Општина Аеродром распиша тендер за изградба на нов голем модерен парк во населбата Лисиче, како комбинација на уредени зелени и водени површини со спортско-рекреативни терени и детски игралишта.
Општина Аеродром во соработка со УНДП и проектот „Ублажување на климатските промени преку подобрување на енергетската ефикасност во градежниот сектор“ од 10.1.2012 година почнаа со комплетна реконструкција на градинката „Калинка“ како пилот-проект за создавање целосно енергетски ефикасна градинка, прва во Република Македонија.
Општина Аеродром ги потсетува граѓаните дека имаат обврска да поднесат годишна даночна пријава за остварените приходи во 2011 година како даночни обврзници на персоналниот данок на доход.
Градоначалниците на Град Скопје и на Општина Аеродром, Коце Трајановски и Ивица Коневски, денеска, 3.01.2012 година, на почетокот на булеварот „Февруарски поход“ (спроти ресторанот „Мирко“), го означија почетокот на изградба на три нови паркиралишта во општината.
СРЕЌНА НОВА 2012
Општина Аеродром се приклучи на кампањата „Гоу клин“ СПЕЦИЈАЛНИ КУТИИ ЗА ФРЛАЊЕ НА ИСТРОШЕНИ БАТЕРИИ
Под мотото „Гоу клин“, денеска, 23.12.2011 година, Општина Аеродром се приклучи на кампањата на НВО „Гоу грин“ за сигурно депонирање на истрошените батерии.
Општина Аеродром деновиве набави две нови камиончиња за одржување на тревното зеленило, поточно за расчистување на тревниците во големите блоковски површини.
„Со изградбата на новиот парк овде покрај кејот на реката Вардар, Општина Аеродром ќе им подари на граѓаните ново зелено катче за рекреација. Од друга страна, со новиот модерен парк ќе се облагороди овој со години наназад запуштен простор, така што ќе дадеме уште еден придонес за екологијата“, изјави градоначалникот на Општина Аеродром, Ивица Коневски на денешниот (18.12.2011 година) официјален почеток на изградба на Паркот на езерата.
„На мое големо задоволство можам да ја информирам јавноста дека Општина Аеродром денеска почнува со хортикултурно уредување на просторот на тромеѓето каде што се вкрстуваат булеварите „Кузман Јосифовски Питу“ и „Јане Сандански“ и улицата „Фрањо Клуз“, изјави градоначалникот Ивица Коневски на денешната прес-конференција (7.12.2011 година).
Паркот „Јане Сандански" деновиве доби новогодишен сјај. Новогодишната елка на бината во паркот и украсните сијалички ги постави „Вучко компани".
„Општина Аеродром предвиде 1,5 милион евра за реконструкција на основните училишта, со што се надеваме дека значително ќе ги подобриме условите и ќе овозможиме поквалитетно извршување на воспитно-образовниот процес“, изјави градоначалникот на Општина Аеродром, Ивица Коневски на прес-конференцијата што се одржа денеска, 4.12.2011 година, во ОУ „Браќа Миладиновци“.
Вчера, 1.12.2011 година, во спортската сала „Јане Сандански“ во Општина Аеродром се одржа ученичкото Државно карате првенство во изведба на кати за учениците од основните и средните училишта во машка и женска конкуренција.
Градоначалникот на Град Скопје, Коце Трајановски, заедно со директорите на градските јавни претпријатија, вчера, 1.12.2011 година, ја посети Општина Аеродром, при што оствари работна средба со градоначалникот на Општина Аеродром, Ивица Коневски, со раководителите на општинската администрација, како и со секретарите на урбаните и на месните заедници.
Вчера, 30.11.2011 година, заврши симболичното украсување на Општина Аеродром, со што и годинава блесна во новогодишен сјај.
Вчера, 30.11.2011 година во градинката „Буба Мара“ во објектот „Пчелка 2“ се одржа есенски панаѓур, поточно продажна изложба на рачни изработки на тема есен.
Деновиве во Општина Аеродром, во тревната површина меѓу кулите на улица „Бојмија“ (во близина на Железничката станица)почна да се гради нова модерна фонтана, која ќе наликува на фонтаната „Тоше Проески“ во Ново Лисиче.
