Денеска, 4.10.2017 година, во трговскиот центар „Капитол мол“, се одржа промоција на онлајн играта за деца под име „Зелена игра“ (Green game).
Играта е нов концепт, креативна едукација за селекција на отпадот, низ игра и забава од мали нозе децата да научат правилно да го селектираат отпадот, со цел заштита на животната средина во која растат и се развиваат.
Играта може да се симне на следните линкови: www.nulaotpad.com.mk и www.pakomak.com.mk и да се инсталира на мобилен телефон, таблет или компјутер, каде посетителите ги очекуваат многу награди и изненадувања што ќе ги доделат невладините организации Нула Отпад и Пакомак за тоа што ќе го научат со играта.
Присутните на настанот ги дружеа децата од ОУ „Димитар Македонски“, со промоција на песната „Направив вистински град“, како и ученици од ООУ „Љубен Лапе“ и ООУ „Ѓорѓија Пулевски“, а исто така имаше и многу специјални изненадувања кои Капитол Мол со Нула Отпад ги имаа подготвено за минувачите.
4.10.2017
Општина Аеродром
08-04-24