Општина Аеродром денеска беше домаќин на 19 учесници од 5 држави во рамки на реализација и спроведување на активности на проектот Еразмус+ под наслов „Да ја обоиме иднината“.
Организатор на петтиот состанок во рамки Еразмус+ КА219 проектот е основното училиште „Лазо Ангеловски“, од каде на гостите-партнери од Турција, Романија, Италија, Австрија и Бугарија им ги претставија досегашните реализирани активности.
Целта на овој проект е да се создадат нови подобрени методи во учењето на уметноста и да се идентификуваат иновативни пристапи, за негова полесна примена во секојдневниот живот.
Проектот се реализира во периодот од септември 2016 година до август 2018 година, а училиште-координатор е ODTÜ Geliştirme Vakfı Özel İlkokulu од Анкара, Турција.
Општина Аеродром и во иднина ќе продолжи да поттикнува и да поддржува слични проекти, кои ќе помогнат за подобрување на образовниот процес и ќе го зголемат самото учество на наставниците и учениците во неговото креирање.
28.2.2018
22-03-24
Општина Аеродром, „Нула отпад“ и „Капитол мол“ и оваа година ја почнуваат заедничката екомисија насловена „Е-капитолијада“, односно избор на најдобра екомаска, која има цел да ја подигне јавната свест за заштита на природата и здравјето на луѓето.