Општина Аеродром деновиве заврши со асфалтирање на уште две улици и тоа „Богомилски Поход“ во Горно Лисиче и кракот од улицата „Гаврил Константиновиќ“, кој ги спојува населбите Реонски центар „Аеродром“ и Лисиче.
Општина Аеродром, во соработка со НВО „Линк Акрос“, Американската стопанска комора и Факултетот за бизнис и економија вчера, 1.11.2011 година, во просториите на факултетот одржаа бесплатен семинар под наслов „Услугите во фокусот“.
По повод 5-ти Октомври – Светскиот ден на учителот, во градинките и основните училишта во Општина Аеродром изминативе денови се организираа активности со кои свечено се одбележа денот на учителите.
Општина Аеродром на последната седница на Советот донесе одлука за донација на три милиони денари на Јавното претпријатие за стопанисување со градските паркинзи, како резултат на добрата соработка со ЈП „Градски паркинг“ и Градот Скопје, со кои досега беа реализирани бројни проекти. За возврат граѓаните, односно станарите на зградите во општината ќе користат бесплатно зонско паркирање.
-2c263069.jpg){kind=small}
„БИДИ ЧОВЕК, ПОМОГНИ!” беше мотото под кое неколку илјади граѓани присуствуваа на големиот хуманитарен концерт за лицата со хендикеп, што се одржа вчера, 23.9.2011 година, во Општина Аеродром.
За време на концертот, телефоните на мобилните оператори OНЕ, T-Мобиле и ВИП непрекинато ѕвонеа и на тој начин, граѓаните ја покажаа својата несебичност донирајќи по 100 денари.
Најголемо внимание, како што се очекуваше, привлекоа неколкутемина македонски кошаркарски репрезентативци, кои на голема чест и задоволство на огромниот број нивни фанови од Аеродром, всушност го отворија концертот.
Општина Аеродром во соработка со Телекабел, Канал 5 телевизија и Томато продукција на 23-ти септември 2011 година (петок), во паркот „Јане Сандански“ од 21:00 до 23:00 часот под мотото „БИДИ ЧОВЕК, ПОМОГНИ!“ организира голем хуманитарен концерт за помош на лицата со хендикеп и посебни потреби.
Од денеска, 20.9.2011, со едно јавување граѓаните можат да донираат по 100 денари на телефонските броеви на мобилните оператори ОNE 075/143 401, Т-Мобиле 070/143 401 и ВИП 077/143 402.
-7ae9d675.jpg){kind=small}
Градоначалникот на Општина Аеродром, Ивица Коневски во присуство на огромен број граѓани, денеска, ги пречека македонските кошаркарски репрезентативци.
Општина Аеродром беше првата дестинација на македонските херои, по слетувањето на скопскиот аеродром „Александар Велики“ по нивното враќање од европското првенство во Литванија.
-e8ce565d.jpg){kind=small}
Денеска, 16.9.2011 година, беше свечено пуштен во употреба новиот терариум во зоолошката градина, за чија изградба Општината донираше 1.200.000 денари.
„На овој начин сметаме дека од една страна ќе им помогнеме на животните и ќе им обезбедиме подобри услови за живеење, а од друга страна кај најмладите ќе поттикнеме љубов и свест за грижа и нега на животните“,изјави градоначалникот Ивица Коневски.
-7372fb70.jpg){kind=small}
Во средата, (7.9.2011) во пресрет на Денот на независноста, детската улица „Тоше Проески“ во Ново Лисиче ечеше од музика и забава до доцните вечерни часови.
На журката, чиј организатор беше здружението на млади „Спортско Друштво Ново Лисиче“, настапија голем број изведувачи од македонската андерграунд, рап и хип хоп сцена, како и ѕвезди од рок и поп музиката, меѓу кои Некст тајм, Слаткаристика, Влатко Илиевски, Скит Скитара, Млади хип хоп артисти, Културно уметнички работници, Драган Б. Костиќ, диџеј Димитри и други музички артисти.
Утре, 7-ми септември, со почеток од 12:00 часот до доцните вечерни часови на детската улица во Ново Лисиче, здружението на млади „Спортско Друштво Ново Лисиче" ќе организира голема музичка манифестација.
