Општина Аеродром на 14.4.2018 година (сабота) во паркот „Авион“ под мотото „Растеме со Аеродром“ ќе го одбележи 13-от роденден на општината со хуманитарна забава.
Настанот ќе почне во 12:00 часот со настап на децата од детските градинки и основните училишта, а забавата ќе биде збогатена со присуство на кловнови и магионичар. Истовремено ликовните таленти од основните училишта ќе цртаат по повод роденденот, по што ќе биде избран најдобар цртеж, а Општината ќе додели награда и за најдобра поетска творба на учениците од одделенска настава на истата тема.
Од 15:00 часот на сцена ќе настапат младински бендови и хип-хоп групи. Во истиот период основците ќе можат да се дружат и заедно да спортуваат со кошаркарите од клубот МЗТ Скопје, а најдобриот стрелец во тројка ќе добие награда. Во пресрет на роденденот Општината организира и анкета за избор на најдобар угостителски објект.
Вечерниот и централен настан ќе почне од 19:00 часот со настап на квартет од МОБ, по што градоначалникот Златко Марин ќе додели награди и признаници на учесниците победници на натпреварите. Ќе настапат афирмирани музички групи и солисти од Општина Аеродром, а забавата ќе се заокружи со настап на Драган Б. Костиќ.
Со цел да се поддржи развојот на социјалното претприемништво, во текот на целиот настан невладини организации и здруженија ќе имаат можност да изложуваат производи и да ја претстават својата работа пред јавноста. Дополнително, ќе бидат поставени кутии за донации на повеќе локации, а собраните средства ќе бидат донирани на социјално загрозените семејства на територијата на Општина Аеродром, во соработка со Црвен крст.
5.4.2018
Општина Аеродром
22-03-24
Општина Аеродром, „Нула отпад“ и „Капитол мол“ и оваа година ја почнуваат заедничката екомисија насловена „Е-капитолијада“, односно избор на најдобра екомаска, која има цел да ја подигне јавната свест за заштита на природата и здравјето на луѓето.