МЛАДИТЕ НА ЦРВЕН КРСТ ГО ЧИСТЕА МРАЗОТ ПРЕД ВЛЕЗОВИТЕ НА ПЕНЗИОНЕРСКИОТ ДОМ „ЈАНЕ САНДАНСКИ“
20.02.2012 11:30
Вчера, 19.2.2012 година, младите на Црвениот крст - Кисела Вода заедно со сезонските работници на Општина Аеродром ги чистеа остатоците од снег и мраз од патеката и влезовите на пензионерскиот дом „Јане Сандански“.
Во акцијата се вклучија и неколку случајни минувачи, меѓу кои и деца од околината. За време на акцијата младите ги послужуваа пензионерите со топол чај, а истовремено со топли напитоци се послужуваа и минувачите кај пазарчето зад ТЦ „Бисер“.
Инаку, акцијата се реализираше во рамки на проектот „ПХВ - Промоција на хумани вредности“ кој го спроведува Црвениот крст.
20.2.2012
Општина Аеродром
-d2c4ff49.jpg)
