Објектот на детската градинка „Буба Мара“ во Ново Лисиче вечерва ќе светне во сина боја по повод 2 Aприл, Светскиот ден за подигнување на свесноста за аутизам.
Дечињата од објектот „Буба Мара“ 1, возрасна група од 4-5 години и хетерогена група од 4-6 години, ја дадоа својата поддршка преку изработка на сложувалка и сина светилка како симбол, со порака да станеме свесни и одговорни за оваа состојба.
„Да зборуваме гласно, да се информираме и едуцираме сè повеќе за аутизмот кој носи свои посебности“, порачуваат дечињата и нивните воспитувачи.
Градинката „Буба Мара“ има комплетен стручен тим, кој во соработка со воспитно-згрижувачкиот кадар ги поттикнува децата да ги истакнат своите потенцијали и можности преку работилници, едукација и други активности.
2.4.2021 година
Општина Аеродром
22-03-24
Општина Аеродром, „Нула отпад“ и „Капитол мол“ и оваа година ја почнуваат заедничката екомисија насловена „Е-капитолијада“, односно избор на најдобра екомаска, која има цел да ја подигне јавната свест за заштита на природата и здравјето на луѓето.