„Од денеска во парковите „Јане Сандански" и паркот „Тоше Проески" кај детската уличка граѓаните ќе можат преку нивните мобилни телефони или лаптоп компјутери бесплатно да се поврзат на безжичен интернет во секое време", изјави градоначалникот на Општина Аеродром, Ивица Коневски на прес-конференцијата што се одржа денеска, 5.9.2011 година, во паркот „Јане Сандански".
Денеска, 1.9.2011 година, во ОУ „Браќа Миладиновци", градоначалникот на Општина Аеродром, Ивица Коневски, заедно со министерот за образование и наука, Панче Кралев и в.д. амбасадорот на Соединетите држави во Македонија, Брајан Агелер, го промовираа проектот „за секое прваче по едно ново столче", симболично означувајќи го почетокот на новата учебна година.
Деновиве фотографијата на Тоше Проески од фонтаната посветена на македонската музичка легенда во детската улица во Општина Аеродром е заменета со нова.
-964984cb.jpg){kind=small}
Градоначалникот на Општина Аеродром, Ивица Коневски заедно со министерот за труд и социјална политика, Спиро Ристовски, денеска, 24.8.2011 година, во детската градинка „Срничка“, поточно клонот „Чекорче“ во непосредна близина на ОУ „Ѓорѓија Пулевски“, одржа прес-конференција на тема реновирање на детските градинки во Општина Аеродром.
Станува збор за реконструкција на три предучилишни установи и тоа, двете градинки „Чекорче“ и „Црвенкапа“, кои се клонови на градинката „Срничка“, а третата градинка е „Буба Мара“, во која е сместена и дирекцијата на оваа детска установа.
Денеска, 3.8.2011 година, покрај кејот на реката Вардар (во близина на спортската сала „Јане Сандански") официјално беше пуштено во употреба ново фудбалско игралиште.
Градоначалникот на Општина Аеродром, Ивица Коневски денеска, 3.8.2011 година, на почетокот на улицата „Тодор Чангов" во Горно Лисиче симболично го означи почетокот на изградба на нова фекална канализација во должина од 22 и пол километри.
Триесетина коњаници од Горно Лисиче, вчера, 27.7.2011 година од дворот на Општина Аеродром тргнаа кон славното Крушево, каде што треба да се приклучат на прославата на најголемиот македонски национален и верски празник - Илинден.
„Општина Аеродром деновиве распиша тендер за изградба на нов голем воден парк што ќе се гради покрај кејот на реката Вардар во непосредна близина на спортската сала „Јане Сандански" и со тоа граѓаните не само што ќе добијат ново зелено катче за рекреација и место на кое ќе можат да се разладуваат во топлите денови, туку ќе дадеме уште еден придонес за екологијата на тој начин што ќе се облагороди овој со години наназад запуштен простор" изјави градоначалникот на Општина Аеродром, Ивица Коневски на денешната (27.7.2011 година) прес-конференција.
-d20b8f5c.jpg){kind=small}
Со симболично поставување камен-темелник денеска, 13.7.2011 година, официјално почна изградбата на нова фискултурна сала во рамки на основното училиште „Гоце Делчев“ во Горно Лисиче, каде што учениците со години одржуваа фискултурни активности во скромни услови.
„Новата сала, не само што ќе го облагороди и ќе го збогати училишниот простор, туку учениците ќе добијат ново модерно место за дружење, спорт и рекреација, но пред сè нормални услови за одржување на часот по физичко воспитание и образование“, изјави градоначалникот на Општина Аеродром, Ивица Коневски.
-d6bda602.jpg){kind=small}
Денеска, 26.6.2011 година, на просторот меѓу спортската сала „Јане Сандански“ и новото фудбалско игралиште покрај кејот на Вардар во Општина Аеродром почна изградба на новото паркиралиште со капацитет од 80 возила.
„Со изградбата на уште едно ново паркиралиште во Општина Аеродром ќе покажеме дека продолжуваме да ги решаваме проблемите со кои се соочуваат жителите од урбаниот дел, а тоа е недостигот од паркинг простор“, изјави градоначалникот Ивица Коневски на поставувањето камен-темелник на новото паркиралиште.
