Во моментов Општина Аеродром не е индустриски развиена, но затоа во тек е процесот на промена и изградба на нови детални урбанистички планови (ДУП) со што ќе овозможиме создавање на индустриски капацитети во кои првенство на вработување би имале жителите на Општина Аеродром. Доколку се промени градежното земјиште да биде под ингеренции на Општина Аеродром односно, државното земјиште да стане општинско, тогаш најважните локации ќе им се овозможат на околу 50 инвеститори кои ќе обезбедат работа за 5-6.000 жители од општината. Ќе се формираат здруженија на стопанственици со цел поврзување на работниците и работодавците.
Наша цел е да овозможиме квалитетен живот на граѓаните (паркинзи, зеленило, паркови...) но и да обезбедиме нови станбени единици. Во план сме да создадеме станови за млади брачни парови (за неколку години можат да се изградат 10.000 станови), спортски и детски игралишта, хотели и сл. За кои се и ќе бидат ангажирани 10 градежни инженери и архитекти, а во моментов во тек е изградба на реонскиот центар.