрада и тоа: Зоран Џорлев, Биба Додева, Некст Тајм, Елена Ристеска, Каролина, Ламбе Алабаковски, Дани, Ристо Самарџиев, Елена Петреска, Мартина, Ѓоко Танески, Елена Чадиковска, Кристијан Јованов, Маја Вукичевиќ, „Токсикологија“, Јане Дунимаглоски, Зоран Рудан – Цеки, Кристијан Димитровски – Кико, Маријачи бенд, „О бојс“, Сања Лефкова, Гемини, Даниел, Иле Спасев, Виданка Ѓорѓиевска, Круме Спасовски, КУД „Никола Ј. Вапцаров“, КУД „Владо Тасевски“, како и најдобрите манекенки од модното студио „Црнокрак“ кои ги претставија креациите на модната куќа „Елена Лука“.

Хуманитарниот концерт го организираше Општина Аеродром во соработка со Македонската радио телевизија и НВО „Полио Плус“.

Средствата што ќе се соберат од концертот ќе бидат наменети за овозможување пристапност и достапност на објектите во Општина Аеродром за лицата со хендикеп.

22.9.2009

Општина Аеродром