Иницијатива на еден аеродромец
Карло Змајшек, жител на Општина Аеродром, деновиве покрена иницијатива за подигање на свеста на граѓаните и за полевање на дрвјата, а посебно на новонасадените и помалите дрвца. Како личен пример тој веќе неколку недели секој ден наутро или навечер со неколку шишиња вода ги полева четирите дрвца насадени во близина на неговиот дом во Аеродром со цел да преживеат во овие летни и сушни периоди.
Притоа, овој еколошки освестен аеродромец ги повика своите граѓани да му се придружат во акцијата и секој да излезе со шише вода и да го полее најблиското дрвце.
„Ќе се почувствувате исполнети, задоволни, корисни, бидејќи дрвцата се благодарни и многукратно ни враќаат со добрина, го прочистуваат воздухот, обезбедуваат сенка, нивното зеленило не релаксира, даваат мир и спокој“, порачува Змајшек.
Општина Аеродром ја поддржува иницијативата на нашиот жител и апелира и другите да го следат неговиот пример.
Да правиме добри дела! Да почнеме денес!...
27.7.2017
Општина Аеродром
22-03-24
Општина Аеродром, „Нула отпад“ и „Капитол мол“ и оваа година ја почнуваат заедничката екомисија насловена „Е-капитолијада“, односно избор на најдобра екомаска, која има цел да ја подигне јавната свест за заштита на природата и здравјето на луѓето.