Во Општина Аеродром неодамна беше отворен дом за згрижување и социјална заштита на стари лица „Миркоски“, кој е лоциран покрај кејот на реката Вардар, до продавницата „Вучко“.
Целосно реновираниот и реконструиран објект е со површина од 1.000 м2 и располага со 22 двокреветни соби и 4 апартмани, секој опремен со систем за централно ладење и греење, сопствена бања.
За корисниците во ПУСЗ „Миркоски“ се грижи стручен персонал составен од социјален работник, медицински лица и физиотерапевти, со цел да се овозможат подобри услови за луѓето кои се наоѓаат во третото доба од својот живот.
Во домот за стари лица се применуваат две програми - за згрижување и нега на корисници кои можат да се грижат за себе, односно корисници кои имаат одреден степен на независност, како и програма за згрижување и нега на стари лица на кои им е потребна целосна нега и грижа. Тие имаат потреба од секојдневна помош при јадењето, облекувањето, одржувањето лична хигиена и кај овие корисници задолжително се применува физикална терапија. Во оваа категорија се сместени лица со деменции, мозочни и срцеви удари, хронични заболувања.
Покрај грижата за стари лица, во Домот се организираат и културно-забавни и спортски активности, како што се куглање, утринска гимнастика и разни други вежби за одржување на моториката.
5.10.2016
Општина Аеродром
30-04-25
Општина Аеродром во наредниот период започнува со целосна реконструкција на водоводната мрежа на улица 2 во Долно Лисиче, а исто така се започнува и реализација на проектот за проширување на мостот на Маркова Река што ги поврзува Долно и Горно Лисиче.