ЌЕ СЕ ЧИСТИ МРАЗОТ ПРЕД ВЛЕЗОВИТЕ НА ПЕНЗИОНЕРСКИОТ ДОМ „ЈАНЕ САНДАНСКИ“
17.02.2012 11:58
Во недела, 19.2.2012 година, со почеток во 10:00 часот, пред пензионерскиот дом „Јане Сандански“, младите на Црвен Крст - Кисела Вода заедно со сезонските работници на Општина Аеродром ќе го чистат снегот и мразот од патеката и пред влезовите на објектот.
За време на акцијата младите ќе ги послужуваат пензионерите со топол чај, а истовремено, со топли напитоци ќе се послужуваат и минувачите кај пазарчето зад ТЦ „Бисер“.
Акцијата се реализира во рамки на проектот „ПХВ - Промоција на хумани вредности“ кои го спроведува Црвениот Крст.
17.2.2012
Општина Аеродром





