ОПШТИНА АЕРОДРОМ ГИ ПОВИКУВА НЕВРАБОТЕНИТЕ ЛИЦА ДА СЕ ПРИЈАВАТ НА БЕСПЛАТНИТЕ ОБУКИ
19.10.2011 09:30
Општина Аеродром со цел транспарентно и навремено да ги информира невработени лица, како и да придонесе во намалување на невработеноста се приклучува на проектот на Агенцијата за вработување на Република Македонија „Поддршка за вработување на млади луѓе, долгорочно невработени и жени“.
Проектот е финансиран од страна на Европската унија преку оперативната програма за развој на човечки ресурси 2007 - 2013 (ИПА компонента), а ги опфаќа сите регистрирани невработени лица заинтересирани да учествуваат на бесплатна обука за општи вештини. Тука спаѓаат странски јазици, основни вештини за информатичка технологија, претприемништво и комуникациски вештини.
Затоа, Општина Аеродром ги повикува своите жители, кои спаѓаат во наведената категорија да се пријават за бесплатните обуки најдоцна до 26.10.2011 година, кога всушност, истекува рокот за пријавување.
Инаку, обуките ќе се изведуваат четири месеци, по што кандидатите ќе се стекнат со соодветни знаења и дипломи во зависност од обуката што ја посетувале.
Подетални информации може да се добијат на веб страниците www.avrm.gov.mk или www.aerodrom.gov.mk односно директно на линкот: http://www.aerodrom.gov.mk/detalni-novosti-oglasi/items/aven-oglas-za-registrirani-nevraboteni-lica-zainteresirani-da-uchestvuvaat-na-besplatna-obuka-za-opshti-veshtini-40stranski-azic.html
19.10.2011
Општина Аеродром
-d2c4ff49.jpg)
