Репрезентативци на Република Македонија денеска ги претставија своите спортови пред дечињата од градинката „Срничка“, објект „Лале“, во рамките на проектот „Европска недела на спортот“.
Спортистите презентираа елементи од фудбалот, кошарката, ракометот, како и од индивидуалните спортови гимнастика и тенис, со цел да го поттикнат спортскиот дух кај најмладите и да ги истакнат придобивките од спортувањето.
Европската недела на спортот ќе биде одбележана со уште неколку настани што ќе се организираат наредните денови и во други градинки и основни училишта во Општина Аеродром.
Проектот е реализиран од страна на Агенцијата за млади и спорт на Република Македонија како дел од програмата „Еразмус плус“, со поддршка од Европската комисија.
24.9.2018
Општина Аеродром
22-03-24
Општина Аеродром, „Нула отпад“ и „Капитол мол“ и оваа година ја почнуваат заедничката екомисија насловена „Е-капитолијада“, односно избор на најдобра екомаска, која има цел да ја подигне јавната свест за заштита на природата и здравјето на луѓето.