Градоначалникот на Општина Аеродром Златко Марин присуствуваше на свеченото отворање на сместувачки капацитет за децата од Академијата на Фудбалската федерација на Македонија.
На настанот присуствуваа претседателот на УЕФА, Александар Чеферин и директорот за технички развој на ФИФА, Марко ван Бастен, како и потпретседателот на Владата на РМ, Кочо Анѓушев и градоначалникот на Град Скопје, Петре Шилегов.
Македонскиот фудбал доби нов капитален објект од огромно значење за условите за работа на најмладите наши фудбалски генерации. Сместувачкиот капацитет е наменет за престој на учениците од фудбалската академија во текот на училишната година, а по потреба ќе се користи и за младинските национални тимови во пресрет на натпреварите.
Новиот објект во склоп на комплексот „Куќа на фудбалот“ содржи сместувачки капацитет за учениците од ФФМ/УЕФА Елитната академија, како и за младите национални тимови. Целосно се опремени за живеење 30 двокреветни соби, апартмани за селекторите и стручните тимови, како и заеднички простории - сала за состаноци, училници и заедничка кујна и трпезарија.
16.2.2018
08-04-24