Општина Аеродром им овозможи на граѓаните бесплатни термини за користење на новото фудбалско игралиште во Реонски центар „Аеродром“ покрај основното училиште „Александар Македонски“ и тоа по три термини секоја сабота и недела од 09:00 до 12:00 часот.
Право на користење на теренот имаат сите жители на Општината, кои правилно ќе ја пополнат пријавата за бесплатен фудбал. Секоја екипа во пријавата треба да остави име и презиме на капитенот, број на играчи и датум и термин кога би се користело фудбалското игралиште.
Еден термин можат да користат две екипи. Екипите ќе се избираат по принципот - кој прв ќе испрати пријава за бесплатен термин. Листата на екипите што ќе го користат фудбалското игралиште ќе биде објавувана на општинската интернет страница секој петок во 10:00 часот за претстојниот викенд како неделна листа на корисници.
Доколку во меѓувреме биде закажан официјален натпревар, терминот ќе се помести што ќе биде објавено на интернет страницата на Општината еден ден претходно.
Спортската опрема и реквизитите за фудбал си ги обезбедуваат корисниците, а непосредно пред користењето треба да покажат документ за лична идентификација од капитенот, кој е одговорен за тимот. Граѓаните што ќе користат бесплатен термин за фудбал се должни да користат опрема адекватна за овој вид спорт, која нема да предизвика оштетување на теренот.
Со самото пријавување граѓаните се согласни да се користат нивните лични податоци заради спроведување на постапката за бесплатно користење на тениските терени.
25-07-17
Би сакале да ја информираме јавноста дека Општина Аеродром нема потрошено ниту еден денар од Буџетот за рекламирање на својата работа и за реализација на проектите.