Врз основа на Одлука за задолжување на градоначалникот на Општина Аеродром за преземање активности за распишување Конкурс за избор на химна на Општина Аеродром, број 07-231/2 од 10.01.2008 година („Службен гласник на Општина Аеродром” бр. 01/08) и  Одлуката за измена и дополнување на Одлуката за задолжување на градоначалникот на Општина Аеродром за преземање активности за распишување Конкурс за избор на химна на Општина Аеродром, број 07-280/2 од 21.01.2008 година („Службен гласник на Општина Аеродром” бр. 02/08) Советот на Општина Аеродром распишува:

Ј А В Е Н       К О Н К У Р С
за изработка на идејно решение за химна на 
Општина Аеродром - Скопје

1. Општина Аеродром распишува јавен конкурс за изработка на идејни решенија за химна на општината.
2. При изработка на идејното решение за химна да се имаат предвид историските традиции, културното наследство, природата, географските, стопанските и други карактеристики на Општина Аеродром.
3. Да се разликува од химната на Република Македонија, од другите општини, од општините во Градот Скопје, како и од химната на другите држави и други државни и меѓународни организации.
4. Идејното решение потребно е да биде мелодично, со разбирлив и јасен стил на изразување во текстот.
5. Идејното решение не треба да трае подолго од 3 минути и  потребно е досега да не е изведувано.
6. Идејните решенија за  химна да се достават во затворени пратки под шифра со ознака за „химна“ и „не отворај” и во истите треба да има посебен затворен коверт на кој ќе пишува „решение”  и во него да биде идејното решение за химна на општината,  ставено  на соодветен носач на звук, а текстуалниот дел на химната да биде доставен во печатена и во електронска форма на компакт диск или дискета, како и шифра и посебен затворен коверт на кој ќе пишува „шифра”, а во него да стои името на авторот, на кој се однесува шифрата, со адреса и телефонски број.
7. Авторството се докажува со копија од приложените решенија и податоци за авторот.
8. Комисијата за спроведување на постапката за утврдување химна на Општина Аеродром ќе ги разгледа пристигнатите решенија  и од истите ќе ги избере најдобрите и на Советот на Општината ќе му ги предложи за утврдување на химна на општината.
9. Наградата за  избраното идејно решение на Општина Аеродром ќе изнесува 30.000,00 денари.
10. Авторските права на учесниците чие решение е прифатено и припаѓаат  на  Општина Аеродром.
11. Идејните решенија да се достават до Општина Аеродром (Комисијата за спроведување на постапката за утврдување химна на Општина Аеродром), ул. „Венијамин Мачуковски” бр. 6, 1000 Скопје.
12.  Доставените идејни решенија нема да се враќаат.
13. Конкурсот е јавен и трае 60 дена од денот на објавувањето во печатените јавни гласила.
14. Изборот ќе се изврши во рок од 30 дена од денот на завршувањето на конкурсот.
15. Право на учество имаат сите правни и физички лица на Република Македонија.

Општина Аеродром