Неколку ученици од ООУ „Димитар Македонски“ беа гости на промоцијата на онлајн играта за деца под име „Зелена игра“ (Green game) што се одржа вчера, 4.9.2017 година, во трговскиот центар „Сити мол“, кои специјално за овој настан ја подготвија детската песна „Направив вистински град“.

Вчера, 31.8.2017 година, во просториите на Општината се одржа обука, во соработка со Националната агенција за европски образовни програми и мобилност.

Се известуваат граѓаните на Општина Аеродром дека утре, 31.8.2017 година (четврток), со почеток од 14:00 часот во просториите на Општината ќе се одржи обука, во соработка со Националната агенција за европски образовни програми и мобилност.

Од 21 до 31 август 2017 година во галеријата на НЛБ Тутунска Банка во Скопје ќе се одржи хуманитарна изложба по повод 30 години од раѓањето на Кираца Апостолова, која неодамна почина од рак.

Вчера, 28.7.2017 година од паркот Јане Сандански во Општина Аеродром дваесетина коњаници тргнаа кон славното Крушево, каде што треба да се приклучат на прославата на најголемиот македонски национален празник – Илинден.

Карло Змајшек, жител на Општина Аеродром, деновиве покрена иницијатива за подигање на свеста на граѓаните и за полевање на дрвјата, а посебно на новонасадените и помалите дрвца. Како личен пример тој веќе неколку недели секој ден наутро или навечер со неколку шишиња вода ги полева четирите дрвца насадени во близина на неговиот дом во Аеродром со цел да преживеат во овие летни и сушни периоди.

„Илинденскиот марш 2017“ ќе стартува утре, 27-ми јули (четврток), во 17:30 часот од паркот Јане Сандански во Општина Аеродром, која е традиционално покровител на овој Коњички марш, а ќе заврши на 2-ри август во Крушево, каде што треба да се приклучат на прославата на најголемиот македонски национален празник – Илинден.

Коњаниците кои оваа година ќе учествуваат во 39-от традиционален коњички марш по повод македонскиот национален празник Илинден ги почнаа своите интензивни тренинзи покрај кејот на реката Вардар.

Во рамките на проектот „Зголемено вклучување на граѓанското општество во процесот на донесување одлуки од областа на животна средина“ спроведуван од Центар за климатски промени - Гевгелија, во соработка со Општина Аеродром, планирано е да се постави паркинг за велосипеди (вело-остров) на една од локациите дадени во анкетата подолу.

Проектот „Подводно“ е телевизиски проект во реализација на „Томато продукција“, а во соработка со Општина Аеродром, кој опфаќа игри во вода на базенот „Аеродром“, а кој ќе почне да се емитува на Алфа телевизија секоја недела од 14:45 часот.