На аголот меѓу булеварите „Јане Сандански" и „Србија" денеска, 07.6.2011 година, официјално беше пуштен во употреба новиот парк со плоштад „Јане Сандански".
-2baf35e0.jpg){kind=small}
Денеска, 3.6.2011 година, во Реонски центар „Аеродром" беше поставен камен - темелник на нов комплекс со 7 станбени објекти.
„Без Вашиот доброволен ангажман проектот секако немаше да биде толку успешен", изјави секретарот на Општина Аеродром, Ана Ристевска на денешното доделување благодарници за наставниците по информатика и по англиски јазик, односно за нивниот несебичен ангажман и волонтерска настава во рамки на проектот „Бесплатни обуки по информатика и англиски јазик".
-0a4303b7.jpg){kind=small}
Градоначалникот на Општина Аеродром, Ивица Коневски и министерот за образование и наука, Никола Тодоров денеска, 1.6.2011 година, во населбата Реонски центар „Аеродром" поставија камен-темелник на ново основно училиште.
Денеска, 31.5.2011 година, под Транспортниот центар во Општина Аеродром почна изградба на ново паркиралиште со капацитет од седумдесетина возила.
Денеска, 28.5.2011 година, во близина на ресторанот „Мирко“ во населбата Горно Лисиче, беше поставен камен-темелник на нов фекален колектор, во вредност од над 2 милиони евра, кој ќе ги прифаќа фекалните отпадни води од целата Општина Аеродром и поголемиот дел од Општина Кисела Вода, територија со околу 150.000 жители.
„Со изградбата на ова современо монтажно паркиралиште одговоривме на еден од поголемите предизвици, со кои се соочуваат жителите од урбаниот дел на Општина Аеродром – недостигот од паркинг простор“, изјави градоначалникот на Општина Аеродром, Ивица Коневски на денешното (27.5.2011 година) свечено пуштање во употреба на првото монтажнo паркиралиштe во општината на кое присуствуваше и премиерот, Никола Груевски.
Од денеска веќе не мора да стравувате дека вашите куќи, изградени пред 30 - 40 години се во опасност да бидат урнати. Исто така, со тапиите што ќе ги добиете, не само што конечно го решавате правниот статус на своите куќи, туку и официјално станувате сопственици на она што сте го граделе со мака“, изјави градоначалникот на Општина Аеродром, Ивица Коневски на денешното свечено доделување на првите 25 решенија за легализирање на дивоградбите во Општина Аеродром, на кое присуствуваа и премиерот Никола Груевски и министерот за транспорт и врски, Миле Јанакиевски.
На аголот меѓу булеварите „Јане Сандански" и „Србија" денеска, 26.4.2011 година, почна официјалната изградба на новиот голем зелен парк со плоштад „Јане Сандански".
Со пригодна свеченост вчера, 12.4.2011 година, во дворот на Општина Аеродром во присуство на голем број гости пријатели на Општината беше прославен нејзиниот 6-ти роденден.
„Општина Аеродром е на добар пат да стане една од најперспективните и најпосакувани општини во нашата држава“, изјави градоначалникот на Општина Аеродром, Ивица Коневски.
Денеска, 27.3.2011 година, покрај кејот на реката Вардар (во близина на мостот „Близнак“ во Ново Лисиче) со поставување камен - темелник градоначалникот на Општина Аеродром, Ивица Коневски, го означи официјалниот почетокот на изградба на нов голем зелен парк со импровизирана писта од сто метри во централниот дел, на која ќе биде поставена школка од авион.
„Граѓаните ќе добијат уште едно прекрасно зелено катче за одмор и рекреација, а нашата општина конечно ќе добие препознатливо место и симбол што ќе асоцира на аеродром", изјави градоначалникот Коневски.
-951cc7bd.jpg){kind=small}
Денеска, 13.3.2011 година, Општина Аеродром официјално ја почна реконструкцијата и изградбата на спортска сала и отворено повеќенаменско спортско игралиште на местото на руинираното игралиште во Ново Лисиче, кое почнало да се гради пред 20-тина години.
„Новата сала ќе го облагороди и повторно ќе го заживее просторот, а жителите ќе добијат уште едно модерно место за дружење, спорт и рекреација“, изјави градоначалникот Коневски.
