Општина Аеродром почнува голема еко – акција

 

Општина Аеродром денеска почнува голема еко - акција со која се уредуваат јавните зелени површини кои се под нејзина надлежност.

Комуналните служби на Општина Аеродром, почнувајќи од населбата Мичурин, во наредните денови ќе ги опфатат сите реони, а пролетната акција вклучува косење трева, собирање гранки и шут, како и метење на улиците и паркинзите.

Исто така, во текот на месец април е планирана и акција за расчистување на дивите депонии на различни локации во општината.

Истовремено, со цел подигање на еко-свеста кај населението, инспекциските служби на Општина Аеродром, започнуваат едукативна кампања, преку која на терен ќе ги информираат граѓаните за Законот за јавна чистота и казните кои следуваат за негово непочитување.

2.4.2018

Општина Аеродром

 

Актуелно

img
img img

Видео