Општина Аеродром им додели пофалници на над 60 талентирани спортисти од Општината за високи достигнувања во областа на спортот. Секој од нив ќе добие и еднократна парична помош во износ од 10 000 денари.
Секретарот на Општината, Марица Ѓурческа, изрази задоволство и потенцира дека Општина Аеродром втора година по ред го вреднува и го поттикнува развојот на спортот, доделувајќи им парична помош на талентираните спортисти.
Целта на оваа мерка е да им се помогне на младите да ги остварат свoите амбиции и да се поттикне развојот на спортот во Општината, со што директно ќе се вратат парите кај граѓаните. Мерката е наменета за лица до 28 години, кои не остваруваат приходи од спортот, а се истакнале со досегашните постигнати резултати.
Општина Аеродром им овозможува подобри услови за напредок на младите спортисти и ги мотивира да продолжат да ги реализираат своите таленти.
23.12.2019
Општина Аеродром
22-03-24
Општина Аеродром, „Нула отпад“ и „Капитол мол“ и оваа година ја почнуваат заедничката екомисија насловена „Е-капитолијада“, односно избор на најдобра екомаска, која има цел да ја подигне јавната свест за заштита на природата и здравјето на луѓето.