ВРАБОТЕНИТЕ ВО ОПШТИНА АЕРОДРОМ СЕ ОБУЧИЈА ЗА ПРОТИВПОЖАРНА ЗАШТИТА
05.12.2011 09:09
Општинскиот противпожарен сојуз „Аеродром“ на 2.12.2011 година во Општина Аеродром спроведе обука за противпожарна заштита, евакуација и спасување на лица загрозени од пожари и други несреќи, под мотото „Можеме сами да се заштитиме од пожари“.
Обуката, која беше наменета за вработените во Општината, се состоеше од теоретски дел каде што се зборуваше за опасностите што ги предизвикуваат пожарите, како и за превентивните мерки, кои треба да се преземат во јавните објекти.
Во практичниот дел вработените во администрацијата се обучуваа како се гасне пожар со употреба на рачен противпожарен апарат.
Општина Аеродром очекува дека на овој начин, во соработка со Општинскиот противпожарен сојуз „Аеродром“ и со Противпожарниот сојуз на Град Скопје, ќе придонесе за зголемување на безбедноста на граѓаните, како и на материјалните и другите добра од јавен интерес.
5.12.2011
Општина Аеродром
-d2c4ff49.jpg)
