АЗЕРБЕЈЏАНЦИ ВО ПОСЕТА НА ОПШТИНА АЕРОДРОМ
24.01.2012 14:46
Денеска, 24.1.2012 година, ученици и наставници од Азербејџан ги посетија учениците од ОУ „Блаже Конески" во Општина Аеродром.
Посетата е дел од проектот за размена на искуства меѓу учениците од разни држави што го спроведува НВО „Проактива", а истовремено се вклопува во кампањата на Општина Аеродром за зголемување на енергетската ефикасност.
Во таа насока, покрај дружењето за време на посетата учениците се запознаа со активностите и работата на Општина Аеродром, при што ги поздравија проектите на Општината за зголемување на енергетската ефикасност.
Исто така, на гостите од Азербејџан им беа поделени флаери, информативни брошури, сликовници, списанија и цедиња за зголемување на енергетската ефикасност.
Инаку, како главна активност на кампањата за енергетска ефикасност е реконструкцијата на градинката „Калинка" која е пилот-проект на Општина Аеродром и УНДП со проектот „Ублажување на климатските промени преку подобрување на енергетската ефикасност во градежниот сектор".
Со реализација на проектот за комплетна реконструкција, градинката „Калинка" ќе биде првата целосно енергетски ефикасна градинка во Република Македонија.
Во рамки на кампањата за енергетска ефикасност во училиштата, градинките, како и на граѓаните се поделија повеќе од 5.000 флаери од УНДП, „МАЦЕФ", „ОХО", „Гоугрин" и „Проактива".
24.1.2012
Општина Аеродром
-d2c4ff49.jpg)