Надлежните служби во Општина Аеродром подготвено го дочекаа стапувањето во сила на новиот Закон за постапување со бесправно изградени градби и уште првиот ден десетина жители на Општината поднесоа барање за легализација на дивоградбите, а околу стотина други граѓани подигнаа барања, кои ќе ги поднесат подоцна заедно со другите потребни документи.
На денешната прес-конференција, 25.2.2011 година, градоначалникот на Општина Аеродром, Ивица Коневски, соопшти дека е распишан тендер за изградба на нов голем зелен парк со плоштад на аголот меѓу булеварите „Јане Сандански“ и „Србија“.
„Со изградба на паркот граѓаните не само што ќе добијат ново зелено катче за рекреација, туку и официјално место, на кое конечно ќе можат да се одржуваат разни манифестации од културен и забавен карактер“, изјави градоначалникот Коневски.
-991ab88d.jpg){kind=small}
На денешната прес-конференција, 27.1.2011 година, градоначалникот на Општина Аеродром, Ивица Коневски, соопшти дека е распишан тендер за изградба на нов голем зелен парк „Аеродром“ покрај кејот на реката Вардар во Ново Лисиче во близина на мостот „Близнак“.
-1ede1b2f.jpg){kind=small}
Во присуство на илјадници граѓани вчера во централниот парк во населбата Мичурин по јубилеен петнаесетти пат се одржа традиционалната „Мичуринска средба“, што ја организира истоименото здружение на граѓани со поддршка на Општина Аеродром.
ОПШТИНА АЕРОДРОМ ВИ ПОСАКУВА СРЕЌНА НОВА ГОДИНА И ЧЕСТИТ БОЖИЌ!
Градоначалниците на Општина Аеродром и на најголемата и најразвиена лондонска централна општина Вандсворт, Ивица Коневски и Пиерс Мек Каусленд, вчера, 21.12.2010 година, во Лондон, Велика Британија, потпишаа Меморандум за соработка во областа на образованието, културата и граѓанската заедница.
Одлука за склучување Меморандум за соработка меѓу Општина Аеродром и Вандсворт донесе Советот на Општина Аеродром на 41-та седница одржана на 5.11.2010 година.
-9bc51a07.jpg){kind=small}
Денеска, 18.12.2010, во хотелот „Холидеј ин“ во Скопје Општина Аеродром пред стотина стопанственици, односно потенцијални инвеститори главно од градежни и проектантски фирми, под мотото „Општина Аеродром – вистинското место за Вашите инвестиции“ градоначалникот Ивица Коневски одржа 3–Д видео презентација на можностите за инвестирање во 2011 година што ги нудат деталните урбанистички планови донесени изминатиот период.
Градоначалникот на Општина Аеродром, Ивица Коневски, вчера, 28.11.2010 година, на улицата „Тоше Проески" со вклучување на новогодишните светилки симболично го означи завршувањето на новогодишното украсување на општината.
Градоначалникот на Општина Аеродром Ивица Коневски, заедно со Премиерот на Република Македонија, Никола Груевски, директорот на Агенцијата за млади и спорт, Диме Спасов и Градоначалникот на Град Скопје, Коце Трајановски, денеска, 8.11.2010 година, во близината на спортската сала „Јане Сандански", со сечење лента свечено пуштија во употреба четири нови тениски игралишта.
ГРАДОНАЧАЛНИЦИТЕ НА ОПШТИНА АЕРОДРОМ И НА ГРАДОТ СТИРЛИНГ ПОТПИШАА ПОВЕЛБА ЗА МЕЃУСЕБНО ПРИЈАТЕЛСТВО
Градоначалниците на Општина Аеродром и на Градот Стирлинг, Ивица Коневски и Дејвид Бутман денеска, 29.9.2010 година, во Стирлинг, Австралија, потпишаа Повелба за меѓусебно пријателство меѓу Општина Аеродром и Градот Стирлинг.
