Грбот на Општина Аеродром е во форма на заоблен триаголен штит во бордо-црвена боја. На штитот се преклопува златно-жолт сончев диск со зраци во жолта боја, како симбол на топлина и гостољубивост. Сонцето доминира со композицијата, бидејќи е најизразит македонски симбол, а Општина Аеродром и нејзините жители се познати по своето особено чувство за чување на националната гордост и традициите и вредностите што со векови се таложат во нашата колективна свест како еден обединет македонски код. Под сонцето се наоѓа стилизираната буква „А“. Покрај иницијалната буква на името на oпштината, таа со својата форма асоцира и на динамична сообраќајница како преплет на комуникации карактеристични за Општина Аеродром. Знамето е во правоаголна форма во црвена и златно-жолта боја, во чија средина е поставен грбот на Општината.