Паркот „Нирнберг“ во Ново Лисиче ќе добие лавиринт од 1 200 нови садници. Садниците ќе бидат засадени на тој начин што жителите ќе можат да се движат по патеки меѓу нив и со тоа да ги спојат уживањето и рекреацијата во убаво уредениот парк.
„Ваквиот тип лавиринти се особено интересни за дечињата и многу ме радува што и Аеродром ќе добие едно прекрасно и оригинално катче", рече градоначалникот на Општина Аеродром, Златко Марин. „Продолжуваме да го зазеленуваме нашиот Аеродром, кој е прекрасно место за рекреација и уживање“, додаде тој.
Општина Аеродром пролетта ја дочека со многу новозасадени садници и продолжува и натаму да го проширува и обновува зеленилото, кое е нејзин заштитен знак.
16.4.2021
Општина Аеродром
30-04-25
Општина Аеродром во наредниот период започнува со целосна реконструкција на водоводната мрежа на улица 2 во Долно Лисиче, а исто така се започнува и реализација на проектот за проширување на мостот на Маркова Река што ги поврзува Долно и Горно Лисиче.