Десетина ученици од основното училиште „Ѓорѓија Пулевски“ од Општина Аеродром се вклучија во вчерашната велосипедска парада од Градскиот парк до Инфо-центарот на Европската унија во Скопје што се одржа по повод 22-ри Септември, Меѓународниот ден без автомоб
-8e1dc271.jpg){kind=small}
Во понеделник, 20.09.2010, со почеток во 12:00 часот покрај булеварот „Јане Сандански“ (кај зелените згради спроти спортското игралиште „Сансет“) Општина Аеродром официјално ќе почне со изградба на првото монтажно паркиралиште во Република Македонија, по што градоначалникот на Општина Аеродром Ивица Коневски, ќе даде изјава за медиумите.
Општина Аеродром во соработка со Град Скопје и јавните претпријатија „Комунална хигиена“, „Паркови и зеленило“, „Водовод и канализација“ и „Улици и патишта“ од денеска до понеделник почнаа голема акција за генерално чистење на општината под мотото ЧИСТ АЕРОДРОМ.
Денеска, 11.6.2010 година, во Општина Аеродром на свечен начин беа доделени благодарници за наставниците по информатика и по англиски јазик за нивниот несебичен ангажман и волонтерска настава во рамки на проектот „Бесплатни обуки по компјутери и англиски јазик“.
Во чест на загинатиот бранител Александар Стојчев на 22-ри и 23-ти јуни 2010 година во спортско-рекреативниот центар „Александар Стојчев” во Општина Аеродром се одржа Деветтиот меморијален турнир во мал фудбал „Александар Стојчев“.
Општина Аеродром во соработка со Град Скопје и јавните претпријатија „Комунална хигиена”, „Паркови и зеленило”, „Водовод и канализација” и „Улици и патишта” вчера ја заврши големата акција за генерално чистење на општината под мотото ЧИСТ АЕРОДРОМ.
По повод 20-ти мај, денот на пожарникарството во Република Македонија, на кејот на реката Вардар, во непосредна близина на спортската сала „Јане Сандански“ вчера, 19.5.2010 година, се одржа крос натпревар за учениците од 7-мо и 8-мо одделение од Скопје.
„БИДИ ЧОВЕК, ПОМОГНИ!” беше мотото под кое повеќе стотици граѓани присуствуваа на големиот хуманитарен концерт за лицата со хендикеп и со интелектуална попреченост, што се одржа вчера спроти ТЦ „Бисер“ (8.6.20109 година) во Општина Аеродром.
Од вчера пред ТЦ „Бисер“ кловнови, акробати, магионичари и музичари со најразлични настапи и театарски и магионичарски изведби во попладневните часови ги забавуваат граѓаните на Општина Аеродром во рамки на БАСКЕРФЕСТ 2010 под наслов „Циркус под отворено небо“.
На 5-ти, 6-ти и 7-ми јуни 2010 година (сабота, недела и понеделник од 18:00 до 21:00 часот во Општина Аеродром во ТЦ „Бисер“ граѓаните ќе имаат можност да ги проследат настапите предвидени во програмата на фестивалот „Баскерфест 2010 – Скопје“.
Денеска, 28.5.2010 година, со поставување камен-темелник свечено беше одбележан почетокот на изградбата на нова фонтана во дворот на цркавата „Св. Петар и Павле“ во Горно Лисиче.
Центар за институционален развој (ЦИРА) на Општина Аеродром вчера и додели признание за особен придонес за развој на филантропијата во Република Македонија во 2009 година.
Градоначалникот Коневски, заменик- министерот за труд и социјала и претседателот на „Полио плус“, денеска, пред основното училиште „Блаже Конески“ ја пуштија во употреба пристапната рампа за инвалидизирани лица, како дел од проектот пристапни рампи во сите основни училишта.
Учениците од четврто одделение од ОУ „Лазо Ангеловски“ денеска, 20.4.2010 година беа во работна посета на Општина Аеродром и се сретнаа со градоначалникот Ивица Коневски.
Градоначалникот на Општина Аеродром, заменик-министерот за труд и социјална политика и претседателот на невладината организација „Полио плус“, утре, 20.5.2010 година пред основното училиште „Блаже Коневски“ во Општина Аеродром свечено ќе ги пуштат во употреба пристапните рампи за инвалидизирани лица.
Градоначалникот на Општина Аеродром Ивица Коневски, заедно со претседателот на Советот на општината, Виктор Камиловски, престојува во официјална посета на Лондон.
